Uninstall ਕਰਨ ਤੋਂ ਬਾਅਦ ਵੀ ਚਲਦੇ ਰਹਿੰਦੇ ਹਨ Apps, ਹੁਣੇ ਕਰੋ ਬੰਦ

Mobile Settings

ਇੱਥੇ ਅਸੀਂ ਤੁਹਾਨੂੰ ਫ਼ੋਨ ਦੀ ਇਕ ਅਜਿਹੀ ਸੈਟਿੰਗ ਬਾਰੇ ਦਸ ਰਹੇ ਹਾਂ ਜਿਸ ਨੂੰ ਤੁਹਾਨੂੰ ਬੰਦ ਕਰ ਕੇ ਰੱਖਣਾ ਚਾਹੀਦਾ ਹੈ। ਇਹ ਸੈਟਿੰਗ ਐਪਸ ਨਾਲ ਜੁਡ਼ੀ ਹੋਈ ਹੈ। ਜੇਕਰ ਤੁਸੀਂ ਇਸ ਸੈਟਿੰਗ ਨੂੰ ਬੰਦ ਨਹੀਂ ਕਰਦੇ ਤਾਂ ਫ਼ੋਨ ਤੋਂ uninstall ਕਰਨ ਤੋਂ ਬਾਅਦ ਵੀ ਐਪ ਫ਼ੋਨ ਨਾਲ ਕਨੈਕਟ ਰਹਿੰਦੇ ਹਨ। ਇਹ ਫ਼ੋਨ ਦਾ ਡਾਟਾ ਅਤੇ ਬੈਟਰੀ ਨੂੰ ਖਾਣ ਦੇ ਨਾਲ ਹੀ ਫ਼ੋਨ ਦੀ ਸਿਕਿਊਰਿਟੀ ਲਈ ਵੀ ਖ਼ਤਰਾ ਬਣ ਜਾਂਦੇ ਹਨ ਕਿਉਂਕਿ ਇਹ ਤੁਹਾਡੇ ਮੇਲ ਅਤੇ ਪ੍ਰੋਫ਼ਾਇਲ ਇਨਫ਼ਾਰਮੇਸ਼ਨ ਨੂੰ ਵੀ ਐਕਸੈੱਸ ਕਰਦੇ ਰਹਿੰਦੇ ਹਨ। 

ਆਈਟੀ ਮਾਹਰ ਮੁਤਾਬਕ ਐਪ ਨੂੰ ਅਨਇਨਸਟਾਲ ਕਰਨ ਤੋਂ ਬਾਅਦ ਵੀ ਸਾਡਾ ਪੁਰਾਣਾ ਡਾਟਾ ਜੋ ਅਸੀਂ ਐਪ ਨੂੰ ਚਲਾਉਂਦੇ ਸਮੇਂ ਐਕਸੈੱਸ ਕੀਤਾ ਸੀ ਉਹ ਸੇਵ ਰਹਿੰਦਾ ਹੈ। ਉਸ ਦਾ ਐਪ ਡਿਵੈਲਪਰ ਬਾਅਦ 'ਚ ਵੀ ਯੂਜ਼ ਕਰ ਸਕਦਾ ਹੈ। ਜੇਕਰ ਕੋਈ ਵਾਈਰਸ ਇਨਫ਼ੈਕਟਿਡ ਐਪ ਹੈ ਜਿਸ ਬਾਰੇ 'ਚ ਤੁਹਾਨੂੰ ਪਤਾ ਚਲ ਜਾਂਦਾ ਹੈ ਕਿ ਇਹ ਫ਼ੋਨ ਦਾ ਡਾਟਾ ਲੈ ਰਹੀ ਹੈ ਤਾਂ ਤੁਸੀਂ ਉਨਾਂ ਨੂੰ ਬਲਾਕ ਕਰ ਸਕਦੇ ਹੋ। 

ਜੇਕਰ ਤੁਸੀਂ ਗਲਤੀ ਨਾਲ ਵੀ ਕੋਈ ਗਲਤ ਜਾਂ ਵਾਈਰਸ ਇਨਫ਼ੈਕਟਿਡ ਐਪ ਇਨਸਟਾਲ ਕਰ ਲਈ ਅਤੇ ਫ਼ਿਰ ਤੁਸੀਂ ਉਸ ਨੂੰ ਡਿਲੀਟ ਕਰ ਦਿਤਾ ਤਾਂ ਵੀ ਅਜਿਹਾ ਹੋ ਸਕਦਾ ਹੈ ਕਿ ਇਹ ਐਪ ਤੁਹਾਡੇ ਫ਼ੋਨ ਨਾਲ ਕਨੈਕਟ ਰਹੇ। ਇਸ ਸੈਟਿੰਗ ਨੂੰ ਵਰਤਣ ਲਈ ਤੁਹਾਨੂੰ ਸਮਾਰਟਫ਼ੋਨ ਦੇ ਸੈਟਿੰਗ ਆਪਸ਼ਨ 'ਚ ਜਾਣਾ ਹੋਵੇਗਾ।

Step 1
ਫ਼ੋਨ ਦੀ ਸੈਟਿੰਗ 'ਚ ਜਾ ਕੇ Google 'ਤੇ ਟੈਪ ਕਰੋ। ਇੱਥੇ Connected Apps ਦੇ ਆਪਸ਼ਨ 'ਤੇ ਟੈਪ ਕਰੋ।

Step 2
ਇੱਥੇ ਤੁਹਾਨੂੰ ਉਹ ਸਾਰੇ ਐਪਸ ਦਿਖਾਈ ਦੇਣਗੇ ਜੋ ਡਿਲੀਟ ਕਰਨ ਤੋਂ ਬਾਅਦ ਵੀ ਤੁਹਾਨੂੰ ਜੀਮੇਲ ਅਕਾਊਂਟ ਨਾਲ ਕਨੈਕਟ ਹਨ। ਜਿਸ ਨੂੰ ਡਿਲੀਟ ਕਰਨਾ ਚਾਹੁੰਦੇ ਹੋ ਉਸ 'ਤੇ ਟੈਪ ਕਰੋ।

Step 3
disconnect ਦਾ ਆਪਸ਼ਨ ਦਿਖਾਈ ਦੇਵੇਗਾ ਉਸ 'ਤੇ ਟੈਪ ਕਰ ਕੇ ਐਪ ਨੂੰ ਡਿਸਕਨੈਕਟ ਕਰ ਦਿਉ।