Air India News: ਏਅਰ ਇੰਡੀਆ ਨੇ ਲਾਪਰਵਾਹੀ ਲਈ ਸਿਮੂਲੇਟਰ ਟ੍ਰੇਨਰ ਪਾਇਲਟ ਨੂੰ ਕੀਤਾ ਬਰਖ਼ਾਸਤ
10 ਪਾਇਲਟਾਂ ਨੂੰ ਡਿਊਟੀ ਤੋਂ ਹਟਾਇਆ
ਏਅਰ ਇੰਡੀਆ ਨੇ ਆਪਣੇ ਇੱਕ ਸਿਮੂਲੇਟਰ ਟ੍ਰੇਨਰ ਪਾਇਲਟ ਨੂੰ ਬਰਖ਼ਾਸਤ ਕਰ ਦਿੱਤਾ ਹੈ। ਬਰਖ਼ਾਸਤਗੀ ਦਾ ਕਾਰਨ ਪਾਇਲਟ ਵੱਲੋਂ ਸਿਮੂਲੇਟਰ ਸਿਖਲਾਈ ਦੌਰਾਨ ਆਪਣੀ ਡਿਊਟੀ ਨੂੰ ਸਹੀ ਢੰਗ ਨਾਲ ਨਿਭਾਉਣ ਵਿੱਚ ਅਸਫ਼ਲਤਾ ਦੱਸਿਆ ਗਿਆ।
ਏਅਰ ਇੰਡੀਆ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸਾਵਧਾਨੀ ਦੇ ਉਪਾਅ ਵਜੋਂ, ਇੱਕ ਟ੍ਰੇਨਰ ਪਾਇਲਟ ਦੇ ਅਧੀਨ ਆਵਰਤੀ ਸਿਖਲਾਈ ਲੈ ਰਹੇ 10 ਪਾਇਲਟਾਂ ਨੂੰ ਅਗਲੇਰੀ ਜਾਂਚ ਤੱਕ ਜਹਾਜ਼ ਨੂੰ ਉਡਾਉਣ ਦੇ ਕੰਮ ਤੋਂ ਹਟਾ ਦਿੱਤਾ ਗਿਆ ਹੈ।
ਏਅਰ ਇੰਡੀਆ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਸ ਨੇ ਇਕ ਇੰਸਟ੍ਰਕਟਰ ਪਾਇਲਟ ਦੀਆਂ ਸੇਵਾਵਾਂ ਨੂੰ ਉਸ ਦੀਆਂ ਗ਼ਲਤੀਆਂ ਲਈ ਖ਼ਤਮ ਕਰ ਦਿੱਤਾ ਹੈ ਅਤੇ ਉਸ ਦੇ ਅਧੀਨ ਸਿਖਲਾਈ ਲੈਣ ਵਾਲੇ 10 ਪਾਇਲਟਾਂ ਨੂੰ ਜਾਂਚ ਲੰਬਿਤ ਫ਼ਲਾਇੰਗ ਡਿਊਟੀ ਤੋਂ ਹਟਾ ਦਿੱਤਾ ਗਿਆ ਹੈ। ਟਾਟਾ ਗਰੁੱਪ ਦੀ ਮਲਕੀਅਤ ਵਾਲੀ ਏਅਰਲਾਈਨ ਨੇ ਇਹ ਕਾਰਵਾਈ ਇੱਕ ਵ੍ਹਿਸਲਬਲੋਅਰ ਵੱਲੋਂ ਲਗਾਏ ਗਏ ਦੋਸ਼ਾਂ ਤੋਂ ਬਾਅਦ ਕੀਤੀ ਹੈ। ਵ੍ਹਿਸਲਬਲੋਅਰ ਨੇ ਕਿਹਾ ਸੀ ਕਿ ਸਿਮੂਲੇਟਰ ਇੰਸਟ੍ਰਕਟਰ ਪਾਇਲਟ ਆਪਣੀ ਡਿਊਟੀ ਨੂੰ ਸਹੀ ਢੰਗ ਨਾਲ ਨਿਭਾਉਣ ਵਿੱਚ ਅਸਫ਼ਲ ਰਿਹਾ ਹੈ।
ਏਅਰ ਇੰਡੀਆ ਨੇ ਇਕ ਬਿਆਨ ਵਿਚ ਕਿਹਾ ਕਿ ਇਨ੍ਹਾਂ ਦੋਸ਼ਾਂ ਦੀ ਚੰਗੀ ਤਰ੍ਹਾਂ ਜਾਂਚ ਕੀਤੀ ਗਈ ਅਤੇ ਸਬੂਤਾਂ ਦੀ ਸਮੀਖਿਆ ਤੋਂ ਪੁਸ਼ਟੀ ਕੀਤੀ ਗਈ।ਏਅਰਲਾਈਨ ਨੇ ਕਿਹਾ ਕਿ ਦੋਸ਼ੀ ਟ੍ਰੇਨਰ ਪਾਇਲਟ ਦੀਆਂ ਸੇਵਾਵਾਂ ਨੂੰ ਖ਼ਤਮ ਕੀਤਾ ਜਾ ਰਿਹਾ ਹੈ। ਸਾਵਧਾਨੀ ਦੇ ਤੌਰ 'ਤੇ, ਟ੍ਰੇਨਰ ਪਾਇਲਟ ਦੇ ਅਧੀਨ ਸਿਖਲਾਈ ਲੈ ਰਹੇ 10 ਪਾਇਲਟਾਂ ਨੂੰ ਵੀ ਅਗਲੀ ਜਾਂਚ ਤੱਕ ਫ਼ਲਾਇੰਗ ਡਿਊਟੀ ਤੋਂ ਹਟਾ ਦਿੱਤਾ ਗਿਆ ਹੈ।
ਏਅਰ ਇੰਡੀਆ ਨੇ ਇਸ ਮਾਮਲੇ ਬਾਰੇ ਹਵਾਬਾਜ਼ੀ ਰੈਗੂਲੇਟਰ ਡੀਜੀਸੀਏ ਨੂੰ ਵੀ ਸੂਚਿਤ ਕਰ ਦਿੱਤਾ ਹੈ। ਉਸ ਨੇ ਅੱਗੇ ਆਉਣ ਲਈ ਵ੍ਹਿਸਲਬਲੋਅਰ ਦੀ ਪ੍ਰਸ਼ੰਸਾ ਵੀ ਕੀਤੀ। ਇੰਸਟ੍ਰਕਟਰ ਪਾਇਲਟ ਅਤੇ ਸੰਬੰਧਿਤ ਕਾਰਵਾਈਆਂ ਬਾਰੇ ਵੇਰਵੇ ਤੁਰੰਤ ਨਹੀਂ ਜਾਣੇ ਗਏ ਸਨ।