Cheapest Flight Tickets : ਹਵਾਈ ਯਾਤਰੀਆਂ ਲਈ ਖੁਸ਼ਖਬਰੀ , ਸਿਰਫ਼ 80 ਰੁਪਏ 'ਚ ਮਿਲ ਰਹੀ ਹੈ ਫਲਾਈਟ ਟਿਕਟ ,ਇੰਝ ਕਰਨੀ ਹੋਵੇਗੀ ਬੁਕਿੰਗ

Cheapest Flight Tickets : ਅੱਜ ਕੱਲ੍ਹ ਜ਼ਿਆਦਾਤਰ ਲੋਕ ਆਪਣਾ ਸਮਾਂ ਬਚਾਉਣ ਲਈ ਫਲਾਈਟ ਰਾਹੀਂ ਸਫ਼ਰ ਕਰਦੇ ਹਨ ਪਰ ਹਵਾਈ ਟਿਕਟਾਂ ਮਹਿੰਗੀਆਂ ਹੋਣ ਕਾਰਨ ਇਹ ਆਮ ਆਦਮੀ ਦੇ ਬਸ ਦੀ ਗੱਲ ਨਹੀਂ ਹੁੰਦੀ ਪਰ ਹੁਣ ਜੋ ਖਬਰ ਅਸੀਂ ਤੁਹਾਨੂੰ ਦੇਣ ਜਾ ਰਹੇ ਹਾਂ, ਉਹ ਸੁਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਭਾਵੇਂ ਹੀ ਤੁਹਾਨੂੰ ਯਕੀਨ ਨਾ ਹੋਵੇ ਪਰ ਤੁਸੀਂ ਸਿਰਫ਼ 80 ਰੁਪਏ ਵਿੱਚ ਹਵਾਈ ਸਫ਼ਰ ਕਰ ਸਕਦੇ ਹੋ। ਇਹ ਆਫਰ ਇੰਡੀਗੋ ਜਾਂ ਏਅਰ ਇੰਡੀਆ ਵਰਗੀ ਵੱਡੀ ਏਅਰਲਾਈਨ ਦੁਆਰਾ ਨਹੀਂ ਬਲਕਿ ਅਲਾਇੰਸ ਏਅਰ ਦੁਆਰਾ ਦਿੱਤਾ ਜਾ ਰਿਹਾ ਹੈ।

 ਗੁਹਾਟੀ ਅਤੇ ਸ਼ਿਲਾਂਗ ਵਿਚਕਾਰ ਚੱਲੇਗੀ ਫਲਾਈਟ 

ਦੱਸ ਦੇਈਏ ਕਿ ਇਸ ਏਅਰਲਾਈਨ ਨੇ ਗੁਹਾਟੀ ਅਤੇ ਸ਼ਿਲਾਂਗ ਵਿਚਾਲੇ ਸਿਰਫ 50 ਮਿੰਟਾਂ 'ਚ ਦੂਰੀ ਤੈਅ ਕਰਨ ਵਾਲੀ ਫਲਾਈਟ ਸ਼ੁਰੂ ਕੀਤੀ ਹੈ। ਇਸ ਫਲਾਈਟ 'ਚ ਬੈਠ ਕੇ ਤੁਸੀਂ ਖਿੜਕੀ ਤੋਂ ਹੇਠਾਂ ਦੇਖ ਕੇ ਪਹਾੜਾਂ ਅਤੇ ਵਾਦੀਆਂ ਦੇ ਖੂਬਸੂਰਤ ਨਜ਼ਾਰਾ ਦਾ ਆਨੰਦ ਲੈ ਸਕਦੇ ਹੋ। ਤੁਹਾਨੂੰ ਦੱਸ ਦੇਈਏ ਕਿ ਗੁਹਾਟੀ ਅਤੇ ਸ਼ਿਲਾਂਗ ਵਿਚਕਾਰ ਦੂਰੀ ਬਹੁਤ ਘੱਟ ਹੈ, ਇਸ ਲਈ ਇਸ ਰੂਟ 'ਤੇ ਉਡਾਣ ਦਾ ਖਰਚਾ ਘੱਟ ਹੈ। ਇਸ ਤੋਂ ਇਲਾਵਾ ਅਲਾਇੰਸ ਏਅਰ ਵਰਗੀਆਂ ਘੱਟ ਕੀਮਤ ਵਾਲੀਆਂ ਏਅਰਲਾਈਨਾਂ ਕਿਰਾਏ ਨੂੰ ਘੱਟ ਰੱਖਦੇ ਹੋਏ ਇਸ ਰੂਟ 'ਤੇ ਉਡਾਣਾਂ ਚਲਾਉਂਦੀਆਂ ਹਨ।

