ਥੋਕ ਮਹਿੰਗਾਈ ਲਗਾਤਾਰ ਦੂਜੇ ਮਹੀਨੇ ਨਕਾਰਾਤਮਕ ਰਹੀ, ਨਵੰਬਰ ’ਚ ਵਧ ਕੇ ਮਨਫ਼ੀ 0.32 ਫੀ ਸਦੀ ਹੋਈ 

ਨਵੀਂ ਦਿੱਲੀ : ਸਰਕਾਰੀ ਅੰਕੜਿਆਂ ਮੁਤਾਬਕ ਥੋਕ ਕੀਮਤਾਂ ਦੀ ਮਹਿੰਗਾਈ ਨਵੰਬਰ ’ਚ ਲਗਾਤਾਰ ਦੂਜੇ ਮਹੀਨੇ ਨਕਾਰਾਤਮਕ ਪੱਧਰ ਉਤੇ ਮਨਫ਼ੀ 0.32 ਫੀ ਸਦੀ ਉਤੇ ਰਹੀ, ਹਾਲਾਂਕਿ ਦਾਲਾਂ ਅਤੇ ਸਬਜ਼ੀਆਂ ਵਰਗੇ ਖਾਧ ਪਦਾਰਥਾਂ ਦੀਆਂ ਕੀਮਤਾਂ ’ਚ ਮਹੀਨਾ ਦਰ ਮਹੀਨਾ ਵਾਧਾ ਹੋਇਆ ਹੈ। ਥੋਕ ਮੁੱਲ ਸੂਚਕ ਅੰਕ (ਡਬਲਿਊ.ਪੀ.ਆਈ.) ਆਧਾਰਤ ਮਹਿੰਗਾਈ ਅਕਤੂਬਰ ’ਚ ਮਨਫ਼ੀ 1.21 ਫੀ ਸਦੀ ਅਤੇ ਪਿਛਲੇ ਸਾਲ ਨਵੰਬਰ ’ਚ 2.16 ਫੀ ਸਦੀ ਸੀ। ਉਦਯੋਗ ਮੰਤਰਾਲੇ ਨੇ ਇਕ ਬਿਆਨ ’ਚ ਕਿਹਾ ਕਿ ਸਾਲਾਨਾ ਆਧਾਰ ਉਤੇ ਨਵੰਬਰ ’ਚ ਮਹਿੰਗਾਈ ਦਰ ਦੀ ਨਕਾਰਾਤਮਕ ਦਰ ਮੁੱਖ ਤੌਰ ਉਤੇ ਖੁਰਾਕੀ ਵਸਤੂਆਂ, ਖਣਿਜ ਤੇਲਾਂ, ਕੱਚੇ ਪਟਰੌਲੀਅਮ ਅਤੇ ਕੁਦਰਤੀ ਗੈਸ, ਬੁਨਿਆਦੀ ਧਾਤਾਂ ਦੇ ਨਿਰਮਾਣ ਅਤੇ ਬਿਜਲੀ ਦੀਆਂ ਕੀਮਤਾਂ ’ਚ ਕਮੀ ਕਾਰਨ ਸੀ। 

ਅਪ੍ਰੈਲ ਤੋਂ ਸ਼ੁਰੂ ਹੋ ਕੇ ਪਿਛਲੇ ਅੱਠ ਮਹੀਨਿਆਂ ਤੋਂ ਖੁਰਾਕੀ ਵਸਤਾਂ ਵਿਚ ਗਿਰਾਵਟ ਜਾਰੀ ਰਹੀ। ਨਵੰਬਰ ’ਚ ਇਹ ਘਟ ਕੇ 4.16 ਫੀ ਸਦੀ ਰਹਿ ਗਿਆ, ਜੋ ਅਕਤੂਬਰ ’ਚ 8.31 ਫੀ ਸਦੀ ਸੀ। 

