1 ਅਪ੍ਰੈਲ ਤੋਂ ਕੁੱਝ ਚੀਜ਼ਾਂ ਸਸਤੀਆਂ ਹੋਣ ਦੇ ਆਸਾਰ
1 ਅਪ੍ਰੈਲ ਆਉਣ 'ਚ ਹੁਣ ਬਸ ਕੁੱਝ ਹੀ ਦਿਨ ਬਾਕੀ ਹਨ। ਇਸ ਤੋਂ ਬਾਅਦ ਲਾਗੂ ਹੋ ਜਾਵੇਗਾ ਨਵਾਂ ਵਿਤੀ ਸਾਲ 2018-19..
ਨਵੀਂ ਦਿੱਲੀ: 1 ਅਪ੍ਰੈਲ ਆਉਣ 'ਚ ਹੁਣ ਬਸ ਕੁੱਝ ਹੀ ਦਿਨ ਬਾਕੀ ਹਨ। ਇਸ ਤੋਂ ਬਾਅਦ ਲਾਗੂ ਹੋ ਜਾਵੇਗਾ ਨਵਾਂ ਵਿਤੀ ਸਾਲ 2018-19, ਨਾਲ ਹੀ ਲਾਗੂ ਹੋ ਜਾਣਗੇ ਬਜਟ 'ਚ ਪੇਸ਼ ਨਵੇਂ ਕਾਨੂੰਨ। ਇੰਨਾ ਹੀ ਨਹੀਂ, ਪ੍ਰਬੰਧਾਂ ਤਹਿਤ ਦੇਸ਼ 'ਚ 1 ਅਪ੍ਰੈਲ 2018 ਤੋਂ ਕੁੱਝ ਚੀਜ਼ਾਂ ਦੇ ਮੁੱਲ ਘੱਟ ਜਾਣਗੇ ਯਾਨੀ ਹੁਣ ਤੁਹਾਨੂੰ ਉਨ੍ਹਾਂ 'ਤੇ ਥੋੜ੍ਹਾ ਘੱਟ ਖ਼ਰਚ ਕਰਨਾ ਪਵੇਗਾ। ਆਉ ਜੀ, ਤੁਹਾਨੂੰ ਯਾਦ ਦਿਵਾਉਂਦੇ ਹਾਂ ਉਨ੍ਹਾਂ ਚੀਜ਼ਾਂ ਦੀ ਜੋ ਬਜਟ ਮੁਤਾਬਕ 1 ਅਪ੍ਰੈਲ 2018 ਤੋਂ ਸਸਤੀਆਂ ਹੋਣ ਵਾਲੀਆਂ ਹਨ -
ਆਨਲਾਈਨ ਰੇਲਵੇ ਟਿਕਟ
ਸਰਕਾਰ ਨੇ ਬਜਟ 2018 'ਚ ਈ-ਰੇਲਵੇ ਟਿਕਟ 'ਤੇ ਸਰਵਿਸ ਟੈਕਸ ਘਟਾ ਦਿਤਾ ਹੈ। ਜਿਸ ਵਜ੍ਹਾ ਨਾਲ ਇਹ 1 ਅਪ੍ਰੈਲ 2018 ਤੋਂ ਸਸਤੀ ਹੋਣ ਵਾਲੀ ਹੈ।
ਕੱਚਾ ਕਾਜੂ
ਕੱਚੇ ਕਾਜੂ 'ਤੇ ਕਸਟਮ ਡਿਊਟੀ ਘਟਾ ਕੇ 2.5 ਫ਼ੀ ਸਦੀ ਕਰ ਦਿਤੀ ਗਈ ਹੈ। ਇਹ 1 ਅਪ੍ਰੈਲ 2018 ਤੋਂ ਲਾਗੂ ਹੋਵੇਗੀ। ਹੁਣ ਇਸ 'ਤੇ ਕਸਟਮ ਡਿਊਟੀ 5 ਫ਼ੀ ਸਦੀ ਹੈ।
