ਭਲਕੇ ਤੋਂ ਫਲਾਈਟ ਟਿਕਟਾਂ ਦੇ ਨਿਯਮਾਂ 'ਚ ਹੋਵੇਗਾ ਵੱਡਾ ਬਦਲਾਅ, ਕੀ ਹੁਣ ਘਟੇਗਾ ਕਿਰਾਇਆ ?
ਸਰਕਾਰ 31 ਅਗਸਤ ਤੋਂ ਘਰੇਲੂ ਹਵਾਈ ਟਿਕਟਾਂ ਦੀ ਕੀਮਤ ਸੀਮਾ ਨੂੰ ਖ਼ਤਮ ਕਰ ਰਹੀ ਹੈ।
ਮੁੰਬਈ - ਫਲਾਈਟ ਦੀਆਂ ਟਿਕਟਾਂ ਅਤੇ ਹਵਾਈ ਕਿਰਾਏ ਨੂੰ ਲੈ ਕੇ ਬੁੱਧਵਾਰ ਤੋਂ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। ਸਰਕਾਰ 31 ਅਗਸਤ ਤੋਂ ਘਰੇਲੂ ਹਵਾਈ ਟਿਕਟਾਂ ਦੀ ਕੀਮਤ ਸੀਮਾ ਨੂੰ ਖ਼ਤਮ ਕਰ ਰਹੀ ਹੈ। ਇਸ ਦਾ ਮਤਲਬ ਹੈ ਕਿ ਸਰਕਾਰ ਨੇ ਕਿਰਾਏ 'ਤੇ ਇਕ ਸੀਮਾ ਤੈਅ ਕੀਤੀ ਸੀ, ਜਿਸ ਦੀ ਪਾਲਣਾ ਏਅਰਲਾਈਨ ਕੰਪਨੀਆਂ ਨੂੰ ਕਰਨੀ ਪੈਂਦੀ ਸੀ। ਹੁਣ ਇਸ ਕੀਮਤ ਕੈਪ ਨੂੰ ਖਤਮ ਕੀਤਾ ਜਾ ਰਿਹਾ ਹੈ।
ਇਸ ਨਾਲ ਕੰਪਨੀਆਂ ਆਪਣੇ ਹਿਸਾਬ ਨਾਲ ਟਿਕਟਾਂ ਦਾ ਕਿਰਾਇਆ ਵਧਾ ਜਾਂ ਘਟਾ ਸਕਦੀਆਂ ਹਨ। ਹਵਾਈ ਟਿਕਟ ਦੀਆਂ ਕੀਮਤਾਂ 'ਤੇ 27 ਮਹੀਨਿਆਂ ਲਈ ਸੀਮਾ ਸੀ, ਜੋ 31 ਅਗਸਤ ਨੂੰ ਖ਼ਤਮ ਹੋਣ ਜਾ ਰਹੀ ਹੈ। ਹੁਣ ਸਵਾਲ ਇਹ ਹੈ ਕਿ ਕੀਮਤ ਕੈਪ ਜਾਂ ਕਿਰਾਏ ਦੀ ਸੀਮਾ ਖ਼ਤਮ ਹੋਣ ਨਾਲ ਟਿਕਟ ਸਸਤੀ ਹੋਵੇਗੀ ਜਾਂ ਮਹਿੰਗੀ।
ਹੁਣ ਤੱਕ ਸਰਕਾਰ ਇਸ ਗੱਲ 'ਤੇ ਨਜ਼ਰ ਰੱਖਦੀ ਸੀ ਕਿ ਏਅਰਲਾਈਨ ਕੰਪਨੀਆਂ ਮੁਸਾਫ਼ਰਾਂ ਤੋਂ ਮਨਮਾਨੇ ਕਿਰਾਏ ਨਹੀਂ ਲੈ ਸਕਦੀਆਂ। ਹਵਾਈ ਟਿਕਟਾਂ ਦੇ ਖਰਚਿਆਂ 'ਤੇ ਵੀ ਨਜ਼ਰ ਰੱਖੀ ਗਈ। ਹੁਣ ਇਹ ਸੀਮਾ ਖਤਮ ਹੁੰਦੀ ਜਾ ਰਹੀ ਹੈ, ਇਸ ਲਈ ਕੰਪਨੀਆਂ ਆਪਣੇ ਹਿਸਾਬ ਨਾਲ ਯਾਤਰੀਆਂ ਤੋਂ ਫੀਸ ਲੈ ਸਕਦੀਆਂ ਹਨ।
