ਡੀਜ਼ਲ ਕਾਰਾਂ ਹੋ ਸਕਦੀਆਂ ਹਨ ਮਹਿੰਗੀਆਂ, ਸਰਕਾਰ ਵਲੋਂ 2% ਟੈਕਸ ਵਧਾਉਣ ਦੀ ਪੇਸ਼ਕਸ਼
ਭਾਰਤ 'ਚ ਇਕ ਵਾਰ ਫਿਰ ਡੀਜ਼ਲ ਵਾਹਨਾਂ ਨੂੰ ਮਹਿੰਗਾ ਕਰਨ ਦੀ ਤਿਆਰੀ ਹੋ ਰਹੀ ਹੈ। ਮਨਿਸਟਰੀ ਆਫ਼ ਰੋਡ ਐਂਡ ਟਰਾਂਸਪੋਰਟ ਤੋਂ ਜਾਰੀ ਸਰਕੂਲਰ ਮੁਤਾਬਕ, ਡੀਜ਼ਲ ਵਾਹਨ...
ਨਵੀਂ ਦਿੱਲੀ: ਭਾਰਤ 'ਚ ਇਕ ਵਾਰ ਫਿਰ ਡੀਜ਼ਲ ਵਾਹਨਾਂ ਨੂੰ ਮਹਿੰਗਾ ਕਰਨ ਦੀ ਤਿਆਰੀ ਹੋ ਰਹੀ ਹੈ। ਮਨਿਸਟਰੀ ਆਫ਼ ਰੋਡ ਐਂਡ ਟਰਾਂਸਪੋਰਟ ਤੋਂ ਜਾਰੀ ਸਰਕੂਲਰ ਮੁਤਾਬਕ, ਡੀਜ਼ਲ ਵਾਹਨ 'ਤੇ ਲਗਣ ਵਾਲੇ ਟੈਕਸ ਨੂੰ 2 ਫ਼ੀ ਸਦੀ ਤਕ ਵਧਾਉਣ ਦਾ ਪ੍ਰਸਤਾਵ ਦਿਤਾ ਗਿਆ ਹੈ। ਉਥੇ ਹੀ, ਮੰਤਰਾਲਾ ਨੇ ਸਾਰੇ ਬਿਜਲੀ ਵਾਹਨ ਲਈ ਟੈਕਸ ਨੂੰ ਹੋਰ ਘੱਟ ਕਰਨ ਦੀ ਗੱਲ ਕਹੀ ਹੈ।
ਗੁਡਜ਼ ਐਂਡ ਸਰਵਿਸ ਟੈਕਸ (ਜੀਐਸਟੀ) ਲਾਗੂ ਹੋਣ ਤੋਂ ਬਾਅਦ ਇਕ ਹੀ ਸ਼੍ਰੇਣੀ ਤਹਿਤ ਆਉਣ ਵਾਲੀ ਡੀਜ਼ਲ ਅਤੇ ਪਟ੍ਰੌਲ ਕਾਰਾਂ ਦੇ ਲਈ ਟੈਕਸ ਇਕ ਸਮਾਨ ਹੋ ਗਿਆ ਹੈ ਅਤੇ ਟੈਕਸ ਦਾ ਫ਼ੈਸਲਾ ਇੰਜਨ ਦੇ ਅਕਾਰ ਅਤੇ ਕਾਰ ਦੇ ਅਕਾਰ 'ਤੇ ਤੈਅ ਕੀਤਾ ਜਾਂਦਾ ਹੈ। ਜੀਐਸਟੀ ਲੱਗਣ ਤੋਂ ਬਾਅਦ ਅਤੇ ਡੀਜ਼ਲ 'ਤੇ ਜ਼ਿਆਦਾ ਟੈਕਸ ਦੇ ਨਾਲ ਹੀ ਇਕ ਵਾਰ ਫਿਰ ਸਾਰੇ ਕਿਸਮ ਦੀਆਂ ਕਾਰਾਂ 'ਤੇ ਲੱਗਣ ਵਾਲੇ ਜੀਐਸਟੀ ਰੇਟ 'ਚ ਬਦਲਾਅ ਹੋ ਸਕਦਾ ਹੈ।
ਇਹਨਾਂ ਕਾਰਾਂ 'ਤੇ ਪਵੇਗਾ ਅਸਰ
