ਹੁਣ ਡੈਬਿਟ, ਕ੍ਰੈਡਿਟ ਕਾਰਡ ਦੇ ਆਰਿਜਨਲ ਨੰਬਰ ਨਹੀਂ, ਟੋਕਨ ਨੰਬਰ ਦੇਕੇ ਕੇ ਪਾਓ ਪੇਮੈਂਟ
ਕ੍ਰੈਡਿਟ ਅਤੇ ਡੈਬਿਟ ਕਾਰਡ ਦੀ ਵਰਤੋਂ ਨਾਲ ਕਈ ਜੋਖਮ ਜੁਡ਼ੇ ਹਨ। ਇਸ ਵਜ੍ਹਾ ਨਾਲ ਲੋਕ ਕਿਸੇ ਡਿਵਾਇਸ ਜਾਂ ਈ - ਕਾਮਰਸ ਵੈਬਸਾਈਟਾਂ 'ਤੇ ਅਪਣਾ ਕਾਰਡ ਡੇਟਾ ਸਟੋਰ...
ਬੈਂਗਲੁਰੂ : ਕ੍ਰੈਡਿਟ ਅਤੇ ਡੈਬਿਟ ਕਾਰਡ ਦੀ ਵਰਤੋਂ ਨਾਲ ਕਈ ਜੋਖਮ ਜੁਡ਼ੇ ਹਨ। ਇਸ ਵਜ੍ਹਾ ਨਾਲ ਲੋਕ ਕਿਸੇ ਡਿਵਾਇਸ ਜਾਂ ਈ - ਕਾਮਰਸ ਵੈਬਸਾਈਟਾਂ 'ਤੇ ਅਪਣਾ ਕਾਰਡ ਡੇਟਾ ਸਟੋਰ ਕਰਨ ਤੋਂ ਝਿਜਕਦੇ ਹਨ। ਅਜਿਹੇ ਵਿਚ ਰਿਜ਼ਰਵ ਬੈਂਕ ਆਫ ਇੰਡੀਆ (ਆਰਬੀਆਈ) ਕਾਰਡ ਨੰਬਰ ਦੀ ਜਗ੍ਹਾ 16 ਅਕਾਂ ਦਾ ਟੋਕਨ ਜਾਰੀ ਕਰਵਾਉਣ ਦਾ ਪ੍ਰਬੰਧ ਕਰਨ ਜਾ ਰਿਹਾ ਹੈ। ਟੋਕਨ ਬੈਂਕਾਂ ਵਲੋਂ ਜਾਰੀ ਕੀਤੇ ਜਾਣਗੇ ਜਿਨ੍ਹਾਂ ਨੂੰ ਕਾਰਡ ਦੇ ਅਸਲੀ ਨੰਬਰ ਦੀ ਜਗ੍ਹਾ ਇਸਤੇਮਾਲ ਕੀਤਾ ਜਾ ਸਕੇਗਾ। ਆਰਬੀਆਈ ਦਾ ਇਹ ਕਦਮ ਗੇਮ ਚੇਂਜਰ ਸਾਬਤ ਹੋ ਸਕਦਾ ਹੈ। ਨਵੇਂ ਨਿਯਮ ਨਾਲ ਅੰਤਰਰਾਸ਼ਟਰੀ ਮੁਸਾਫ਼ਰਾਂ ਨੂੰ ਵੱਡੀ ਰਾਹਤ ਮਿਲਣ ਵਾਲੀ ਹੈ।
