ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ ਅਤੇ ਪਛਮੀ ਏਸ਼ੀਆ ਤਣਾਅ ਕਾਰਨ ਸ਼ੇਅਰ ਬਾਜ਼ਾਰ ’ਚ ਵੱਡੀ ਗਿਰਾਵਟ

Rising crude oil prices and West Asia tensions cause a major decline in the stock market

ਮੁੰਬਈ: ਭਾਰਤੀ ਸ਼ੇਅਰ ਬਾਜ਼ਾਰਾਂ ਵਿੱਚ ਬੁੱਧਵਾਰ ਨੂੰ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। ਸੈਂਸੈਕਸ 1,342 ਅੰਕ ਡਿੱਗ ਕੇ 76,863.71 ’ਤੇ ਬੰਦ ਹੋਇਆ, ਜਦਕਿ ਨਿਫਟੀ 394 ਅੰਕ ਘਟ ਕੇ 23,866.85 ’ਤੇ ਆ ਟਿਕਿਆ। ਇਸ ਗਿਰਾਵਟ ਦਾ ਮੁੱਖ ਕਾਰਨ ਪਛਮੀ ਏਸ਼ੀਆ ਵਿੱਚ ਵਧ ਰਹੀਆਂ ਤਣਾਵਪੂਰਨ ਸਥਿਤੀਆਂ ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਤੇਜ਼ੀ ਮੰਨੀ ਜਾ ਰਹੀ ਹੈ।

ਰਿਲੀਗੇਅਰ ਬ੍ਰੋਕਿੰਗ ਲਿਮਿਟਡ ਦੇ ਅਜੀਤ ਮਿਸ਼ਰਾ ਨੇ ਕਿਹਾ, ‘‘ਨਿਵੇਸ਼ਕਾਂ ਦੀ ਭਾਵਨਾ ਨਾਜ਼ੁਕ ਰਹੀ ਕਿਉਂਕਿ ਪਛਮੀ ਏਸ਼ੀਆ ਵਿੱਚ ਵਧ ਰਹੇ ਭੂ-ਰਾਜਨੀਤਿਕ ਤਣਾਵਾਂ ਨੇ ਆਲਮੀ ਮਾਰਕੀਟਾਂ ਨੂੰ ਹਿਲਾ ਦਿੱਤਾ ਹੈ।’’ ਮੋਤੀਲਾਲ ਓਸਵਾਲ ਫਾਇਨੈਂਸ਼ਲ ਸਰਵਿਸਿਜ਼ ਦੇ ਸਿੱਧਾਰਥ ਖੇਮਕਾ ਨੇ ਦੱਸਿਆ, ‘‘ਬੈਂਕਿੰਗ, ਫਾਇਨੈਂਸ਼ਲ ਸਰਵਿਸਿਜ਼ ਅਤੇ ਆਟੋਮੋਬਾਈਲ ਸੈਕਟਰ ਵਿੱਚ ਵਿਕਰੀ ਨੇ ਬਾਜ਼ਾਰਾਂ ਨੂੰ ਹੋਰ ਕਮਜ਼ੋਰ ਕੀਤਾ।’’ 

ਬਾਜਾਜ ਫਾਇਨੈਂਸ, ਐਕਸਿਸ ਬੈਂਕ ਅਤੇ ਮਹਿੰਦਰਾ ਐਂਡ ਮਹਿੰਦਰਾ ਵਰਗੀਆਂ ਕੰਪਨੀਆਂ ਵਿੱਚ ਸਭ ਤੋਂ ਵੱਧ ਗਿਰਾਵਟ ਦਰਜ ਕੀਤੀ ਗਈ। ਦੂਜੇ ਪਾਸੇ, ਸਨ ਫਾਰਮਾ ਅਤੇ ਐਨ.ਟੀ.ਪੀ.ਸੀ. ਹੀ ਇਕੱਲੇ ਲਾਭ ’ਚ ਰਹੇ। ਲਾਈਵਲਾਂਗ ਵੈਲਥ ਦੇ ਹਰੀਪ੍ਰਸਾਦ ਕੇ ਨੇ ਕਿਹਾ, ‘‘ਇਹ ਗਿਰਾਵਟ ਮੁੱਖ ਤੌਰ ’ਤੇ ਲਾਭ ਪ੍ਰਾਪਤ ਕਰਨ ਕਾਰਨ ਹੈ, ਪਰ ਇਸ ਦੀ ਤੀਬਰਤਾ ਦਰਸਾਉਂਦੀ ਹੈ ਕਿ ਨਿਵੇਸ਼ਕ ਅਨਿਸ਼ਚਿਤ ਮਾਹੌਲ ਵਿੱਚ ਵੱਡੇ ਜੋਖ਼ਮ ਲੈਣ ਤੋਂ ਕਤਰਾਉਂਦੇ ਹਨ।’’

ਕੱਚੇ ਤੇਲ ਦੀ ਕੀਮਤ ਆਲਮੀ ਬਾਜ਼ਾਰ ਵਿਚ ਅੱਜ 5.76% ਵੱਧ ਕੇ 92.86 ਡਾਲਰ ਪ੍ਰਤੀ ਬੈਰਲ ’ਤੇ ਪਹੁੰਚ ਗਈ। ਵਿਦੇਸ਼ੀ ਨਿਵੇਸ਼ਕਾਂ ਨੇ 4,672 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ, ਜਦਕਿ ਘਰੇਲੂ ਨਿਵੇਸ਼ਕਾਂ ਨੇ 6,333 ਕਰੋੜ ਰੁਪਏ ਦੀ ਖਰੀਦ ਕੀਤੀ।