ਬੇਰੁਜ਼ਗਾਰਾਂ ਲਈ ਖੁਸ਼ਖ਼ਬਰੀ, ਕੋਰੋਨਾ ਦੌਰ 'ਚ 26 ਹਜ਼ਾਰ ਫਰੈਸ਼ਰ ਨੂੰ ਨੌਕਰੀ ਦੇਵੇਗੀ Infosys

Infosys to hire 26,000 people from India and overseas in FY22

ਨਵੀਂ ਦਿੱਲੀ - ਇਕ ਪਾਸੇ ਪੂਰੇ ਦੇਸ਼ ਵਿਚ ਕੋਰੋਨਾ ਮਹਾਂਮਾਰੀ ਨੇ ਹਲਚਲ ਮਚਾਈ ਹੋਈ ਹੈ ਜਿਸ ਕਰ ਕੇ ਕਈ ਕੰਪਨੀਆਂ ਆਪਣੇ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਰਹੀਆਂ ਹਨ ਪਰ ਕੋਰੋਨਾ ਮਹਾਂਮਾਰੀ ਦੇ ਦੌਰ ਦੇ ਚਲਦੇ ਦੇਸ਼ ਦੀ ਪ੍ਰਮੁੱਖ ਆਈਟੀ ਕੰਪਨੀ ਇੰਫੋਸਿਸ ਬੇਰੁਜ਼ਗਾਰਾਂ ਲਈ ਨੌਕਰੀ ਲੈ ਕੇ ਆਈ ਹੈ। ਦਰਅਸਲ ਦੇਸ਼ ਦੀ ਪ੍ਰਮੁੱਖ ਸਾਫ਼ਟਵੇਅਰ ਸਰਵਿਸਿਜ਼ ਕੰਪਨੀ ਇੰਫੋਸਿਸ ਨੇ ਇਸ ਸਾਲ ਬੰਪਰ ਨੌਕਰੀਆਂ ਦੇਣ ਦਾ ਐਲਾਨ ਕੀਤਾ ਹੈ।

ਕੰਪਨੀ ਨੇ ਕਿਹਾ ਕਿ ਕੰਪਨੀ ਵਿੱਤੀ ਸਾਲ 2022 ਵਿਚ ਕੈਂਪਸ ਪਲੇਸਮੈਂਟ ਦੇ ਜ਼ਰੀਏ 26 ਹਜ਼ਾਰ ਫਰੈਸ਼ਰਾਂ ਨੂੰ ਨੌਕਰੀਆਂ ਦੇਵੇਗੀ। ਕੰਪਨੀ ਨੇ ਵਿੱਤੀ ਸਾਲ 2020-21 ਵਿਚ 21 ਹਜ਼ਾਰ ਨਵੇਂ ਫਰੈਸ਼ਰ ਦੀ ਭਰਤੀ ਕੀਤੀ ਸੀ। ਇਨ੍ਹਾਂ 26 ਹਜ਼ਾਰ ਨੌਕਰੀਆਂ ਵਿਚੋਂ 24 ਹਜ਼ਾਰ ਨੌਕਰੀਆਂ ਭਾਰਤ ਦੇ ਲੋਕਾਂ ਨੂੰ ਦਿੱਤੀਆਂ ਜਾਣਗੀਆਂ, ਜਦਕਿ 2 ਹਜ਼ਾਰ ਨੌਕਰੀਆਂ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਦਿੱਤੀਆਂ ਜਾਣੀਆਂ ਹਨ। ਦੱਸ ਦੇਈਏ ਕਿ ਪਿਛਲੇ ਵਿੱਤੀ ਵਰ੍ਹੇ ਭਾਵ 2020-21 ਵਿਚ ਕੰਪਨੀ ਨੇ 21 ਹਜ਼ਾਰ ਫਰੈਸ਼ਰ ਰੱਖੇ ਸਨ। ਇਨ੍ਹਾਂ ਵਿਚ 19 ਹਜ਼ਾਰ ਨੌਕਰੀਆਂ ਭਾਰਤੀ ਵਿਦਿਆਰਥੀਆਂ ਨੂੰ ਦਿੱਤੀਆਂ ਗਈਆਂ ਸਨ।

ਸਟਾਕ ਐਕਸਚੇਂਜ ਨੂੰ ਦਿੱਤੀ ਜਾਣਕਾਰੀ ਵਿਚ ਕੰਪਨੀ ਨੇ ਕਿਹਾ ਕਿ ਮਾਰਚ 2021 ਦੇ ਅੰਤ ਤੱਕ ਕੰਪਨੀ ਵਿਚ 2,59,619 ਕਰਮਚਾਰੀ ਕੰਮ ਕਰ ਰਹੇ ਸਨ, ਜਦੋਂਕਿ ਕੰਪਨੀ ਵਿਚ 17,248 ਨਵੇਂ ਕਰਮਚਾਰੀ ਸ਼ਾਮਲ ਕੀਤੇ ਗਏ ਸਨ। ਇੰਫੋਸਿਸ ਦੇ ਸੀ.ਓ.ਓ. ਯੂ.ਬੀ. ਪ੍ਰਵੀਨ ਰਾਓ ਨੇ ਕਿਹਾ ਕਿ ਕੰਪਨੀ ਆਪਣੇ ਰੈਗੂਲਰ ਕੰਪੇਸੇਸ਼ਨ ਸਾਈਕਲ ਵੱਲ ਪਰਤ ਰਹੀ ਹੈ ਅਤੇ ਜਨਵਰੀ 2021 ਤੋਂ ਬਾਅਦ, ਕੰਪਨੀ ਨੇ ਕਰਮਚਾਰੀਆਂ ਲਈ ਸੈਕਿੰਡ ਕੰਪੇਸੇਸ਼ਨ ਰਿਵਿਊ ਦਾ ਐਲਾਨ ਕੀਤਾ ਹੈ।

ਜ਼ਿਕਰਯੋਗ ਹੈ ਕਿ ਇੰਫੋਸਿਸ ਨੇ ਬੁੱਧਵਾਰ ਨੂੰ ਚੌਥੀ ਤਿਮਾਹੀ ਦੇ ਨਤੀਜੇ ਜਾਰੀ ਕੀਤੇ ਹਨ। ਜਨਵਰੀ ਦਾ ਸੰਗਠਿਤ ਕੰਪਨੀ ਦਾ ਸ਼ੁੱਧ ਮੁਨਾਫਾ 2.6% ਡਿੱਗ ਕੇ 5078 ਕਰੋੜ ਰੁਪਏ ਰਿਹਾ। ਇਹ ਅਨੁਮਾਨਾਂ ਨਾਲੋਂ ਘੱਟ ਹੈ ਕਿਉਂਕਿ ਵਿਸ਼ਲੇਸ਼ਕ ਉਮੀਦ ਕਰ ਰਹੇ ਸਨ ਕਿ ਚੌਥੀ ਤਿਮਾਹੀ ਵਿਚ ਇੰਫੋਸਿਸ ਦਾ ਇਕੱਤਰ ਸ਼ੁੱਧ ਲਾਭ 5170.2 ਕਰੋੜ ਰੁਪਏ ਹੋਵੇਗਾ। ਤਿਮਾਹੀ ਦੇ ਅਧਾਰ 'ਤੇ, ਇੰਫੋਸਿਸ ਦਾ ਇਕਪਾਸੜ ਮਾਲੀਆ 2.8% ਦੇ ਵਾਧੇ ਨਾਲ 26,311 ਕਰੋੜ ਰੁਪਏ' ਤੇ ਪਹੁੰਚ ਗਿਆ। ਵਿਸ਼ਲੇਸ਼ਕ 26,701.8 ਕਰੋੜ ਰੁਪਏ ਦੀ ਕੰਸਾਲੀਡੇਟਿਡ ਆਮਦਨੀ ਦੀ ਉਮੀਦ ਕਰ ਰਹੇ ਸਨ।