ਸਰੀਰ 'ਚ ਸੰਕਰਮਣ ਦਾ ਪਤਾ ਲਗਾਵੇਗਾ ਸਮਾਰਟਫ਼ੋਨ ਰੀਡਰ  :  ਮਾਹਰ

Smart phone as a faster infection detector

ਵਿਗਿਆਨੀਆਂ ਨੇ ਇਕ ਸਸਤਾ ਅਤੇ ਛੋਟਾ ਜਿਹਾ ਸਮਾਰਟ ਫ਼ੋਨ ਰੀਡਰ ਵਿਕਸਤ ਕਰਨ ਦਾ ਦਾਅਵਾ ਕੀਤਾ ਹੈ ਜੋ ਬੈਕਟੀਰੀਆ ਅਤੇ ਵਾਇਰਸ ਤੋਂ ਹੋਣ ਵਾਲੇ ਸੰਕਰਮਣ ਦਾ ਪਤਾ ਲਗਾਉਣ 'ਚ ਮਦਦ ਕਰੇਗਾ। ਇਹ ਸਮਾਰਟਫ਼ੋਨ ਰੀਡਰ ਮੈਡੀਕਲ ਲੈਬੋਰਟਰੀਆਂ 'ਚ ਹੋਣ ਵਾਲੇ ਸੰਕਰਮਣ ਦਾ ਵੀ ਪਤਾ ਲਗਾ ਸਕਦਾ ਹੈ। 

ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਇਸ ਸਮਾਰਟਫ਼ੋਨ ਰੀਡਰ ਨਾਲ ਨਤੀਜੇ ਬਹੁਤ ਹੀ ਜਲਦੀ ਮਿਲਦੇ ਹਨ। ਇਹ ਖ਼ਾਸਤੌਰ 'ਤੇ ਅਜਿਹੇ ਇਲਾਕਿਆਂ 'ਚ ਕਾਰਗਰ ਹੋ ਸਕਦਾ ਹੈ ਜਿੱਥੇ ਸਰੋਤ ਦੀ ਕਮੀ ਹੈ ਜਾਂ ਅਜਿਹੇ ਖੇਤਰ ਜੋ ਜਿਥੇ ਸਮੱਗਰੀਆਂ ਦੀ ਪਹੁੰਚ ਤੋਂ ਬਾਹਰ ਹਨ। ਇਹ ਅਧਿਐਨ ਅਮਰੀਕਾ ਦੀ ਵਾਸ਼ਿੰਗਟਨ ਸਟੇਟ ਯੂਨੀਵਰਸਿਟੀ 'ਚ ਕੀਤਾ ਗਿਆ ਹੈ।  

ਅਧਿਐਨ ਦੌਰਾਨ ਮਾਹਰਾਂ ਨੇ ਖੋਜਿਆ ਕਿ ਲੈਬੋਰਟਰੀਆਂ ਜਾਂਚ ਦੀ ਤਰ੍ਹਾਂ ਸਮਾਰਟਫ਼ੋਨ ਰੀਡਰ ਬੈਕਟੀਰੀਆ ਅਤੇ ਵਾਇਰਸ ਤੋਂ ਹੋਣ ਵਾਲੇ ਕੋਰਲ, ਖ਼ਸਰੇ, ਹਰਪੀਜ਼ ਵਰਗੇ 12 ਪ੍ਰਕਾਰ ਦੇ ਸੰਕਰਮਣ ਦਾ ਪਤਾ ਲਗਾ ਸਕਦਾ ਹੈ।  ਹਥੇਲੀ ਦੇ ਸਰੂਪ ਦੇ ਇਸ ਸਮੱਗਰੀ ਦਾ ਅਮਰੀਕਾ ਦੇ ਇਕ ਹਸਪਤਾਲ 'ਚ 771 ਮਰੀਜ਼ਾਂ ਦੇ ਨਮੂਨਿਆਂ 'ਤੇ ਜਾਂਚ ਕੀਤੀ ਗਈ। ਜਾਂਚ ਦੌਰਾਨ ਮਾਹਰਾਂ ਨੇ 99.9 ਫ਼ੀ ਸਦੀ ਨਤੀਜੇ ਪੂਰੀ ਤਰ੍ਹਾਂ ਸਟੀਕ ਪਾਏ।  

ਜਾਂਚ ਲਈ ਸਮਾਰਟਫ਼ੋਨ ਰੀਡਰ ਨੇ ਨਮੂਨਿਆਂ ਦੀ ਤਸਵੀਰ ਲਈ ਅਤੇ ਨਤੀਜੇ ਤੈਅ ਕਰਨ ਲਈ ਕੰਪਿਊਟਰ ਦੇ ਇਕ ਪ੍ਰੋਗਰਾਮ ਦੀ ਮਦਦ ਨਾਲ ਰੰਗ ਦਾ ਸਾਵਧਾਨੀ ਨਾਲ ਪ੍ਰੀਖਣ ਕੀਤਾ। ਮਾਹਰਾਂ ਨੇ ਸਮਾਰਟਫ਼ੋਨ ਰੀਡਰ ਦੇ ਪੇਟੈਂਟ ਲਈ ਆਵੇਦਨ ਦਿਤਾ ਹੈ। ਉਨ੍ਹਾਂ ਨੂੰ ਉਮੀਦ ਹੈ ਕਿ ਇਸ ਦੇ ਹੋਰ ਜ਼ਿਆਦਾ ਕਲੀਨਿਕਲ ਪ੍ਰੀਖਣ ਕੀਤੇ ਜਾਣਗੇ ਅਤੇ ਇਸ ਦਾ ਵੱਡੇ ਪੱਧਰ 'ਤੇ ਵਰਤੋਂ ਕੀਤੀ ਜਾਵੇਗੀ।