ਸਬਜ਼ੀਆਂ ’ਚ ਮਹਿੰਗਾਈ ਦਰ ਨਵੰਬਰ ’ਚ 20.23 ਫੀ ਸਦੀ ਰਹੀ, ਜੋ ਅਕਤੂਬਰ ’ਚ 34.97 ਫੀ ਸਦੀ ਸੀ। ਦਾਲਾਂ ’ਚ ਨਵੰਬਰ ’ਚ ਮਹਿੰਗਾਈ ਦਰ 15.21 ਫੀ ਸਦੀ ਰਹੀ, ਜਦਕਿ ਆਲੂ ਅਤੇ ਪਿਆਜ਼ ’ਚ ਕ੍ਰਮਵਾਰ 36.14 ਫੀ ਸਦੀ ਅਤੇ 64.70 ਫੀ ਸਦੀ ਰਹੀ। ਨਿਰਮਿਤ ਉਤਪਾਦਾਂ ਦੇ ਮਾਮਲੇ ’ਚ ਮਹਿੰਗਾਈ ਦਰ ਨਵੰਬਰ ’ਚ ਘਟ ਕੇ 1.33 ਫੀ ਸਦੀ ਰਹਿ ਗਈ, ਜੋ ਅਕਤੂਬਰ ’ਚ 1.54 ਫੀ ਸਦੀ ਸੀ। ਬਾਲਣ ਅਤੇ ਬਿਜਲੀ ’ਚ ਮਹਿੰਗਾਈ ਦਰ -2.27 ਫੀ ਸਦੀ ਦਰਜ ਕੀਤੀ ਗਈ, ਜੋ ਅਕਤੂਬਰ ’ਚ 2.55 ਫੀ ਸਦੀ ਸੀ। 

ਆਈ.ਸੀ.ਆਰ.ਏ. ਦੀ ਮੁੱਖ ਅਰਥਸ਼ਾਸਤਰੀ ਅਦਿਤੀ ਨਾਇਰ ਨੇ ਕਿਹਾ ਕਿ ਥੋਕ ਮਹਿੰਗਾਈ ਨਵੰਬਰ 2025 ਵਿਚ ਉਮੀਦ ਨਾਲੋਂ ਤੇਜ਼ੀ ਨਾਲ ਵਧੀ, ਜੋ ਅਧਾਰ ਪ੍ਰਭਾਵ, ਭਾਰਤੀ ਰੁਪਏ ਦੀ ਕਮਜ਼ੋਰੀ ਅਤੇ ਕੁੱਝ ਵਸਤੂਆਂ ਦੀਆਂ ਵਧਦੀਆਂ ਕੀਮਤਾਂ ਨੂੰ ਦਰਸਾਉਂਦੀ ਹੈ। 

ਨਾਇਰ ਨੇ ਕਿਹਾ, ‘‘ਭਾਰਤੀ ਰੁਪਏ ਵਿਚ ਹੋਰ ਗਿਰਾਵਟ, ਵਸਤੂਆਂ ਦੀਆਂ ਕੀਮਤਾਂ ਵਿਚ ਵਾਧਾ ਹੋਣ ਅਤੇ ਸਬਜ਼ੀਆਂ ਦੀਆਂ ਕੀਮਤਾਂ ਵਿਚ ਬੇਮੌਸਮੀ ਵਾਧੇ ਦੇ ਨਾਲ, ਅਤੇ ਕੱਚੇ ਤੇਲ ਨੂੰ ਨਰਮ ਕਰਨ ਦੇ ਬਾਵਜੂਦ, ਅਸੀਂ ਉਮੀਦ ਕਰਦੇ ਹਾਂ ਕਿ ਥੋਕ ਮਹਿੰਗਾਈ ਦਸੰਬਰ 2025 ਵਿਚ ਲਗਭਗ 0.5 ਫ਼ੀ ਸਦੀ ਦੀ ਸਾਲ-ਦਰ-ਸਾਲ ਮਹਿੰਗਾਈ ਵਿਚ ਚਲੇ ਜਾਵੇਗੀ।’’