Toyota ਨੇ ਭਾਰਤ 'ਚ ਲਾਂਚ ਕੀਤੀ ਨਵੀਂ ਸਿਡਾਨ ਯਾਰਿਸ, ਜਾਣੋ ਕੀਮਤ

Toyota Yaris Launched In India

ਨਵੀਂ ਦਿੱਲੀ : ਟੋਯੋਟਾ ਨੇ ਭਾਰਤ 'ਚ ਆਖ਼ਿਰਕਾਰ ਅਪਣੀ ਨਵੀਂ ਯਾਰਿਸ ਸਿਡਾਨ ਲਾਂਚ ਕਰ ਦਿਤੀ ਹੈ। ਜਿਸ ਦੀ ਸ਼ੁਰੂਆਤੀ ਐਕਸ ਸ਼ੋਅਰੂਮ ਕੀਮਤ 8.75 ਲੱਖ ਰੁਪਏ ਰੱਖੀ ਗਈ ਹੈ। ਟੋਯੋਟਾ ਯਾਰਿਸ ਦੇ ਟਾਪ ਮਾਡਲ ਲਈ 14.07 ਲੱਖ ਰੁਪਏ ਕੀਮਤ ਰੱਖੀ ਹੈ। ਯਾਰਿਸ ਸਿਡਾਨ 'ਚ ਦਿਲਚਸਪੀ ਰੱਖਣ ਵਾਲੇ ਲੋਕ ਟੋਯੋਟਾ ਦੀ ਕਿਸੇ ਵੀ ਨਜ਼ਦੀਕੀ ਡੀਲਰਸ਼ਿਪ 'ਤੇ ਇਸ ਕਾਰ ਨੂੰ ਬੁੱਕ ਕਰ ਸਕਦੇ ਹਨ ਅਤੇ ਇਸ ਕਾਰ ਦੀ ਡਿਲਿਵਰੀ ਮਈ 2018 ਤੋਂ ਸ਼ੁਰੂ ਹੋ ਸਕਦੀ ਹੈ।

ਨਵੀਂ ਟੋਯੋਟਾ ਯਾਰਿਸ ਕੰਪਨੀ ਦੀ ਕੋਰੋਲਾ ਦਾ ਛੋਟਾ ਰੂਪ ਹੈ। ਜਿਥੇ ਕੰਪਨੀ ਨੇ ਕਾਰ ਦੀ ਕੀਮਤ ਨੂੰ ਕਿਫ਼ਾਇਤੀ ਰੱਖ ਹੈ, ਉਥੇ ਹੀ ਇਸ ਦਾ ਮੁਕਾਬਲਾ ਕਰਨ ਲਈ ਬਾਜ਼ਾਰ 'ਚ ਮਾਰੂਤੀ ਸੁਜ਼ੂਕੀ ਸਿਆਜ਼, ਹੋਂਡਾ ਸਿਟੀ ਅਤੇ ਹਿਊਂਡਈ ਵਰਨਾ ਵਰਗੀ ਕਾਰਾਂ ਮੌਜੂਦ ਹਨ।

ਟੋਯੋਟਾ ਕਿਰਲੋਸਕਰ ਮੋਟਰ ਦੇ ਡੈਬਿਊਟੀ ਮੈਨੇਜਿੰਗ ਡਾਇਰੈਕਟਰ ਐਨ ਰਾਜਾ ਨੇ ਲਾਂਚ 'ਤੇ ਕਿਹਾ ਕਿ ਟੋਯੋਟਾ ਯਾਰਿਸ ਅਪਣੇ ਸ਼ਾਨਦਾਰ ਫ਼ੀਚਰਜ਼, ਚੰਗੇਰੇ ਆਰਾਮ ਅਤੇ ਟਾਪ ਗੁਣਵੱਤਾ ਨਾਲ ਪਰਫ਼ਾਰਮੈਂਸ ਲਈ ਪਹਿਲਾਂ ਤੋਂ ਪੂਰੇ ਦੇਸ਼ 'ਚ ਸ਼ਲਾਘਾ ਕੀਤੀ ਗਈ ਹੈ। ਟੋਯੋਟਾ ਗਾਹਕਾਂ ਦਾ ਧੰਨਵਾਦ ਕਰਦੇ ਹਨ ਜਿਨ੍ਹਾਂ ਨੇ ਇਸ ਕਾਰ 'ਚ ਵੱਡੀ ਗਿਣਤੀ 'ਚ ਦਿਲਚਸਪੀ ਦਿਖਾਈ ਹੈ।