Erwin Singh Braich

ਨਵੀਂ ਦਿੱਲੀ: ਯੈਸ ਬੈਂਕ ਨੇ ਸ਼ੁੱਕਰਵਾਰ ਨੂੰ ਜਾਣਕਾਰੀ ਦਿੱਤੀ ਕਿ 8 ਵਿਦੇਸ਼ੀ ਅਤੇ ਘਰੇਲੂ ਨਿਵੇਸ਼ਕਾਂ ਨੇ ਬੈਂਕ ਵਿਚ 2 ਅਰਬ ਡਾਲਰ ਨਿਵੇਸ਼ ਕਰਨ ਦਾ ਫੈਸਲਾ ਲਿਆ ਹੈ। ਯੈਸ ਬੈਂਕ  ਨੂੰ 2 ਅਰਬ ਡਾਲਰ ਦੀ ਇਸ ਰਕਮ ਵਿਚ ਸਭ ਤੋਂ ਵੱਡੀ ਹਿੱਸੇਦਾਰੀ ਐਸਪੀਜੀਪੀ ਹੋਲਡਿੰਗਸ ਅਤੇ ਇਰਵਿਨ ਸਿੰਘ ਬ੍ਰੈਚ ਦੀ ਹੈ। ਇਹ ਰਕਮ ਕਰੀਬ 1.2 ਅਰਬ ਡਾਲਰ (ਲਗਭਗ 8610 ਕਰੋੜ ਰੁਪਏ) ਹੈ। ਉੱਥੇ ਹੀ Citax ਗਰੁੱਪ ਨੇ 500 ਮਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਦਾ ਫੈਸਲਾ ਲਿਆ ਹੈ।

ਇਸ ਤੋਂ ਇਲਾਵਾ ਯੈਸ ਬੈਂਕ ਵਿਚ ਨਿਵੇਸ਼ ਕਰਨ ਦੀ ਰੁਚੀ ਦਿਖਾਉਣ ਵਾਲੇ ਹੋਰ ਨਿਵੇਸ਼ਕਾਂ ਵਿਚ ਜੀਐਮਆਰ ਗਰੁੱਪ, ਰੇਖਾ ਝੁਨਝੁਨਵਾਲਾ ਅਤੇ ਅਦਿਤਿਆ ਬਿਰਲਾ ਫੈਮਿਲੀ ਆਫਿਸ ਵੀ ਸ਼ਾਮਲ ਹਨ। ਇਹਨਾਂ ਸਾਰੇ ਨਿਵੇਸ਼ਕਾਂ ਵਿਚ ਸਭ ਤੋਂ ਜ਼ਿਆਦਾ ਰਕਮ ਕੈਨੇਡੀਅਨ ਭਾਰਤੀ ਇਰਵਿਨ ਸਿੰਘ ਬ੍ਰੈਚ ਦੀ ਕੰਪਨੀ ਹਾਂਗਕਾਂਗ ਸਥਿਤ ਕੰਪਨੀ ਐਸਪੀਜੀਪੀ ਹੋਲਡਿੰਗਸ ਦੀ ਹੈ। ਇਸ ਕੰਪਨੀ ਨੇ ਯੈਸ ਬੈਂਕ ਵਿਚ ਕਰੀਬ 1.2 ਅਰਬ ਡਾਲਰ ਨਿਵੇਸ਼ ਕਰਨ ਦਾ ਫੈਸਲਾ ਲਿਆ ਹੈ।

ਕੌਣ ਹਨ ਇਰਵਿਨ ਸਿੰਘ ਬ੍ਰੈਚ
ਇਰਵਿਨ ਸਿੰਘ ਭਾਰਤੀ ਮੂਲ ਦੇ ਕੈਨੇਡੀਅਨ ਉਦਯੋਗਪਤੀ ਹਨ। ਇਰਵਿਨ ਬ੍ਰੈਚ ਗਰੁੱਪ ਆਫ ਕੰਪਨੀਜ਼ ਐਂਡ ਟਰਸਟ ਦੇ ਸੰਸਥਾਪਕ ਹਨ। ਇਰਵਿਨ ਦੇ ਪਿਤਾ ਹਰਮਨ ਸਿੰਘ ਬ੍ਰੈਚ ਸਾਲ 1927 ਵਿਚ ਭਾਰਤ ਛੱਡ ਤੇ ਕੈਨੇਡਾ ਚਲੇ ਗਏ ਸਨ। ਉਹਨਾਂ ਦੀ ਮੌਤ ਤੋਂ ਬਾਅਦ ਇਰਵਿਨ ਸਿੰਘ ਨੇ ਬ੍ਰਿਟਿਸ਼ ਕੋਲੰਬੀਆ ਯੂਨੀਵਰਸਿਟੀ ਦੀ ਪੜ੍ਹਾਈ ਛੱਡ ਕੇ ਅਪਣੇ ਪਰਿਵਾਰਕ ਕਾਰੋਬਾਰ ਨੂੰ ਸੰਭਾਲਿਆ ਸੀ। 

58 ਸਾਲਾ ਇਰਵਿਨ ਸਿੰਘ ਨੇ ਖੁਦ ਨੂੰ ਦਿਵਾਲੀਆ ਕਰਾਰ ਦਿੱਤੇ ਜਾਣ ‘ਤੇ ਕੈਨੇਡਾ ਸਰਕਾਰ ਨਾਲ 14 ਸਾਲ ਤੱਕ ਕੇਸ ਵੀ ਲੜਿਆ ਸੀ। ਬਾਅਦ ਵਿਚ ਉਹਨਾਂ ਨੂੰ ਇਸ ਕੇਸ ਵਿਚ ਜਿੱਤ ਮਿਲੀ ਸੀ। ਇਸ ਕੇਸ ਦੌਰਾਨ ਕੈਨੇਡੀਅਨ ਸਰਕਾਰ ਨੇ ਉਹਨਾਂ ਦੇ ਅੰਤਰਰਾਸ਼ਟਰੀ ਦੌਰੇ ‘ਤੇ ਰੋਕ ਲਗਾ ਦਿੱਤੀ ਸੀ। ਇਰਵਿਨ ਸਿੰਘ ਕੈਨੇਡਾ ਦੀਆਂ ਸਭ ਤੋਂ ਅਮੀਰ ਹਸਤੀਆਂ ਵਿਚੋਂ ਇਖ ਹਨ। ਇਸ ਦੇ ਨਾਲ ਹੀ ਉਹ ਦੁਨੀਆਂ ਭਰ ਦੇ ਅਮੀਰ ਲੋਕਾਂ ਵਿਚ ਗਿਣੇ ਜਾਂਦੇ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।