ਸੋਨੇ 'ਚ ਗਿਰਾਵਟ, ਚਾਂਦੀ ਸਥਿਰ

ਨਵੀਂ ਦਿੱਲੀ: ਦਿੱਲੀ ਸਰਾਫ਼ਾ ਬਾਜ਼ਾਰ ਵਿਚ ਅੱਜ ਸੋਨਾ 60 ਰੁਪਏ ਡਿੱਗ ਕੇ 31,420 ਪ੍ਰਤੀ ਦਸ ਗ੍ਰਾਮ 'ਤੇ ਆ ਗਿਆ। ਉਥੇ ਹੀ ਉਦਯੋਗਿਕ ਅਤੇ ਸਿੱਕਾ ਨਿਰਮਾਤਾਵਾਂ ਦੀ ਛੋਟੀ-ਮੋਟੀ ਖ਼ਰੀਦਦਾਰੀ ਕਾਰਨ ਚਾਂਦੀ ਦੀ ਕੀਮਤ 40,600 ਰੁਪਏ 'ਤੇ ਸਥਿਰ ਰਹੀ। ਬਾਜ਼ਾਰ ਮਾਹਰਾਂ ਨੇ ਕਿਹਾ ਕਿ ਘਰੇਲੂ ਬਾਜ਼ਾਰ ਵਿਚ ਜਿਊਲਰਾਂ ਦੀ ਖ਼੍ਰੀਦਦਾਰੀ ਸੁਸਤ ਰਹਿਣ ਨਾਲ ਸੋਨੇ ਦੀ ਕੀਮਤ ਡਿੱਗੀ ਪਰ ਕੌਮਾਂਤਰੀ ਬਾਜ਼ਾਰਾਂ ਵਿਚ ਕੀਮਤਾਂ ਮਜ਼ਬੂਤ ਹੋਣ ਦੇ ਸੰਕੇਤ

ਮਿਲਣ 'ਤੇ ਇਸ ਵਿਚ ਹੋਰ ਗਿਰਾਵਟ ਨਹੀਂ ਹੋ ਸਕੀ। ਕੌਮਾਂਤਰੀ ਪੱਧਰ 'ਤੇ ਨਿਊਯਾਰਕ ਵਿਚ ਬੀਤੇ ਦਿਨੀਂ ਸੋਨਾ 0.35 ਫ਼ੀ ਸਦੀ ਚੜ੍ਹ ਕੇ 1,252.50 ਡਾਲਰ ਪ੍ਰਤੀ ਔਂਸ 'ਤੇ ਰਿਹਾ। ਚਾਂਦੀ ਵੀ 0.72 ਫ਼ੀ ਸਦੀ ਦਾ ਉਛਾਲ ਲਾ ਕੇ 16.09 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ। (ਪੀ.ਟੀ.ਆਈ)