Mark Zuckerberg ਨੂੰ 600 ਏਕੜ ਜ਼ੀਮਨ ਖ਼ਰੀਦਣੀ ਪਈ ਭਾਰੀ,15 ਲੱਖ ਲੋਕ ਹੋਏ ਖਿਲਾਫ਼

ਨਵੀਂ ਦਿੱਲੀ: ਦੁਨੀਆ ਦੇ 5ਵੇਂ ਸਭ ਤੋਂ ਅਮੀਰ ਅਤੇ ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜ਼ੁਕਰਬਰਗ ਨੂੰ ਇਕ ਜ਼ਮੀਨ ਖਰੀਦਣਾ ਬਹੁਤ ਭਾਰੀ ਪੈ ਰਿਹਾ ਹੈ। ਦੱਸ ਦੇਈਏ ਕਿ  ਮਾਰਕ ਜ਼ੁਕਰਬਰਗ ਨੇ 600 ਏਕੜ ਜ਼ਮੀਨ ਖਰੀਦੀ ਹੈ ਦਰਅਸਲ, ਜ਼ੁਕਰਬਰਗ ਨੇ ਹਵਾਈ ਆਈਲੈਂਡ ਸਟੇਟ ਵਿੱਚ 392 ਕਰੋੜ ਰੁਪਏ ਦੀ 600 ਏਕੜ ਜ਼ਮੀਨ ਖਰੀਦੀ ਹੈ। ਕੁਦਰਤੀ ਸੁੰਦਰਤਾ ਲਈ ਮਸ਼ਹੂਰ ਹਵਾਈ ਵਿੱਚ ਮਾਰਕ ਕੁਆਈ ਤੇ ਪੀਲਾ ਆਈਲੈਂਡ ਵਿੱਚ ਤਕਰੀਬਨ 2000 ਏਕੜ ਜ਼ਮੀਨ ਖਰੀਦ ਚੁੱਕੇ ਹਨ।ਜ਼ਮੀਨੀ ਸੌਦੇ ਤੋਂ ਬਾਅਦ ਕਰੀਬ 15 ਲੱਖ ਲੋਕ ਜ਼ੁਕਰਬਰਗ ਖਿਲਾਫ ਹੋ ਗਏ ਹਨ। ਇਸ ਕਰਕੇ ਮਾਰਕ ਦੀਆਂ ਮੁਸ਼ਕਲਾਂ ਬਹੁਤ ਵੱਧ ਗਈਆਂ ਹਨ। 

ਇਸ ਜ਼ਮੀਨ ਦੀ ਖਰੀਦਦਾਰੀ ਕਰਕੇ ਆਨਲਾਈਨ ਪਟੀਸ਼ਨ ਤੇ ਹਸਤਾਖਰ ਸ਼ੁਰੂ ਹੋ ਗਏ ਹਨ। ਲੋਕਾਂ ਨੂੰ ਲੱਗਦਾ ਹੈ ਕਿ ਜ਼ਮੀਨ ਦੇ ਜ਼ਿਆਦਾ ਹਿੱਸੇ ਤੇ ਜੇ ਕਿਸੇ ਬਾਹਰੀ ਵਿਅਕਤੀ ਦਾ ਕਬਜ਼ਾ ਹੋਏਗਾ ਤਾਂ ਰਾਜਸ਼ਾਹੀ ਮੁੜ ਤੋਂ ਵਾਪਸ ਆ ਸਕਦੀ ਹੈ। ਇਸ ਨਾਲ ਉਨ੍ਹਾਂ ਦੇ ਜੀਵਨ ਤੇ ਵੀ ਅਸਰ ਪਵੇਗਾ। 

ਇਸ ਦਾ ਦੂਜਾ ਵੱਡਾ ਕਰਨ ਜ਼ਮੀਨ ਦੇ ਪਹਿਲੇ ਮਾਲਕ ਜੋ 1837 ਵਿਚ ਹਵਾਈ ਆਏ ਸੀ ਨੂੰ ਲੈ ਕੇ ਵੀ ਹੋ ਰਿਹਾ ਹੈ। 1975 ਵਿੱਚ, ਵਿੱਲੀ ਕਾਰਪੋਰੇਸ਼ਨ ਨੇ ਉਨ੍ਹਾਂ ਤੋਂ ਜ਼ਮੀਨ ਦੀ ਮਾਲਕੀ ਲੈ ਲਈ ਅਤੇ ਹੁਣ ਜ਼ੁਕਰਬਰਗ ਨੂੰ ਵੇਚ ਦਿੱਤੀ।