ਸੈਂਸੈਕਸ 33600 ਅਤੇ ਨਿਫ਼ਟੀ 10323 ਅੰਕਾਂ 'ਤੇ ਖੁੱਲ੍ਹਿਆ

ਨਵੀਂ ਦਿੱਲੀ: ਗਲੋਬਲ ਮਾਰਕੀਟ ਤੋਂ ਮਿਲੇ ਸੰਕੇਤਾਂ ਤੋਂ ਸ਼ੁੱਕਰਵਾਰ ਨੂੰ ਘਰੇਲੂ ਸ਼ੇਅਰ ਬਾਜ਼ਾਰ ਦੀ ਸਪਾਟ ਸ਼ੁਰੂਆਤ ਹੋਈ। ਦਰਅਸਲ ਅਮਰੀਕਾ ਅਤੇ ਚੀਨ 'ਚ ਟਰੇਡ ਵਾਰ ਹੋਰ ਡੂੰਘੇ ਹੋਣ ਦੀ ਸੰਦੇਹ ਹੈ। ਇਸ ਤੋਂ ਮੈਟਲ, ਬੈਂਕ,  ਆਈਟੀ ਸ਼ੇਅਰਾਂ 'ਚ ਬਿਕਵਾਲੀ ਦੇਖਣ ਨੂੰ ਮਿਲੀ ਜਿਸ ਨਾਲ ਬਾਜ਼ਾਰ 'ਤੇ ਦਬਾਅ ਬਣਿਆ ਹੈ। ਹੈਵੀਵੇਟ ਇਨਫ਼ੋਸਿਸ,  ਐਸਬੀਆਈ, ਟੀਸੀਐਸ, ਐਚਯੂਐਲ, ਮਾਰੂਤੀ ਗਿਰਾਵਟ ਦਾ ਰੁੱਖ ਹੈ। ਹਾਲਾਂਕਿ ਰਿਲਾਇੰਸ ਇਨਡਸਟਰੀਜ਼,  ਓਐਨਜੀਸੀ, ਐਚਡੀਐਫ਼ਸੀ, ਆਈਟੀਸੀ ਅਤੇ ਐਚਡੀਐਫ਼ਸੀ ਬੈਂਕ 'ਚ ਵਾਧੇ ਦੇਖਣ ਨੂੰ ਮਿਲ ਰਹੇ ਹਨ। 

ਇਸ ਤੋਂ ਪਹਿਲਾਂ ਸੈਂਸੇੈਕਸ 12 ਅੰਕ ਵਧ ਕੇ 33,609 ਅੰਕ 'ਤੇ ਖੁੱਲ੍ਹਿਆ। ਉਥੇ ਹੀ ਨਿਫ਼ਟੀ 2 ਅੰਕ ਡਿੱਗ ਕੇ 10,323 ਦੇ ਪੱਧਰ 'ਤੇ ਖੁੱਲ੍ਹਿਆ। ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਚੀਨ ਨਾਲ ਹੋਣ ਵਾਲੇ 100 ਅਰਬ ਡਾਲਰ ਤਕ ਦੇ ਆਯਾਤ ਤੋਂ ਇਲਾਵਾ ਡਿਊਟੀ ਲਗਾਉਣ ਦਾ ਪ੍ਰਸਤਾਵ ਰੱਖਿਆ ਹੈ। ਦਸ ਦਈਏ ਕਿ ਅਮਰੀਕਾ ਪਹਿਲਾਂ ਵੀ ਚੀਨ 60 ਅਰਬ ਡਾਲਰ ਤਕ ਦੀ ਡਿਊਟੀ ਲਗਾ ਚੁਕਿਆ ਹੈ। ਇਸ ਦੇ ਜਬਾਵ 'ਚ ਚੀਨ ਨੇ ਵੀ ਅਮਰੀਕੀ ਉਤਪਾਦ 'ਤੇ ਡਿਊਟੀ ਲਗਾਈ ਹੈ। 

ਮਿਡਕੈਪ, ਸਮਾਲਕੈਪ ਸਟਾਕਸ ਵੀ ਡਿੱਗੇ
ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ 'ਚ ਵੀ ਗਿਰਾਵਟ ਨਜ਼ਰ  ਆ ਰਹੀ ਹੈ। ਬੀਐਸਈ ਦਾ ਮਿਡਕੈਪ ਇਨਡੈਕਸ 0.27 ਫ਼ੀ ਸਦੀ ਡਿੱਗਿਆ ਹੈ। ਉਥੇ ਹੀ ਬੀਐਸਈ ਦਾ ਸਮਾਲਕੈਪ ਇਨਡੈਕਸ 0.18 ਫ਼ੀ ਸਦੀ ਟੁੱਟਿਆ ਹੈ।