ਤੁਹਾਨੂੰ ਪ੍ਰੋਮੋ ਕੋਡ ਦਾ ਇਸਤੇਮਾਲ ਕਰਨ 'ਤੇ ਛੋਟ ਮਿਲੇਗੀ

ਜੇਕਰ ਤੁਸੀਂ Paytm ਐਪ 'ਤੇ ਇਸ ਫਲਾਈਟ ਦਾ ਕਿਰਾਇਆ ਚੈੱਕ ਕਰਦੇ ਹੋ ਤਾਂ ਗੁਹਾਟੀ ਤੋਂ ਸ਼ਿਲਾਂਗ ਦੀ ਫਲਾਈਟ ਦਾ ਬੇਸ ਕਿਰਾਇਆ 400 ਰੁਪਏ ਹੋਵੇਗਾ ਪਰ ਜਦੋਂ ਤੁਸੀਂ ਪ੍ਰੋਮੋ ਕੋਡ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਨੂੰ 320 ਰੁਪਏ ਦੀ ਛੋਟ ਮਿਲੇਗੀ ਅਤੇ ਤੁਹਾਨੂੰ ਕਿਰਾਏ ਲਈ ਸਿਰਫ 80 ਰੁਪਏ ਦੇਣੇ ਹੋਣਗੇ। ਨੋਟ ਕਰੋ ਕਿ ਬੁਕਿੰਗ ਦੇ ਸਮੇਂ ਸੁਵਿਧਾ ਫੀਸ ਵੱਖਰੇ ਤੌਰ 'ਤੇ ਜੋੜੀ ਜਾਵੇਗੀ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਗੁਹਾਟੀ ਤੋਂ ਸ਼ਿਲਾਂਗ ਜਾਂ ਸ਼ਿਲਾਂਗ ਤੋਂ ਗੁਹਾਟੀ ਦੀ ਯਾਤਰਾ ਕਰਨ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਤੁਸੀਂ ਵੀ ਇਸ ਸਸਤੀ ਫਲਾਈਟ ਦਾ ਫਾਇਦਾ ਉਠਾ ਸਕਦੇ ਹੋ।

ਤੁਹਾਨੂੰ ਦੱਸ ਦੇਈਏ ਕਿ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਨੇ ਖੇਤਰੀ ਹਵਾਈ ਸੰਪਰਕ ਨੂੰ ਉਤਸ਼ਾਹਿਤ ਕਰਨ ਅਤੇ ਹਵਾਈ ਯਾਤਰਾ ਨੂੰ ਹੋਰ ਕਿਫਾਇਤੀ ਬਣਾਉਣ ਦੇ ਉਦੇਸ਼ ਨਾਲ 21 ਅਕਤੂਬਰ 2016 ਨੂੰ UDAN ਦੀ ਸ਼ੁਰੂਆਤ ਕੀਤੀ ਸੀ। ਇਸ ਕਾਰਨ ਭਾਰਤ ਦੇ ਕਈ ਰੂਟਾਂ 'ਤੇ ਫਲਾਈਟ ਦੀਆਂ ਟਿਕਟਾਂ ਬਹੁਤ ਘੱਟ ਕੀਮਤਾਂ 'ਤੇ ਉਪਲਬਧ ਹਨ।