ਸ਼ੇਅਰ ਬਾਜ਼ਾਰ 'ਚ ਵੱਡੀ ਗਿਰਾਵਟ,100 ਅੰਕ 'ਤੇ ਡਿੱਗਿਆ ਸੈਂਸੈਕਸ, ਨਿਫਟੀ ਵੀ 18 ਹਜ਼ਾਰ ਤੋਂ ਹੇਠਾਂ

ਮੁੰਬਈ: ਭਾਰਤੀ ਸ਼ੇਅਰ ਬਾਜ਼ਾਰ ਲਗਾਤਾਰ ਪੰਜ ਸੈਸ਼ਨਾਂ 'ਚ ਤੇਜ਼ੀ ਦੇ ਬਾਅਦ ਬੁੱਧਵਾਰ ਸਵੇਰੇ ਵੱਡੀ ਗਿਰਾਵਟ 'ਤੇ ਖੁੱਲ੍ਹਿਆ। ਅਮਰੀਕੀ ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ ਦਾ ਅਸਰ ਘਰੇਲੂ ਨਿਵੇਸ਼ਕਾਂ ਦੀ ਭਾਵਨਾ 'ਤੇ ਵੀ ਦੇਖਣ ਨੂੰ ਮਿਲਿਆ ਅਤੇ ਸੈਂਸੈਕਸ 1100 ਅੰਕਾਂ ਤੋਂ ਜ਼ਿਆਦਾ ਦੀ ਗਿਰਾਵਟ ਨਾਲ 60 ਹਜ਼ਾਰ ਤੋਂ ਹੇਠਾਂ ਆ ਗਿਆ।

ਅੱਜ ਸਵੇਰੇ ਸੈਂਸੈਕਸ 1,154 ਅੰਕਾਂ ਦੀ ਗਿਰਾਵਟ ਨਾਲ 59,417 'ਤੇ ਖੁੱਲ੍ਹਿਆ ਅਤੇ ਕਾਰੋਬਾਰ ਸ਼ੁਰੂ ਕੀਤਾ, ਜਦਕਿ ਨਿਫਟੀ 299 ਅੰਕਾਂ ਦੀ ਗਿਰਾਵਟ ਨਾਲ 17,771 'ਤੇ ਖੁੱਲ੍ਹਿਆ ਅਤੇ ਕਾਰੋਬਾਰ ਸ਼ੁਰੂ ਕੀਤਾ।

ਨਿਵੇਸ਼ਕਾਂ ਨੇ ਅੱਜ ਸ਼ੁਰੂਆਤ ਤੋਂ ਹੀ ਵਿਕਰੀ ਦਾ ਰੁਝਾਨ ਬਰਕਰਾਰ ਰੱਖਿਆ ਅਤੇ ਭਾਰੀ ਮੁਨਾਫਾ ਬੁੱਕ ਕੀਤਾ। ਬਾਜ਼ਾਰ 'ਚ ਲਗਾਤਾਰ ਵਿਕਰੀ ਦੇ ਬਾਵਜੂਦ ਸੈਂਸੈਕਸ ਸਵੇਰੇ 9.28 ਵਜੇ ਮਾਮੂਲੀ ਸੁਧਾਰ ਨਾਲ 617 ਅੰਕ ਡਿੱਗ ਕੇ 59,954 'ਤੇ ਕਾਰੋਬਾਰ ਕਰਦਾ ਰਿਹਾ, ਜਦੋਂ ਕਿ ਨਿਫਟੀ 173 ਅੰਕ ਡਿੱਗ ਕੇ 17,897 'ਤੇ ਬੰਦ ਹੋਇਆ।