ਹੁਣ Made in India ਹੋਣਗੇ ਆਈਫੋਨ -12 ,ਐਪਲ ਨੇ ਸ਼ੁਰੂ ਕੀਤਾ ਉਤਪਾਦਨ
ਆਈਫੋਨ ਪ੍ਰੋਡਕਸ਼ਨ ਲਿੰਕਡ ਇੰਨਸੈਂਟਿਵ ਸਕੀਮ ਦੇ ਤਹਿਤ ਬਣਨਗੇ ਅਤੇ ਫਿਰ ਵਿਦੇਸ਼ਾਂ ਵਿਚ ਵੀ ਐਕਸਪੋਰਟ ਕੀਤੇ ਜਾਣਗੇ।
ਨਵੀਂ ਦਿੱਲੀ: ਐਪਲ ਇੰਡੀਆ ਨੇ ਭਾਰਤ ਵਿੱਚ ਆਈਫੋਨ -12 ਦਾ ਨਿਰਮਾਣ ਸ਼ੁਰੂ ਕਰ ਦਿੱਤਾ ਹੈ। ਕੰਪਨੀ ਨੇ ਵੀਰਵਾਰ ਨੂੰ ਕਿਹਾ ਕਿ ਅਸੀਂ ਆਪਣੇ ਸਥਾਨਕ ਗਾਹਕਾਂ ਲਈ ਵਿਸ਼ਵ ਵਿੱਚ ਦੂਜਾ ਸਭ ਤੋਂ ਵੱਡਾ ਸਮਾਰਟਫੋਨ ਮਾਰਕੀਟ, ਭਾਰਤ ਵਿੱਚ ਆਈਫੋਨ -12 ਦਾ ਉਤਪਾਦਨ ਸ਼ੁਰੂ ਕਰ ਦਿੱਤਾ ਹੈ।
ਇਹ ਸਾਡੇ ਲਈ ਮਾਣ ਵਾਲੀ ਗੱਲ ਹੈ।ਹਾਲਾਂਕਿ, ਕੰਪਨੀ ਨੇ ਸਪਲਾਇਰ ਦੇ ਨਾਮ ਦਾ ਖੁਲਾਸਾ ਨਹੀਂ ਕੀਤਾ। ਇਸ ਮਾਮਲੇ ਵਿਚ ਸ਼ਾਮਲ ਦੋ ਸਰੋਤਾਂ ਨੇ ਕਿਹਾ ਕਿ ਤਾਈਵਾਨੀ ਨਿਰਮਾਣ ਕੰਪਨੀ ਫੌਕਸਕਨ ਐਪਲ ਦੇ ਤਾਮਿਲਨਾਡੂ ਪਲਾਂਟ ਵਿਚ ਉਪਕਰਣ ਤਿਆਰ ਕਰੇਗੀ।
ਹਾਲਾਂਕਿ, ਫੌਕਸਕਨ ਨੇ ਇਸ ਮਾਮਲੇ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ। ਅਮਰੀਕਾ ਅਤੇ ਬੀਜਿੰਗ ਦਰਮਿਆਨ ਵਪਾਰ ਯੁੱਧ ਦੇ ਕਾਰਨ, ਐਪਲ ਆਪਣੇ ਉਤਪਾਦਨ ਦੇ ਕੁਝ ਖੇਤਰਾਂ ਨੂੰ ਚੀਨ ਤੋਂ ਬਾਹਰ ਹੋਰ ਬਾਜ਼ਾਰਾਂ ਵਿੱਚ ਭੇਜ ਰਿਹਾ ਹੈ।
ਐਪਲ ਇੰਕ ਨੇ ਇਸ ਦੇ ਲਈ ਤਿੰਨ ਗਲੋਬਲ ਵਿਕਰੇਤਾਵਾਂ ਨਾਲ ਭਾਈਵਾਲੀ ਕੀਤੀ ਹੈ ਜਿਸ ਵਿਚ ਫੌਕਸਕਨ, ਪੇਗਾਟ੍ਰੋਨ ਅਤੇ ਵਿਸਟ੍ਰੋਨ ਸ਼ਾਮਲ ਹਨ। ਇਹ ਆਈਫੋਨ ਪ੍ਰੋਡਕਸ਼ਨ ਲਿੰਕਡ ਇੰਨਸੈਂਟਿਵ ਸਕੀਮ ਦੇ ਤਹਿਤ ਬਣਨਗੇ ਅਤੇ ਫਿਰ ਵਿਦੇਸ਼ਾਂ ਵਿਚ ਵੀ ਐਕਸਪੋਰਟ ਕੀਤੇ ਜਾਣਗੇ।