ਐਸਐਫ਼ਆਈਓ ਕਰੇਗੀ ਰੁਚੀ ਸੋਇਆ ਉਦਯੋਗ ਦੀ ਜਾਂਚ 

ਨਵੀਂ ਦਿੱਲੀ, 15 ਮਈ : ਰੁਚੀ ਸੋਇਆ ਉਦਯੋਗ ਨੇ ਬੁਧਵਾਰ ਨੂੰ ਕਿਹਾ ਕਿ ਉਸ ਨੂੰ ਕੰਪਨੀ ਦੇ ਮਾਮਲਿਆਂ ਦੀ ਜਾਂਚ ਲਈ ਗੰਭੀਰ ਧੋਖਾਧੜੀ ਜਾਂਚ ਦਫ਼ਤਰ (ਐਸਐਫ਼ਆਈਓ) ਤੋਂ ਪੱਤਰ ਮਿਲਿਆ ਹੈ।

ਇਕ ਸਰਕਾਰੀ ਸੂਤਰ ਨੇ ਸੋਮਵਾਰ ਨੂੰ ਇਸ ਦੀ ਜਾਣਕਾਰੀ ਦਿਤੀ ਸੀ ਕਿ ਐਸਐਫ਼ਆਈਓ ਰੂਚੀ ਸੋਇਆ ਅਤੇ ਦੋ ਹੋਰ ਕੰਪਨੀਆਂ ਦੀ ਜਾਂਚ ਕਰ ਰਿਹਾ ਹੈ। ਇਹਨਾਂ ਕੰਪਨੀਆਂ ਵਿਚ ਵਿੱਤੀ ਬੇਨਿਯਮੀਆਂ ਦੀ ਜਾਂਚ ਕੀਤੀ ਜਾਵੇਗੀ।

ਬੰਬਈ ਸ਼ੇਅਰ ਬਾਜ਼ਾਰ ਨੂੰ ਭੇਜੀ ਸੂਚਨਾ 'ਚ ਕੰਪਨੀ ਨੇ ਕਿਹਾ ਹੈ ਕਿ ਉਸ ਨੂੰ ਐਸਐਫ਼ਆਈਓ ਵਲੋਂ ਕੰਪਨੀ ਕਾਨੂੰਨ 2013 ਦੀ ਧਾਰਾ 212 (1) ਤਹਿਤ ਕੰਪਨੀ ਦੇ ਵੱਖਰੇ ਮਾਮਲਿਆਂ ਦੀ ਜਾਂਚ ਬਾਰੇ ਪੱਤਰ ਮਿਲਿਆ ਹੋਇਆ ਹੈ। ਕੰਪਨੀ ਕਾਨੂੰਨ ਦੀ ਧਾਰਾ 212 ਐਸਐਫ਼ਆਈਓ ਦੀ ਜਾਂਚ ਦੇ ਰੂਪ 'ਚ ਹੈ।