ਮੌਜੂਦਾ ਸਮੇਂ 'ਚ 4 ਮੀਟਰ ਤੋਂ ਘੱਟ ਲੰਮਾਈ ਅਤੇ 1.5 ਲਿਟਰ ਤੋਂ ਘੱਟ ਇੰਜਨ ਵਾਲੀ ਡੀਜ਼ਲ ਕਾਰਾਂ ਉੱਤੇ ਨਵੇਂ ਜੀਐਸਟੀ ਬਣਤਰ ਦੇ ਤਹਿਤ 31 ਫ਼ੀ ਸਦੀ ਟੈਕਸ ਹੈ। 2 ਫ਼ੀ ਸਦੀ ਟੈਕਸ ਵਧਾਉਣ ਦੇ ਨਾਲ ਇਹ ਰੇਟ 33 ਫ਼ੀ ਸਦੀ ਤਕ ਪਹੁੰਚ ਜਾਵੇਗਾ ਜੋਕਿ ਜੀਐਸਟੀ ਬਣਤਰ ਤੋਂ ਪਹਿਲਾਂ ਦੇ ਬਰਾਬਰ ਹੈ।
ਟੈਕਸ 'ਚ ਵਾਧਾ ਹੋਣ ਨਾਲ ਮਸ਼ਹੂਰ ਕਾਰਾਂ ਜਿਵੇਂ ਮਾਰੂਤੀ ਸੁਜ਼ੁਕੀ ਸਵਿਫ਼ਟ ਅਤੇ ਸਵਿਫ਼ਟ ਡੀਜ਼ਾਇਰ, ਹਿਉਂਡਈ ਆਈ20 ਆਦਿ ਦੇ ਨਾਲ - ਨਾਲ ਐਸਯੂਵੀ ਜਿਵੇਂ ਫ਼ੋਰਡ ਈਕੋਸਪੋਰਟ, ਟਾਟਾ ਨੈਕਸਾਨ, ਮਾਰੂਤੀ ਸੁਜ਼ੁਕੀ ਵਿਟਾਰਾ ਬਰੀਜ਼ਾ ਹੀ ਨਹੀਂ ਸਭ - ਕੰਪੈਕਟ ਸਿਡਾਨ 'ਤੇ ਵੀ ਅਸਰ ਪਵੇਗਾ।
ਐਸਯੂਵੀ ਹੋ ਜਾਵੇਗੀ ਹੋਰ ਮਹਿੰਗੀ
ਆਟੋ ਸੈਕਟਰ 'ਚ ਸਪੋਰਟਸ ਯੂਟਿਲਿਟੀ ਵਹੀਲਜ਼ (ਐਸਯੂਵੀ) 'ਤੇ ਟੈਕਸ ਪਹਿਲਾਂ ਤੋਂ ਹੀ ਸੱਭ ਤੋਂ ਜ਼ਿਆਦਾ ਹੈ ਅਤੇ ਇਹ ਹੁਣ ਵੱਧ ਜਾਵੇਗਾ, ਜਿਸ ਨਾਲ ਕਾਰ ਖ਼ਰੀਦਣ ਵਾਲਿਆਂ ਦੀ ਜੇਬ 'ਤੇ ਅਸਰ ਪਵੇਗਾ, ਉਹ ਵੀ ਉਸ ਸਮੇਂ ਜਦੋਂ ਭਾਰਤੀ ਤਿਉਹਾਰ ਦਾ ਮੌਸਮ ਸ਼ੁਰੂ ਹੋਣ ਜਾ ਰਿਹਾ ਹੈ। ਐਸਯੂਵੀ 'ਤੇ ਟੈਕਸ ਲਗਭਗ 52 ਫ਼ੀ ਸਦੀ ਹੋ ਸਕਦਾ ਹੈ ਜਦਕਿ ਮਿਡ ਸਾਈਜ਼ ਅਤੇ ਲਗਜ਼ਰੀ ਕਾਰਾਂ 'ਤੇ ਟੈਕਸ ਵਧ ਕੇ ਅਨੁਪਾਤ : 47 ਫ਼ੀ ਸਦੀ ਅਤੇ 50 ਫ਼ੀ ਸਦੀ ਹੋ ਜਾਵੇਗਾ।