Supermoon Blue Moon: ਭਾਰਤ ਵਿਚ ਅੱਜ ਵਿਖਾਈ ਦੇਵੇਗਾ ਬਲੂ ਸੁਪਰਮੂਨ, ਜਾਣੋਂ ਤੁਸੀਂ ਇਸ ਨੂੰ ਕਦੋਂ, ਕਿਵੇਂ ਅਤੇ ਕਿੱਥੇ ਦੇਖ ਸਕੋਗੇ?
Supermoon Blue Moon: ਸੁਪਰਮੂਨ ਆਮ ਚੰਦਰਮਾ ਨਾਲੋਂ ਲਗਭਗ 30 ਪ੍ਰਤੀਸ਼ਤ ਚਮਕਦਾਰ ਹੈ ਅਤੇ 14 ਪ੍ਰਤੀਸ਼ਤ ਵੱਡਾ ਦਿਖਾਈ ਦਿੰਦਾ ਹੈ।
Supermoon Blue Moon News in punjabi : ਭਾਰਤ 'ਚ ਅੱਜ ਬਲੂ ਸੁਪਰਮੂਨ ਦਿਖਾਈ ਦੇਵੇਗਾ। ਇਹ ਸਾਲ 2024 ਦਾ ਪਹਿਲਾ ਸੁਪਰਮੂਨ ਹੋਵੇਗਾ। ਭਾਰਤ ਵਿੱਚ ਇਹ 19 ਅਗਸਤ ਦੀ ਰਾਤ ਅਤੇ 20 ਅਗਸਤ ਦੀ ਸਵੇਰ ਤੱਕ ਦਿਖਾਈ ਦੇਵੇਗਾ। 'ਸੁਪਰਮੂਨ' ਸ਼ਬਦ ਨੂੰ ਖਗੋਲ ਵਿਗਿਆਨੀ ਰਿਚਰਡ ਨੋਲੇ ਨੇ 1979 ਵਿੱਚ ਵਰਤਿਆ ਸੀ। ਸੁਪਰਮੂਨ ਆਮ ਚੰਦਰਮਾ ਨਾਲੋਂ ਲਗਭਗ 30 ਪ੍ਰਤੀਸ਼ਤ ਚਮਕਦਾਰ ਹੈ ਅਤੇ 14 ਪ੍ਰਤੀਸ਼ਤ ਵੱਡਾ ਦਿਖਾਈ ਦਿੰਦਾ ਹੈ।
ਸੁਪਰਮੂਨ ਬਲੂ ਮੂਨ ਜਾਂ 'ਸਟਰਜਨ ਮੂਨ' 19 ਅਗਸਤ, 2024 ਨੂੰ ਦਿਖਾਈ ਦੇਵੇਗਾ। ਇਹ 19 ਅਗਸਤ ਨੂੰ ਦੁਪਹਿਰ 2:26 ਵਜੇ ਚੜ੍ਹੇਗਾ। ਭਾਰਤ ਵਿੱਚ ਇਹ 19 ਅਗਸਤ ਦੀ ਰਾਤ ਤੋਂ 20 ਅਗਸਤ ਦੀ ਸਵੇਰ ਤੱਕ ਦੇਖਿਆ ਜਾਵੇਗਾ। ਜੇਕਰ ਤੁਹਾਡੇ ਕੋਲ ਦੂਰਬੀਨ ਹੈ, ਤਾਂ ਉਹਨਾਂ ਦੀ ਵਰਤੋਂ ਕਰੋ ਕਿਉਂਕਿ ਉਹ ਸੁਪਰਮੂਨ ਦੇਖਣ ਦੇ ਅਨੁਭਵ ਨੂੰ ਵਧਾ ਸਕਦਾ ਹੈ।
ਸੁਪਰਮੂਨ ਉਸ ਸਮੇਂ ਵਿਖਾਈ ਦਿੰਦਾ ਹੈ ਜਦੋਂ ਚੰਦਰਮਾ, ਧਰਤੀ ਦੇ ਸਭ ਤੋਂ ਨੇੜੇ ਹੁੰਦਾ ਹੈ। 2024 ਦਾ ਅਗਲਾ ਸੁਪਰਮੂਨ 17 ਸਤੰਬਰ ਨੂੰ ਹੋਵੇਗਾ। ਸਾਲ ਦਾ ਆਖ਼ਰੀ ਸੁਪਰਮੂਨ 15 ਨਵੰਬਰ ਨੂੰ ਹੋਵੇਗਾ। ਸੁਪਰਮੂਨ ਦੌਰਾਨ ਚੰਦਰਮਾ ਦੇ ਨੇੜਲੇ ਹਿੱਸੇ ਦਾ 98 ਫ਼ੀਸਦੀ ਹਿੱਸਾ ਸੂਰਜ ਦੇ ਪ੍ਰਕਾਸ਼ ਤੋਂ ਰੌਸ਼ਨ ਹੋਵੇਗਾ। ਇਹ ਹੌਲੀ-ਹੌਲੀ ਵੱਧ ਕੇ 99 ਅਤੇ 100 ਫੀਸਦੀ ਤੱਕ ਪਹੁੰਚ ਜਾਵੇਗਾ। ਸੁਪਰਮੂਨ ਬਲੂ ਮੂਨ ਦੇ ਆਪਣੇ ਚਰਮ 'ਤੇ ਹੋਣ 'ਤੇ ਇਹ ਧਰਤੀ ਤੋਂ ਲਗਭਗ 2,25,288 ਮੀਲ ਦੂਰ ਹੋਵੇਗਾ। ਇਸ ਸਭ ਦੇ ਦਰਮਿਆਨ ਸਵਾਲ ਇਹ ਵੀ ਉੱਠਦਾ ਹੈ ਕਿ ਬਲੂ ਮੂਨ ਕੀ ਹੈ ? ਦਰਅਸਲ ਚੰਦਰਮਾ ਦਾ ਇਕ ਚੱਕਰ 29.5 ਦਿਨ ਹੁੰਦਾ ਹੈ। ਜਦੋਂ ਇਕ ਮਹੀਨੇ ਵਿਚ ਦੋ ਵਾਰ ਪੂਰਨਮਾਸ਼ੀ ਆਉਂਦੀ ਹੈ, ਤਾਂ ਇਸ ਨੂੰ ਬਲੂ ਮੂਨ ਕਿਹਾ ਜਾਂਦਾ ਹੈ।
ਧਰਤੀ ਦੁਆਲੇ ਘੁੰਮਦੇ ਸਮੇਂ, ਧਰਤੀ ਤੋਂ ਚੰਦਰਮਾ ਦੀ ਦੂਰੀ 357,000 ਤੋਂ 407,000 ਕਿਲੋਮੀਟਰ ਤੱਕ ਹੁੰਦੀ ਹੈ। ਪੂਰਨਮਾਸ਼ੀ 'ਤੇ, ਚੰਦਰਮਾ ਅਤੇ ਸੂਰਜ ਧਰਤੀ ਤੋਂ ਲਗਭਗ ਉਲਟ ਦਿਸ਼ਾਵਾਂ ਵਿੱਚ ਹੁੰਦੇ ਹਨ। ਜਦੋਂ ਚੰਦ ਧਰਤੀ ਦੇ ਸਭ ਤੋਂ ਨੇੜੇ ਹੁੰਦਾ ਹੈ ਤਾਂ ਇੱਕ ਸੁਪਰਮੂਨ ਇੱਕ ਪੂਰਾ ਚੰਦ ਹੁੰਦਾ ਹੈ। ਅਸਲ ਵਿਚ ਬਲੂ ਮੂਨ ਦਾ ਰੰਗ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਬਲੂ ਮੂਨ ਦੋ ਤਰ੍ਹਾਂ ਦੇ ਹੁੰਦੇ ਹਨ। ਮੌਸਮੀ ਅਤੇ ਮਹੀਨਾਵਾਰ। ਇੱਕ ਮੌਸਮੀ ਨੀਲਾ ਚੰਦਰਮਾ ਉਦੋਂ ਹੁੰਦਾ ਹੈ ਜਦੋਂ ਇੱਕ ਮੌਸਮ ਵਿੱਚ ਚਾਰ ਪੂਰੇ ਚੰਦ ਹੁੰਦੇ ਹਨ।
ਇਹ ਸੰਜੋਗ ਕੁਝ ਅਜਿਹਾ ਬਣੇਗਾ ਜਿਵੇਂ ਸਾਡੇ ਚੰਦਾ ਮਾਮਾ ਰੱਖੜੀ 'ਤੇ ਭੈਣ ਧਰਤੀ ਦੇ ਨੇੜੇ ਆ ਗਏ ਹੋਣ। ਅਜਿਹਾ ਸੰਜੋਗ ਸਾਲਾਂ ਵਿਚ ਇਕ ਵਾਰ ਬਣਦਾ ਹੈ। ਯੂਰਪ ਅਤੇ ਅਫ਼ਰੀਕਾ ਵਿਚ ਸੁਪਰ ਬਲੂ ਮੂਨ 19 ਅਗਸਤ ਨੂੰ ਵਿਖਾਈ ਦੇਵੇਗਾ। ਧਰਤੀ ਦਾ ਚੱਕਰ ਲਾਉਂਦੇ ਸਮੇਂ ਚੰਦਰਮਾ ਦੀ ਧਰਤੀ ਤੋਂ ਦੂਰੀ 3,57,000 ਤੋਂ 4,07,000 ਕਿਲੋਮੀਟਰ ਤੱਕ ਹੁੰਦੀ ਹੈ। ਪੂਰਨਮਾਸ਼ੀ ਨੂੰ ਚੰਦਰਮਾ ਅਤੇ ਸੂਰਜ ਧਰਤੀ ਤੋਂ ਲੱਗਭਗ ਉਲਟ ਦਿਸ਼ਾ ਵਿਚ ਹੁੰਦੇ ਹਨ