ਖਾਸਕਰ ਥਾਇਲੈਂਡ ਵਰਗੇ ਦੇਸ਼ ਦੀ ਯਾਤਰਾ 'ਤੇ ਜਾਣ ਦੇ ਅਪਣੇ ਜੋਖਮ ਹੁੰਦੇ ਹਨ ਕਿਉਂਕਿ ਉਥੇ ਕਾਰਡ - ਸਕੀਮਿੰਗ ਸਿੰਡਿਕੇਟਸ ਬੇਹੱਦ ਸਰਗਰਮ ਹਨ ਜੋ ਪਬਾਂ ਅਤੇ ਖਾਣ ਵਾਲੀਆਂ ਥਾਵਾਂ 'ਤੇ ਕਾਰਡ ਡੇਟਾ ਸਕੀਮ ਕਰ ਲੈਂਦੇ ਹਨ। ਕਈ ਵਾਰ ਇੰਟਰਨੈਸ਼ਨਲ ਵੈਬਸਾਈਟਾਂ ਤੋਂ ਈ - ਸਿਗਰਟ ਕਾਰਟਰਿਜ, ਮਾਉਨਟਨ ਸਾਈਕਲ ਪਾਰਟਸ ਜਾਂ ਡਰੋਨ ਆਦਿ ਆਰਡਰ ਕਰਨਾ ਵੀ ਕਾਫ਼ੀ ਜੋਖਮ ਭਰਿਆ ਹੁੰਦਾ ਹੈ ਕਿਉਂਕਿ ਉਨ੍ਹਾਂ ਵੈਬਾਸਈਟਾਂ 'ਤੇ ਭਾਰਤੀ ਵੈਬਸਾਈਟਾਂ ਦੀ ਤਰ੍ਹਾਂ ਟੂ - ਫੈਕਟਰ ਅਥਾਂਟਿਕੇਸ਼ਨ ਦੀ ਲਾਜ਼ਮੀ ਨਹੀਂ ਹੁੰਦੀ ਹੈ।
ਉਦਯੋਗਿਕ ਵਿਸ਼ਵ ਦੇ ਦਿੱਗਜਾਂ ਦਾ ਕਹਿਣਾ ਹੈ ਕਿ ਕਾਰਡ ਨੰਬਰ ਦੀ ਥਾਂ ਟੋਕਨ ਦਾ ਪ੍ਰਬੰਧ ਹੋਣ ਨਾਲ ਡਿਜਿਟਲ ਪੇਮੈਂਟਸ ਨੂੰ ਬਹੁਤ ਬੜਾਵਾ ਮਿਲੇਗਾ। ਦਰਅਸਲ, ਟੋਕਨ ਬੇਹੱਦ ਉੱਚ ਸੁਰੱਖਿਆ ਪੱਧਰ ਦੇ ਨਾਲ ਜਾਰੀ ਹੁੰਦੇ ਹਨ। ਵਿੱਤੀ ਤਕਨਾਲੋਜੀ ਕੰਪਨੀ ਐਫਐਸਐਸ ਦੇ ਹੈਡ ਆਫ ਪੇਮੈਂਟਸ ਸੁਰੇਸ਼ ਰਾਜਗੋਪਾਲਨ ਨੇ ਕਿਹਾ ਕਿ ਇਕ ਵਾਰ ਟੋਕਨ ਇਸ਼ੂ ਹੋ ਗਿਆ ਤਾਂ ਤੁਹਾਡੇ (ਕਾਰਡ ਹੋਲਡਰ ਦੇ) ਇਲਾਵਾ ਕੋਈ ਦੂਜਾ ਤੁਹਾਡਾ ਆਰਿਜਨ ਕਾਰਡ ਨੰਬਰ ਨਹੀਂ ਜਾਣ ਸਕਦਾ। ਇੱਥੇ ਤਕ ਕਿ ਕਾਰਡ ਜਾਰੀ ਕਰਨ ਵਾਲੇ ਬੈਂਕ ਦਾ ਕਰਮਚਾਰੀ ਵੀ ਨਹੀਂ। ਆਰਬੀਆਈ ਦੀ ਪਹਿਲ ਦੇ ਕਾਰਨ ਟੋਕਨ ਦਾ ਪ੍ਚਾਰ ਵਧੇਗਾ ਅਤੇ ਨਾਰਮਲ ਰਿਟੇਲ ਕਸਟਮਰਸ ਅਪਣੇ ਬੈਂਕ ਤੋਂ ਮੁਫ਼ਤ ਵਿੱਚ ਟੋਕਨ ਜਾਰੀ ਕਰਵਾ ਸਕਣਗੇ।