ਐੱਲ. ਈ. ਡੀ. ਭਾਵੇਂ ਊਰਜਾ ਬਚਾਉਂਦੀ ਹੋਵੇ ਪਰ ਮਾਹਰਾਂ ਦੀ ਮੰਨੀਏ ਤਾਂ ਇਹ ਸਿਹਤ ਅਤੇ ਵਾਤਾਵਰਣ ਦੋਵਾਂ ਲਈ ਹਾਨੀਕਾਰਕ ਹੈ। ਇਹ ਗੱਲ ਖੋਜ ਤੋਂ ਬਾਅਦ ਬੁੱਧਵਾਰ ਨੂੰ ਸਾਹਮਣੇ ਆਈ। ਸਾਇੰਸ ਅਡਵਾਂਸੇਜ਼ ਜਰਨਲ ਵਿਚ ਪ੍ਰਕਾਸ਼ਿਤ ਇਕ ਖੋਜ ਜੋ ਕਿ ਸੈਟੇਲਾਈਟ ਡਾਟਾ 'ਤੇ ਆਧਾਰਿਤ ਸੀ, ਮੁਤਾਬਕ ਧਰਤੀ ਦੀਆਂ ਰਾਤਾਂ ਰੌਸ਼ਨ ਹੋ ਰਹੀਆਂ ਹਨ, ਨਾਲ ਹੀ 2012 ਤੋਂ 2016 ਵਿਚਾਲੇ ਘਰਾਂ ਦੇ ਬਾਹਰ ਆਰਟੀਫੀਸ਼ੀਅਲ ਲਾਈਟ 2.2 ਫੀਸਦੀ ਵਧ ਗਈ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਇਹ ਇਕ ਸਮੱਸਿਆ ਹੈ ਕਿਉਂਕਿ ਰਾਤ ਦੀ ਰੌਸ਼ਨੀ ਨਾਲ ਬਾਡੀ ਕਲਾਕ ਡਿਸਟਰਬ ਹੋ ਜਾਂਦਾ ਹੈ ਅਤੇ ਕੈਂਸਰ, ਸ਼ੂਗਰ ਅਤੇ ਡਿਪ੍ਰੈਸ਼ਨ ਦਾ ਖਤਰਾ ਵਧ ਜਾਂਦਾ ਹੈ। ਜਾਨਵਰਾਂ ਲਈ ਵੀ ਇਹ ਲਾਈਟਾਂ ਨੁਕਸਾਨਦੇਹ ਹਨ।