ਛੇਤੀ ਭਾਰਤੀਆਂ ਨੂੰ ਮਿਲ ਸਕਦੀ ਹੈ ਚਿਪ ਵਾਲੇ ਈ - ਪਾਸਪੋਰਟ ਦੀ ਸੁਗਾਤ

ਨਵੀਂ ਦਿੱਲੀ : ਮੋਦੀ ਸਰਕਾਰ ਦੇ ਵੱਲੋਂ ਭਾਰਤੀਆਂ ਨੂੰ ਛੇਤੀ ਹੀ ਇਕ ਨਵੀਂ ਸੁਗਾਤ ਮਿਲ ਸਕਦੀ ਹੈ। ਛੇਤੀ ਦੇਸ਼ ਵਿਚ ਪੇਪਰ ਪਾਸਪੋਰਟ ਦੀ ਥਾਂ ਚਿਪ - ਬੇਸਡ ਈ - ਪਾਸਪੋਰਟ ਮਿਲ ਸਕਦਾ ਹੈ। ਬੁੱਧਵਾਰ ਨੂੰ ਪੀਐਮ ਨਰਿੰਦਰ ਮੋਦੀ ਨੇ ਕਿਹਾ ਕਿ ਸਰਕਾਰ ਇਕ ਸੈਂਟਰਲਾਈਜ਼ਡ ਪਾਸਪੋਰਟ ਸਿਸਟਮ 'ਤੇ ਕੰਮ ਕਰ ਰਹੀ ਹੈ, ਜਿਸ ਦੇ ਤਹਿਤ ਦੁਨੀਆਭਰ ਵਿਚ ਦੂਤਾਵਾਸਾਂ ਅਤੇ ਭਾਰਤੀ ਰਾਜਦੂਤਾਵਾਸਾਂ ਵਲੋਂ ਹੀ ਸਾਰੀਆਂ ਪਾਸਪੋਰਟ ਸੇਵਾਵਾਂ ਉਪਲੱਬਧ ਕਰਾਈਆਂ ਜਾਣਗੀਆਂ।

ਪੀਐਮ ਨਰਿੰਦਰ ਮੋਦੀ ਨੇ ਵਾਰਾਣਸੀ ਵਿਚ ਹੋ ਰਹੇ ਪਰਵਾਸੀ ਭਾਰਤੀ ਦਿਨ 2019 ਦੇ ਉਦਘਾਟਨ ਸਮਾਰੋਹ ਵਿਚ ਕਿਹਾ ਕਿ ਦੁਨੀਆਭਰ ਦੇ ਭਾਰਤੀ ਰਾਜਦੂਤਾਵਾਸਾਂ ਅਤੇ ਦੂਤਾਵਾਸਾਂ ਨੂੰ ਪਾਸਪੋਰਟ ਸੇਵਾ ਪ੍ਰਾਜੈਕਟ ਨਾਲ ਜੋੜਿਆ ਜਾ ਰਿਹਾ ਹੈ। ਪੀਐਮ ਮੋਦੀ ਨੇ ਇਹ ਵੀ ਐਲਾਨ ਕੀਤਾ ਕਿ ਸਰਕਾਰ ਪੀਆਈਓ (ਪਰਸਨ ਆਫ ਇੰਡੀਅਨ ਓਰਿਜਿਨ) ਅਤੇ ਓਆਈਸੀ (ਓਵਰੀਜ ਸਿਟੀਜਨ ਆਫ ਇੰਡੀਆ) ਕਾਰਡਸ ਲਈ ਵੀਜ਼ਾ ਜਾਰੀ ਕਰਨ ਦੀ ਪ੍ਰਕਿਰਿਆ ਨੂੰ ਆਸਾਨ ਕਰਨ 'ਤੇ ਕੰਮ ਕਰ ਰਹੀ ਹੈ।

ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਦੀ ਕੋਸ਼ਿਸ਼ ਹੈ ਕਿ ਦੁਨੀਆਭਰ ਵਿਚ ਜਿੱਥੇ ਵੀ ਭਾਰਤੀ ਰਹਿ ਰਹੇ ਹਨ ਉਹ ਖੁਸ਼ ਅਤੇ ਸੁਰੱਖਿਅਤ ਰਹਿਣ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਵਿਦੇਸ਼ਾਂ ਵਿਚ ਲਗਭੱਗ 2 ਲੱਖ ਤੋਂ ਵੱਧ ਭਾਰਤੀ ਮੁਸੀਬਤ ਝੇਲ ਚੁੱਕੇ ਹਨ ਅਤੇ ਪਿਛਲੇ ਸਾੜ੍ਹੇ ਚਾਰ ਸਾਲਾਂ ਤੋਂ ਸਰਕਾਰ ਉਨ੍ਹਾਂ ਦੀ ਮਦਦ ਕਰ ਰਹੀ ਹੈ। ਦੱਸ ਦਈਏ ਕਿ ਭਾਰਤੀ ਪਰਵਾਸੀ ਦਿਨ ਦਾ ਪ੍ਰਬੰਧ ਵਿਦੇਸ਼ ਮੰਤਰਾਲਾ ਅਤੇ ਉੱਤਰ ਪ੍ਰਦੇਸ਼ ਸਰਕਾਰ ਦੇ ਸਾਂਝੇ ਪ੍ਰਬੰਧ ਵਿਚ ਹੋ ਰਿਹਾ ਹੈ ਅਤੇ ਇਸ ਵਾਰ ਕਰੀਬ 5,000 ਨੁਮਾਇੰਦੇ ਇਸ ਵਿਚ ਹਿੱਸਾ ਲੈ ਰਹੇ ਹਨ।