ਕੂਲਪੈਡ ਨੇ ਜ਼ੀਓਮੀ ਵਿਰੁਧ ਪੇਟੈਂਟ ਮੁਕੱਦਮਾ ਦਰਜ ਕਰਵਾਇਆ
ਚੀਨੀ ਸਮਾਰਟਫ਼ੋਨ ਨਿਰਮਾਤਾ ਸ਼ਿਆਓਮੀ ਅਤੇ ਕੂਲਪੈਡ ਵਿਚ ਪੇਟੈਂਟ ਨੂੰ ਲੈ ਕੇ ਖ਼ਬਰਾਂ ਪਿਛਲੇ ਹਫ਼ਤੇ ਮੀਡੀਆ 'ਚ ਆਈਆਂ ਸਨ। ਬਾਅਦ ਵਿਚ ਸੋਮਵਾਰ ਨੂੰ ਇਹ ਸਾਫ਼ ਹੋ ਗਿਆ ਕਿ...
ਚੀਨ : ਚੀਨੀ ਸਮਾਰਟਫ਼ੋਨ ਨਿਰਮਾਤਾ ਸ਼ਿਆਓਮੀ ਅਤੇ ਕੂਲਪੈਡ ਵਿਚ ਪੇਟੈਂਟ ਨੂੰ ਲੈ ਕੇ ਖ਼ਬਰਾਂ ਪਿਛਲੇ ਹਫ਼ਤੇ ਮੀਡੀਆ 'ਚ ਆਈਆਂ ਸਨ। ਬਾਅਦ ਵਿਚ ਸੋਮਵਾਰ ਨੂੰ ਇਹ ਸਾਫ਼ ਹੋ ਗਿਆ ਕਿ ਕੂਲਪੈਡ ਨੇ ਸ਼ਿਆਓਮੀ ਸਮੂਹ ਦੀਆਂ ਤਿੰਨ ਕੰਪਨੀਆਂ ਵਿਰੁਧ ਕਈ ਪੇਟੈਂਟ ਉਲੰਘਨਾਵਾਂ ਨੂੰ ਲੈ ਕੇ ਮਾਮਲਾ ਦਰਜ ਕੀਤਾ ਹੈ।
ਕੂਲਪੈਡ ਦੀ ਸਾਥੀ ਕੰਪਨੀ ਯੂਲੋਂਗ ਨੇ ਤਾਜ਼ਾ ਮਾਮਲਾ ਦਰਜ ਕੀਤਾ ਹੈ ਅਤੇ ਸ਼ਿਆਓਮੀ ਤੋਂ ਤੁਰਤ ਅਪਣੇ ਸਮਾਰਟਫ਼ੋਨਾਂ ਦਾ ਉਤਪਾਦਨ ਅਤੇ ਵਿਕਰੀ ਰੋਕਣ ਦੀ ਮੰਗ ਕੀਤੀ ਹੈ, ਜਿਨ੍ਹਾਂ ਵਿਚ ਸ਼ਿਆਓਮੀ 6, ਸ਼ਿਆਓਮੀ ਮੈਕਸ2, ਸ਼ਿਆਓਮੀ ਨੋਟ3, ਸ਼ਿਆਓਮੀ 5ਐਕਸ, ਰੈਡਮੀ ਨੋਟ 4ਐਕਸ ਅਤੇ ਮੀ ਮਿਕਸ2 ਸ਼ਾਮਲ ਹਨ।
ਇਸ ਮਾਡਲ ਵਿਚ ਕਈ ਭਾਰਤ 'ਚ ਸੱਭ ਤੋਂ ਜ਼ਿਆਦਾ ਵਿਕਣ ਵਾਲੇ ਸਮਾਰਟਫ਼ੋਨਜ਼ ਵਿਚੋਂ ਇਕ ਹੈ। ਕੂਲਪੈਡ ਨੇ ਇਲਜ਼ਾਮ ਲਗਾਇਆ ਹੈ ਕਿ ਸ਼ਿਆਓਮੀ ਨੇ ਮਲਟੀ ਸਿਮਕਾਰਡ ਡਿਜ਼ਾਇਨ ਅਤੇ ਯੂਜ਼ਰ ਇਨਟਰਫ਼ੇਸ ਨਾਲ ਜੁਡ਼ੀ ਹੋਰ ਤਕਨੀਕੀਆਂ ਦੇ ਪੇਟੈਂਟ ਦੀ ਉਲੰਘਣਾ ਕੀਤੀ ਹੈ। ਕੂਲਪੈਡ ਦੇ ਮੁੱਖ ਪੇਟੈਂਟ ਅਧਿਕਾਰੀ ਨੇਂਸੀ ਝਾਂਗ ਨੇ ਕਿਹਾ ਕਿ ਸਾਲ 2014 ਤੋਂ ਹੀ ਅਸੀਂ ਸ਼ਿਆਓਮੀ ਨੂੰ ਨੋਟਿਸ ਭੇਜ ਕੇ ਆਪਸ ਵਿਚ ਮਾਮਲਾ ਸੁਲਝਾਉਣ ਨੂੰ ਕਹਿ ਰਹੇ ਸੀ ਪਰ ਹੁਣ ਸਾਡੇ ਕੋਲ ਕਾਨੂੰਨੀ ਜ਼ਰੀਏ ਤੋਂ ਇਲਾਵਾ ਦੂਜਾ ਰਸਤਾ ਨਹੀਂ ਹੈ।