Apple Company News: ਐਪਲ ਨੂੰ ਵੱਡਾ ਝਟਕਾ, ਫ਼ਰਾਂਸ ਨੇ ਠੋਕਿਆ 13 ਅਰਬ ਰੁਪਏ ਦਾ ਜੁਰਮਾਨਾ

Big blow to Apple, France imposes a fine of 13 billion rupees

ਪੈਰਿਸ : ਫਰਾਂਸ ਦੇ ਕੰਪੀਟੀਸ਼ਨ ਰੈਗੂਲੇਟਰ ਨੇ ਅਪ੍ਰੈਲ 2021 ਅਤੇ ਜੁਲਾਈ 2023 ਦੇ ਵਿਚਕਾਰ ਆਈ.ਓ.ਐਸ. ਅਤੇ ਆਈਪੈਡ ਡਿਵਾਈਸਾਂ ਲਈ ਮੋਬਾਈਲ ਐਪਲੀਕੇਸ਼ਨਾਂ ਦੀ ਵੰਡ ਵਿਚ ਅਪਣੀ ਸਥਿਤੀ ਦੀ ਦੁਰਵਰਤੋਂ ਕਰਨ ਲਈ ਐਪਲ ਨੂੰ 150 ਮਿਲੀਅਨ ਯੂਰੋ (162 ਮਿਲੀਅਨ ਡਾਲਰ) ਦਾ ਜੁਰਮਾਨਾ ਲਗਾਇਆ ਹੈ।

ਫਰਾਂਸ ਦੀ ਕੰਪੀਟੀਸ਼ਨ ਅਥਾਰਟੀ ਨੇ ਸੋਮਵਾਰ ਨੂੰ ਕਿਹਾ ਕਿ ਉਸ ਨੇ ਪਾਇਆ ਕਿ ਐਪਲ ਦਾ ਐਪ ਟ੍ਰੈਕਿੰਗ ਟ੍ਰਾਂਸਪੇਰੈਂਸੀ ਫਰੇਮਵਰਕ, ਜਿਸ ਦਾ ਉਦੇਸ ਯੂਜਰਜ ਨੂੰ ਥਰਡ ਪਾਰਟੀ ਐਪਸ ਦੁਆਰਾ ਡੇਟਾ ਇਕੱਠਾ ਕਰਨ ਲਈ ਸਹਿਮਤੀ ਦੇਣਾ ਹੈ, ਅਪਣੇ ਆਪ ਵਿਚ ਆਲੋਚਨਾ ਲਈ ਖੁਲ੍ਹਾ ਨਹੀਂ ਹੈ।     (ਏਜੰਸੀ)

ਅਥਾਰਟੀ ਨੇ ਅਪਣੇ ਫ਼ੈਸਲੇ ਵਿਚ ਕਿਹਾ, “ਜਿਸ ਤਰੀਕੇ ਨਾਲ ਇਸ ਨੂੰ ਲਾਗੂ ਕੀਤਾ ਗਿਆ, ਉਹ ਨਾ ਤਾਂ ਜ਼ਰੂਰੀ ਸੀ ਅਤੇ ਨਾ ਹੀ ਐਪਲ ਦੇ ਨਿੱਜੀ ਡੇਟਾ ਦੀ ਸੁਰੱਖਿਆ ਦੇ ਦੱਸੇ ਗਏ ਉਦੇਸ਼ ਅਨੁਸਾਰ ਸੀ।’’ ਇਹ ਸਟ੍ਰੱਕਚਰ, ਜਿਸ ਵਿਚ ਆਈਫੋਨ ਜਾਂ ਆਈਪੈਡ ਯੂਜਰਜ ਨੂੰ ਐਪਲ-ਕੰਟ੍ਰੋਲਡ ਸਿਸਟਮਾਂ ’ਤੇ ਥਰਡ ਪਾਰਟੀ ਐਪਸ ਦੁਆਰਾ ਡੇਟਾ ਇਕੱਠਾ ਕਰਨ ਲਈ ਸਹਿਮਤੀ ਦੇਣ ਦੀ ਲੋੜ ਹੁੰਦੀ ਹੈ, ਪ੍ਰਾਈਵੇਸੀ ਲਈ ਬਿਹਤਰ ਸੁਰੱਖਿਆ ਪ੍ਰਦਾਨ ਕਰਦਾ ਹੈ।