ਮੋਦੀ ਸਰਕਾਰ 'ਚ ਜਨਤਾ ਦਾ ਪੈਸਾ ਬੈਂਕਾਂ 'ਚ ਸੁਰੱਖਿਅਤ ਨਹੀਂ ਰਿਹਾ :  ਕਾਂਗਰਸ  

ਨਵੀਂ ਦਿੱਲੀ, 3 ਮਈ : ਕਾਂਗਰਸ ਨੇ ਪਿਛਲੇ ਚਾਰ ਸਾਲਾਂ 'ਚ ਬੈਂਕਾਂ ਨਾਲ 72 ਹਜ਼ਾਰ ਕਰੋਡ਼ ਰੁਪਏ ਤੋਂ ਜ਼ਿਆਦਾ ਦੀ ਧੋਖਾਧੜੀ ਹੋਣ ਦਾ ਦਾਅਵਾ ਕੀਤਾ ਅਤੇ ਇਲਜ਼ਾਮ ਲਗਾਇਆ ਕਿ ਨਰਿੰਦਰ ਮੋਦੀ ਸਰਕਾਰ 'ਚ ਹੁਣ ਜਨਤਾ ਦਾ ਪੈਸਾ ਬੈਂਕਾਂ 'ਚ ਸੁਰੱਖਿਅਤ ਨਹੀਂ ਰਿਹਾ।

ਪਾਰਟੀ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਟਵੀਟ ਕਰ ਕਿਹਾ ਕਿ ਪ੍ਰਿਅ ਮੋਦੀ ਜੀ, ਤੁਹਾਡੀ ਨਿਗਰਾਨੀ 'ਚ ਹੁਣ ਜਨਤਾ ਦਾ ਪੈਸਾ ਬੈਂਕਾਂ ਵਿਚ ਸੁਰੱਖਿਅਤ ਨਹੀਂ ਰਿਹਾ। ਉਨ੍ਹਾਂ ਨੇ ਇਕ ਮੀਡੀਆ ਰਿਪੋਰਟ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਬੈਂਕਾਂ ਦਾ ਐਨਪੀਏ 8,40,958 ਕਰੋਡ਼ ਰੁਪਏ ਹੋ ਗਿਆ ਹੈ।

ਨੀਰਵ ਮੋਦੀ, ਚੋਕਸੀ ਅਤੇ ਮਾਲਿਆ ਵਰਗੇ ਲੋਕਾਂ ਨੇ ਪੈਸਾ ਲੁਟਿਆ ਅਤੇ ਭੱਜ ਗਏ। ਚਾਰ ਸਾਲਾਂ 'ਚ ਬੈਂਕਾਂ ਨਾਲ 72,256 ਕਰੋਡ਼ ਰੁਪਏ ਦੀ ਧੋਖਾਧੜੀ ਕੀਤੀ ਗਈ ਹੈ। ਸੁਰਜੇਵਾਲਾ ਨੇ ਦਾਅਵਾ ਕੀਤਾ ਕਿ ਬੈਂਕ ਤੋਂ ਲਈ ਕਰਜ਼ ਦੀ ਅਦਾਇਗੀ ਨਾ ਕਰਨ ਵਾਲਿਆਂ ਦੇ 2,42,000 ਕਰੋਡ਼ ਰੁਪਏ ਦੇ ਕਰਜ਼ੇ ਮਾਫ਼ ਕਰ ਦਿਤੇ ਗਏ ਹਨ।