1st India made surgical robotic system SSI Mantra performs 100 cardiac surgeries

Surgical robotic system:  ਭਾਰਤ ’ਚ ਵਿਕਸਤ ਕੀਤੇ ਗਏ ਪਹਿਲੇ ਸਰਜੀਕਲ ਰੋਬੋਟ ‘ਐਸਐਸਆਈ ਮੰਤਰ’ ਨੇ ਦਿਲ ਦੇ 100ਵਾਂ ਆਪਰੇਸ਼ਨ ਸਫ਼ਲਤਾ ਪੂਰਵਕ ਕਰ ਕੇ ਇਤਿਹਾਸ ਰਚ ਦਿਤਾ ਹੈ। ‘ਐਸਐਸਆਈ ਇਨੋਵੇਸ਼ਨ’ ਦੇ ਚੇਅਰਮੈਨ ਤੇ ਸੀਈਓ ਡਾ. ਸੁਧੀਰ ਸ਼੍ਰੀਵਾਸਤਵ ਨੇ ਕਿਹਾ ਕਿ ਇਹ ਉਪਲਬਧੀ ਸਾਡੇ ਲਈ ਬਹੁਤ ਮਾਣ ਵਾਲੀ ਗੱਲ ਹੈ ਤੇ ਇਹ ਸਰਜਰੀ ਦੇ ਖੇਤਰ ਵਿਚ ਭਾਰਤ ਨੂੰ ਇਕ ਨਵੀਂ ਦਿਸ਼ਾ ਦੇਣ ਵਲ ਇਕ ਅਹਿਮ ਕਦਮ ਹੈ।

ਉਨ੍ਹਾਂ ਦਸਿਆ ਕਿ ਐਸਐਸਆਈ ਮੰਤਰ ਦੇ ਖ਼ਾਸ ਡਿਜ਼ਾਈਨ ’ਚ ਇਕ ਵਾਧੂ ਹੱਥ ਹੁੰਦਾ ਹੈ, ਜੋ ਔਖੀ ਤੋਂ ਔਖੀ ਹਾਰਟ ਸਰਜਰੀ ਕਰਨ ’ਚ ਮਦਦ ਕਰਦਾ ਹੈ। ਆਮ ਤੌਰ ’ਤੇ ਅਜਿਹੀ ਸਰਜਰੀ ਲਈ ਮਰੀਜ਼ ਦੀ ਛਾਤੀ ਨੂੰ ਚੀਰਨਾ ਪੈਂਦਾ ਹੈ ਪਰ ਇਹ ਰੋਬੋਟ ਘੱਟ ਚੀਰੇ ਵਾਲੀ ਸਰਜਰੀ ਨੂੰ ਸੰਭਵ ਬਣਾਉਂਦਾ ਹੈ।

ਐਸਐਸਆਈ ਮੰਤਰ ਦੀ ਵਰਤੋਂ ਦੁਨੀਆ ਭਰ ’ਚ ਹੁਣ ਤਕ 1,000 ਤੋਂ ਵਧ ਆਪਰੇਸ਼ਨਾਂ ਲਈ ਕੀਤੀ ਜਾ ਚੁਕੀ ਹੈ। ਇਹ ਰੋਬੋਟ ਟੋਟਲੀ ਐਂਡੋਸਕੋਪਿਕ ਕੋਰੋਨਰੀ ਆਰਟਰੀ ਬਾਈਪਾਸ, ਇੰਟਰਨਲ ਮੈਮੋਰੀ ਆਰਟਰੀ ਟੇਕਡਾਊਨ ਆਦਿ ਜਿਹੇ ਔਖੇ ਆਪਰੇਸ਼ਨ ਕਰ ਸਕਦਾ ਹੈ।

(For more Punjabi news apart from 1st India made surgical robotic system SSI Mantra performs 100 cardiac surgeries, stay tuned to Rozana Spokesman)