ਕੇਰਲ: ਦੁਬਈ ਤੋਂ ਕੋਚੀ ਆ ਰਹੇ ਜਹਾਜ਼ ਵਿੱਚ ਬੇਹੋਸ਼ ਹੋਈ ਔਰਤ, ਮੌਤ

 ਨਵੀਂ ਦਿੱਲੀ: ਦੁਬਈ ਤੋਂ ਕੋਚੀ ਆ ਰਹੀ ਇਕ ਮਹਿਲਾ ਯਾਤਰੀ ਸ਼ਨੀਵਾਰ ਨੂੰ ਫਲਾਈਟ ਦੌਰਾਨ ਬੇਹੋਸ਼ ਹੋ ਗਈ ਅਤੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਪੁਲਿਸ ਨੇ ਐਤਵਾਰ ਨੂੰ ਦੱਸਿਆ ਕਿ ਔਰਤ ਦੀ ਪਛਾਣ ਮਿੰਨੀ ਵਜੋਂ ਹੋਈ ਹੈ, ਜਿਸ ਦੀ ਉਮਰ ਕਰੀਬ 56 ਸਾਲ ਸੀ।

ਅਧਿਕਾਰੀਆਂ ਨੇ ਦੱਸਿਆ ਕਿ ਮਹਿਲਾ ਨੇ ਦੁਬਈ ਤੋਂ ਕੋਚੀ ਲਈ ਫਲਾਈਟ ਲਈ ਸੀ ਪਰ ਸਫਰ ਦੌਰਾਨ ਹੀ ਉਹ ਬੇਹੋਸ਼ ਹੋ ਗਈ। ਕੋਚੀ 'ਚ ਜਹਾਜ਼ ਦੇ ਉਤਰਨ ਤੋਂ ਬਾਅਦ ਔਰਤ ਨੂੰ ਨੇੜਲੇ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਪਰ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਹਵਾਈ ਅੱਡੇ ਦੇ ਸੂਤਰਾਂ ਨੇ ਦੱਸਿਆ ਕਿ ਔਰਤ ਦਾ ਕੁਝ ਬਿਮਾਰੀਆਂ ਦਾ ਇਲਾਜ ਚੱਲ ਰਿਹਾ ਸੀ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਕੋਈ ਕੇਸ ਦਰਜ ਨਹੀਂ ਕੀਤਾ ਹੈ ਕਿਉਂਕਿ ਮੌਤ ਕੁਦਰਤੀ ਕਾਰਨਾਂ ਕਰਕੇ ਹੋਈ ਹੈ।