Spadax Satellites: ਸਾਰੋ ਨੇ ਸਪੈਡੈਕਸ ਸੈਟੇਲਾਈਟਾਂ ਨੂੰ ਕੀਤਾ ਸਫ਼ਲਤਾਪੂਰਵਕ ਡੀ-ਡੌਕ
ਸਪੈਡੈਕਸ ਮਿਸ਼ਨ ਪਿਛਲੇ ਸਾਲ 30 ਦਸੰਬਰ ਨੂੰ ਲਾਂਚ ਕੀਤਾ ਗਿਆ ਸੀ
Spadax Satellites: ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਵੀਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੇ 'ਸਪੈਡੈਕਸ' ਉਪਗ੍ਰਹਿਆਂ ਨੂੰ 'ਡੀ-ਡੌਕਿੰਗ' (ਅਲੱਗ) ਕਰਨ ਦਾ ਕੰਮ ਪੂਰਾ ਕਰ ਲਿਆ ਹੈ। ਇਸ ਨਾਲ ਭਵਿੱਖ ਦੇ ਮਿਸ਼ਨਾਂ ਜਿਵੇਂ ਕਿ ਚੰਦਰਮਾ ਦੀ ਖੋਜ, ਮਨੁੱਖੀ ਪੁਲਾੜ ਉਡਾਣ ਅਤੇ ਸਾਡਾ ਆਪਣਾ ਪੁਲਾੜ ਸਟੇਸ਼ਨ ਬਣਾਉਣ ਦਾ ਰਾਹ ਸਾਫ਼ ਹੋ ਗਿਆ ਹੈ।
ਕੇਂਦਰੀ ਮੰਤਰੀ ਜਤਿੰਦਰ ਸਿੰਘ ਨੇ ‘X’ 'ਤੇ ਇੱਕ ਪੋਸਟ ਵਿੱਚ ਸੈਟੇਲਾਈਟਾਂ ਦੇ ਸਫ਼ਲ ਡੀ-ਡੌਕਿੰਗ ਦਾ ਐਲਾਨ ਕੀਤਾ।
ਸਿੰਘ ਨੇ ਕਿਹਾ, “ਸਪੈਡੈਕਸ ਸੈਟੇਲਾਈਟਾਂ ਨੇ ਡੀ-ਡੌਕਿੰਗ ਪ੍ਰਕਿਰਿਆ ਨੂੰ ਬਹੁਤ ਸਫ਼ਲਤਾਪੂਰਵਕ ਪੂਰਾ ਕੀਤਾ। ਇਹ ਭਾਰਤੀ ਪੁਲਾੜ ਸਟੇਸ਼ਨ, ਚੰਦਰਯਾਨ 4 ਅਤੇ ਗਗਨਯਾਨ ਸਮੇਤ ਭਵਿੱਖ ਦੇ ਮਹੱਤਵਾਕਾਂਖੀ ਮਿਸ਼ਨਾਂ ਦੇ ਸੁਚਾਰੂ ਸੰਚਾਲਨ ਲਈ ਰਾਹ ਪੱਧਰਾ ਕਰੇਗਾ।
ਉਨ੍ਹਾਂ ਕਿਹਾ, “ਇਸਰੋ ਟੀਮ ਨੂੰ ਵਧਾਈਆਂ। ਇਹ ਹਰ ਭਾਰਤੀ ਲਈ ਖ਼ੁਸ਼ੀ ਦੀ ਗੱਲ ਹੈ।
ਸਿੰਘ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਨਿਰੰਤਰ ਮਾਰਗਦਰਸ਼ਨ ਉਤਸ਼ਾਹ ਵਧਾਉਂਦਾ ਹੈ।
ਸਪੈਡੈਕਸ ਮਿਸ਼ਨ ਪਿਛਲੇ ਸਾਲ 30 ਦਸੰਬਰ ਨੂੰ ਲਾਂਚ ਕੀਤਾ ਗਿਆ ਸੀ, ਜਦੋਂ ਇਸਰੋ ਨੇ ਪੁਲਾੜ ਵਿੱਚ 'ਡੌਕਿੰਗ' ਪ੍ਰਯੋਗ ਦਾ ਪ੍ਰਦਰਸ਼ਨ ਕਰਨ ਲਈ ਦੋ ਉਪਗ੍ਰਹਿ - SDX01 ਅਤੇ SDX02 - ਨੂੰ ਔਰਬਿਟ ਵਿੱਚ ਲਾਂਚ ਕੀਤਾ ਸੀ।
'ਸਪੇਸ ਡੌਕਿੰਗ' ਪੁਲਾੜ ਵਿੱਚ ਦੋ ਉਪਗ੍ਰਹਿਆਂ ਨੂੰ ਜੋੜਨ ਦੀ ਪ੍ਰਕਿਰਿਆ ਹੈ।
ਕਈ ਕੋਸ਼ਿਸ਼ਾਂ ਤੋਂ ਬਾਅਦ, ਪੁਲਾੜ ਏਜੰਸੀ ਨੇ 16 ਜਨਵਰੀ ਨੂੰ ਦੋਵਾਂ ਉਪਗ੍ਰਹਿਆਂ ਨੂੰ ਸਫਲਤਾਪੂਰਵਕ ਡੌਕ ਕੀਤਾ।