ਸੋਲਰ ਟੈਂਪਰਡ ਗਲਾਸ ਅਤੇ ਸੋਲਰ ਬੈਟਰੀ
ਸੋਲਰ ਟੈਂਪਰਡ ਗਲਾਸ 'ਤੇ ਬੇਸਿਕ ਕਸਟਮ ਡਿਊਟੀ ਨੂੰ 5 ਫ਼ੀ ਸਦੀ ਤੋਂ ਘਟਾ ਕੇ ਸਿਫ਼ਰ ਕਰ ਦਿਤਾ ਗਿਆ ਹੈ। ਇਸ ਨਾਲੋੋਂ ਇਹ ਸਸਤੇ ਹੋਣ ਵਾਲੇ ਹਨ। ਇਸ ਦੇ ਇਲਾਵਾ ਸੋਲਰ ਬੈਟਰੀ ਦੇ ਮੁੱਲ 'ਚ ਵੀ ਕਮੀ ਆਉਣ ਵਾਲੀ ਹੈ।
ਐਲਐਨਜੀ (ਲਿਕਵਿਫ਼ਾਈਡ ਪੈਟਰੋਲੀਅਮ ਗੈਸ)
ਐਲਐਨਜੀ 1 ਅਪ੍ਰੈਲ ਤੋਂ 2.5 ਫ਼ੀ ਸਦੀ ਸਸਤਾ ਹੋ ਜਾਵੇਗਾ।
ਨਿਕਲ ਧਾਤੂ
ਬਜਟ 'ਚ ਨਿਕਲ ਧਾਤੂ 'ਤੇ ਬੇਸਿਕ ਕਸਟਮ ਡਿਊਟੀ ਨੂੰ ਸਿਫ਼ਰ ਕੀਤਾ ਗਿਆ ਹੈ। 1 ਅਪ੍ਰੈਲ ਤੋਂ ਇਸ ਦੇ ਮੁੱਲ 'ਚ 2.5 ਫ਼ੀ ਸਦੀ ਦੀ ਕਮੀ ਆਉਣ ਵਾਲੀ ਹੈ।
ਸੁਣਨ ਯੰਤਰ ਅਤੇ ਇੰਪਲਾਂਟੇਸ਼ਨ (ਕਾਕਲਿਅਰ ਇੰਪਲਾਂਟ) ਨਾਲ ਜੁਡ਼ੇ ਉਪਕਰਣ, ਬਾਲ ਸਕਰੀਊ ਅਤੇ ਲੀਨੀਅਰ ਮੋਸ਼ਨ ਗਾਈਡ ਵਰਗੀਆਂ ਚੋਣਵੀਆਂ ਵਸਤੂਆਂ ਅਤੇ ਤਕਨੀਕੀ ਵਸਤੂਆਂ।
ਪੀਓਐਸ ਮਸ਼ੀਨਾਂ, ਫ਼ਿੰਗਰ ਸਕੈਨਰ, ਮਾਈਕਰੋ ਏਟੀਐਮ, ਆਇਰਿਸ ਸਕੈਨਰ, ਆਰਓ, ਮੋਬਾਈਲ ਚਾਰਜਰ, ਦੇਸ਼ 'ਚ ਤਿਆਰ ਹੀਰੇ, ਟਾਈਲਾਂ।
ਤਿਆਰ ਚਮੜੇ ਦਾ ਸਮਾਨ, ਲੂਣ, ਜੀਵਨ ਸੁਰੱਖਿਆ ਦਵਾਈਆਂ, ਮਾਚਸ, ਐਲਈਡੀ, ਐਚਆਈਵੀ ਦੀਆਂ ਦਵਾਈਆਂ, ਸਿਲਵਰ ਫ਼ਾਈਲ, ਸੀਐਨਜੀ ਸਿਸਟਮ