EPF Diwali Gift: EPFO starts crediting interest into PF Accounts

EPF Diwali Gift: ਦੀਵਾਲੀ ਤੋਂ ਪਹਿਲਾਂ PF ਖਾਤਾਧਾਰਕਾਂ ਨੂੰ ਵੱਡਾ ਤੋਹਫਾ ਮਿਲਿਆ ਹੈ। ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਨੇ ਪ੍ਰਾਵੀਡੈਂਟ ਫੰਡ ਖਾਤੇ ਵਿਚ ਵਿਆਜ ਜਮ੍ਹਾ ਕਰਨਾ ਸ਼ੁਰੂ ਕਰ ਦਿਤਾ ਹੈ। ਵਿੱਤੀ ਸਾਲ 2022-23 ਲਈ, EPFO ​​ਗਾਹਕਾਂ ਨੂੰ PF ਖਾਤੇ ਵਿਚ ਨਿਵੇਸ਼ 'ਤੇ 8.15% ਵਿਆਜ ਦਰ ਮਿਲਣ ਜਾ ਰਹੀ ਹੈ।

ਦੱਸ ਦੇਈਏ ਕਿ ਕੁੱਝ ਖਾਤਾਧਾਰਕਾਂ ਦੇ ਖਾਤਿਆਂ 'ਚ ਪਹਿਲਾਂ ਹੀ ਵਿਆਜ ਦਾ ਭੁਗਤਾਨ ਕੀਤਾ ਜਾ ਚੁੱਕਾ ਹੈ ਪਰ EPFO ਨੇ ਕਿਹਾ ਕਿ ਸਾਰੇ ਖਾਤਾਧਾਰਕਾਂ ਦੇ ਖਾਤਿਆਂ 'ਚ ਵਿਆਜ ਦੀ ਰਕਮ ਜਮ੍ਹਾ ਹੋਣ 'ਚ ਸਮਾਂ ਲੱਗ ਸਕਦਾ ਹੈ। ਈਪੀਐਫਓ ਨੇ ਕਿਹਾ, "ਪ੍ਰਕਿਰਿਆ ਪਾਈਪਲਾਈਨ ਵਿਚ ਹੈ ਅਤੇ ਜਲਦੀ ਹੀ ਪੂਰੀ ਕੀਤੀ ਜਾ ਸਕਦੀ ਹੈ। ਜਦੋਂ ਵੀ ਵਿਆਜ ਜਮ੍ਹਾ ਕੀਤਾ ਜਾਵੇਗਾ, ਇਸ ਦਾ ਪੂਰਾ ਭੁਗਤਾਨ ਕੀਤਾ ਜਾਵੇਗਾ। ਵਿਆਜ ਦੀ ਕੋਈ ਕਟੌਤੀ ਨਹੀਂ ਕੀਤੀ ਜਾਵੇਗੀ। ਕਿਰਪਾ ਕਰਕੇ ਸਬਰ ਰੱਖੋ" ।

ਕੇਂਦਰੀ ਕਿਰਤ ਮੰਤਰੀ ਭੂਪੇਂਦਰ ਯਾਦਵ ਨੇ ਕਿਹਾ ਹੈ ਕਿ 24 ਕਰੋੜ ਤੋਂ ਵੱਧ ਖਾਤਿਆਂ ਵਿਚ ਵਿਆਜ ਪਹਿਲਾਂ ਹੀ ਜਮ੍ਹਾਂ ਹੋ ਚੁੱਕਾ ਹੈ। ਦੱਸ ਦੇਈਏ ਕਿ ਪੀਐਫ ਦੀ ਵਿਆਜ ਦਰ ਹਰ ਸਾਲ ਈਪੀਐਫਓ ਦੇ ਸੈਂਟਰਲ ਬੋਰਡ ਆਫ਼ ਟਰੱਸਟੀਜ਼ (ਸੀਬੀਟੀ) ਦੁਆਰਾ ਵਿੱਤ ਮੰਤਰਾਲੇ ਨਾਲ ਸਲਾਹ ਕਰਕੇ ਤੈਅ ਕੀਤੀ ਜਾਂਦੀ ਹੈ। ਇਸ ਸਾਲ, ਜੂਨ ਵਿਚ, EPFO ​​ਨੇ EPF 'ਤੇ ਵਿਆਜ ਦਰ ਵਧਾਉਣ ਦਾ ਐਲਾਨ ਕੀਤਾ ਸੀ।

ਇਕ ਵਾਰ ਵਿਆਜ ਜਮ੍ਹਾ ਹੋਣ ਤੋਂ ਬਾਅਦ ਇਹ EPF ਖਾਤੇ ਵਿਚ ਦਿਖਾਈ ਦੇਵੇਗਾ। ਕੋਈ ਵੀ ਵਿਅਕਤੀ ਟੈਕਸਟ ਮੈਸੇਜ, ਮਿਸਡ ਕਾਲ, ਉਮੰਗ ਐਪ ਅਤੇ ਈਪੀਐਫਓ ਵੈੱਬਸਾਈਟ ਵਰਗੇ ਕਈ ਤਰੀਕਿਆਂ ਰਾਹੀਂ ਪ੍ਰਾਵੀਡੈਂਟ ਫੰਡ ਖਾਤੇ ਦਾ ਬਕਾਇਆ ਚੈੱਕ ਕਰ ਸਕਦਾ ਹੈ।