ਮੰਨਿਆ ਜਾ ਰਿਹਾ ਹੈ ਕਿ ਏਅਰਲਾਈਨ ਕੰਪਨੀਆਂ ਯਾਤਰੀਆਂ ਨੂੰ ਲੁਭਾਉਣ ਲਈ ਟਿਕਟਾਂ 'ਤੇ ਡਿਸਕਾਊਂਟ ਆਫ਼ਰ ਦਾ ਐਲਾਨ ਕਰ ਸਕਦੀਆਂ ਹਨ। ਇਸ ਨਾਲ ਯਾਤਰੀਆਂ ਦੀਆਂ ਟਿਕਟਾਂ ਦੀ ਕੀਮਤ ਘੱਟ ਹੋਣ ਦੀ ਸੰਭਾਵਨਾ ਹੈ। ਸਰਕਾਰ ਨੇ ਪਹਿਲਾਂ ਹਵਾਈ ਯਾਤਰਾ ਦੀਆਂ ਟਿਕਟਾਂ 'ਤੇ ਘੱਟੋ-ਘੱਟ ਅਤੇ ਵੱਧ ਤੋਂ ਵੱਧ ਕੀਮਤ ਸੀਮਾ ਤੈਅ ਕੀਤੀ ਸੀ। ਇਸ ਨਾਲ ਕੰਪਨੀਆਂ ਨਾ ਤਾਂ ਜ਼ਿਆਦਾ ਕਿਰਾਏ ਰੱਖ ਸਕਦੀਆਂ ਹਨ ਅਤੇ ਨਾ ਹੀ ਘੱਟ।
ਹੁਣ ਇਹ ਸੀਮਾ ਖ਼ਤਮ ਹੋ ਰਹੀ ਹੈ ਤਾਂ ਕੰਪਨੀਆਂ ਯਾਤਰੀਆਂ ਲਈ ਆਫਰ ਲਿਆ ਸਕਦੀਆਂ ਹਨ। ਘੱਟ ਕਮਾਈ ਦੇ ਮਾਮਲੇ ਵਿਚ, ਉਹ ਯਾਤਰੀਆਂ ਨੂੰ ਲੁਭਾਉਣ ਲਈ ਪੇਸ਼ਕਸ਼ ਦਾ ਐਲਾਨ ਕਰ ਸਕਦੇ ਹਨ। ਸਰਕਾਰ ਨੇ ਇਹ ਫੈਸਲਾ ਜਹਾਜ਼ਾਂ ਵਿੱਚ ਵਰਤੇ ਜਾਣ ਵਾਲੇ ਤੇਲ ਭਾਵ ਏਟੀਐਫ ਦੀਆਂ ਕੀਮਤਾਂ ਦੇ ਮੱਦੇਨਜ਼ਰ ਲਿਆ ਹੈ। ਇਸ ਤੋਂ ਪਹਿਲਾਂ ਏਅਰਲਾਈਨ ਕੰਪਨੀਆਂ ਲਗਾਤਾਰ ਮੰਗ ਕਰਦੀਆਂ ਆ ਰਹੀਆਂ ਹਨ ਕਿ ATF ਦੀ ਮਹਿੰਗਾਈ ਨੂੰ ਦੇਖਦੇ ਹੋਏ ਕੀਮਤ ਕੈਪ ਨੂੰ ਖ਼ਤਮ ਕੀਤਾ ਜਾਵੇ ਤਾਂ ਜੋ ਉਹ ਆਪਣੀ ਕਮਾਈ ਅਤੇ ਖਰਚਿਆਂ ਨੂੰ ਠੀਕ ਕਰ ਸਕਣ। ਹਾਲਾਂਕਿ, ਹਾਲ ਹੀ ਦੇ ਸਮੇਂ ਵਿਚ, ਏਟੀਐਫ ਦੀਆਂ ਕੀਮਤਾਂ ਵਿਚ ਗਿਰਾਵਟ ਆਈ ਹੈ ਜੋ ਰੂਸ-ਯੂਕਰੇਨ ਯੁੱਧ ਦੇ ਕਾਰਨ ਵਧੀਆਂ ਸਨ।