Google Translate 'ਚ ਆਈਆਂ 7 ਹੋਰ ਭਾਰਤੀ ਭਾਸ਼ਾਵਾਂ
ਗੂਗਲ ਟਰਾਂਸਲੇਟ ਹੁਣ ਨਵਾਂ ਫ਼ੀਚਰ ਲੈ ਕੇ ਸਾਹਮਣੇ ਆਇਆ ਹੈ, ਖ਼ਾਸ ਕਰ ਕੇ ਉਨ੍ਹਾਂ ਲੋਕਾਂ ਲਈ ਜੋ ਜ਼ਿਆਦਾਤਰ ਵਿਦੇਸ਼ ਜਾਂਦੇ ਹਨ ਜਾਂ ਫਿਰ ਇਕ ਨਵੀਂ ਭਾਸ਼ਾ ਸਿੱਖਣ ਦੇ...
ਨਵੀਂ ਦਿੱਲੀ: ਗੂਗਲ ਟਰਾਂਸਲੇਟ ਹੁਣ ਨਵਾਂ ਫ਼ੀਚਰ ਲੈ ਕੇ ਸਾਹਮਣੇ ਆਇਆ ਹੈ, ਖ਼ਾਸ ਕਰ ਕੇ ਉਨ੍ਹਾਂ ਲੋਕਾਂ ਲਈ ਜੋ ਜ਼ਿਆਦਾਤਰ ਵਿਦੇਸ਼ ਜਾਂਦੇ ਹਨ ਜਾਂ ਫਿਰ ਇਕ ਨਵੀਂ ਭਾਸ਼ਾ ਸਿੱਖਣ ਦੇ ਚਾਹਵਾਨ ਹਨ। ਹੁਣ ਗੂਗਲ ਨੇ ਅਪਣੇ ਇਸ ਐਪ ਲਈ ਇਕ ਨਵਾਂ ਅਪਡੇਟ ਜਾਰੀ ਕੀਤਾ ਹੈ।
Google Translate 'ਚ ਹੁਣ ਇਕ ਨਵੇਂ ਅਪਡੇਟ ਜ਼ਰੀਏ ਕਈ ਭਾਰਤੀ ਭਾਸ਼ਾਵਾਂ 'ਚ ਆਫ਼ਲਾਈਨ ਅਨੁਵਾਦ ਕੀਤੀ ਜਾ ਸਕਦੀ ਹੈ। ਇਸ ਤੋਂ ਇਲਾਵਾ, ਅੰਗਰੇਜ਼ੀ ਨਾਲ 7 ਭਾਰਤੀ ਭਾਸ਼ਾਵਾਂ 'ਚ ਕੈਮਰਾ ਅਨੁਵਾਦ ਸਮੇਤ ਕਈ ਦੂਜੇ ਫ਼ੀਚਰਜ਼ ਵੀ ਆਏ ਹਨ।
ਜਿਨ੍ਹਾਂ ਸੱਤ ਭਾਰਤੀ ਭਾਸ਼ਾਵਾਂ 'ਚ ਕੈਮਰਾ ਅਨੁਵਾਦ ਸਪੋਰਟ ਆਇਆ ਹੈ, ਉਨ੍ਹਾਂ 'ਚ ਬੰਗਾਲੀ, ਗੁਜਰਾਤੀ, ਕੰਨੜ, ਤਮਿਲ, ਮਰਾਠੀ, ਤੇਲਗੂ ਅਤੇ ਉਰਦੂ ਸ਼ਾਮਲ ਹਨ। ਆਫ਼ਲਾਈਨ ਅਨੁਵਾਦ ਦੇ ਜ਼ਰੀਏ ਉਸ ਸਮੇਂ ਵੀ ਉਪਭੋਗਤਾ ਇਕ ਫ਼ਾਈਲ ਡਾਊਨਲੋਡ ਕਰ ਸਕਦੇ ਹਨ ਜਦਕਿ ਉਨ੍ਹਾਂ ਕੋਲ ਇੰਟਰਨੈਟ ਕਨੈਕਸ਼ਨ ਨਹੀਂ ਹੈ।
ਇਨਸਟੈਂਟ ਕੈਮਰਾ ਅਨੁਵਾਦ ਵੀ ਇਸ ਦਾ ਹੀ ਇਕ ਵਿਕਲਪ ਹੈ। ਹਾਲਾਂਕਿ, ਇਹ ਫ਼ੀਚਰ ਆਫ਼ਲਾਈਨ ਮੋਡ 'ਚ ਸਿਰਫ਼ ਅੰਗਰੇਜ਼ੀ ਭਾਸ਼ਾ ਲਈ ਹੀ ਕੰਮ ਕਰੇਗਾ।
ਗੂਗਲ ਦੇ ਆਧਿਕਾਰਕ ਚੇਂਜਲਾਗ 'ਚ ਕਿਹਾ ਗਿਆ ਹੈ ਕਿ ਆਫ਼ਲਾਈਨ ਅਨੁਵਾਦ ਸਹਿਤ, ਹੁਣ ਅੰਗਰੇਜ਼ੀ ਤੋਂ ਗੁਜਰਾਤੀ, ਬੰਗਾਲੀ, ਕੰਨੜ, ਮਰਾਠੀ, ਤਮਿਲ, ਤੇਲਗੂ ਅਤੇ ਉਰਦੂ 'ਚ ਇੰਨਸਟੈਂਟ ਕੈਮਰਾ ਅਨੁਵਾਦ ਸੰਭਵ ਹੋਵੇਗਾ। ਇਸ ਦੇ ਨਾਲ ਹੀ ਕਈ ਬਗ ਵੀ ਜੋੜੇ ਗਏ ਹਨ।