ਸੋਨਾ 90 ਰੁਪਏ ਵਧ ਕੇ 33,300 ਰੁਪਏ ਪਹੁੰਚਿਆ

ਨਵੀਂ ਦਿੱਲੀ : ਸਕਾਰਾਤਮਕ ਗਲੋਬਲ ਸੰਕੇਤਾਂ ਵਿਚ ਵਿਆਹ-ਸ਼ਾਦੀ ਕਾਰਨ ਵਧੀ ਸੋਨੇ ਦੀ ਮੰਗ ਨੂੰ ਪੂਰਾ ਕਰਨ ਲਈ ਸਥਾਨਕ ਗਹਿਣਾ ਵਿਕਰੇਤਾਵਾਂ ਵਲੋਂ ਤਾਜ਼ੀ ਖ਼ਰੀਦਦਾਰੀ ਕਾਰਨ ਸ਼ੁਕਰਵਾਰ ਨੂੰ ਦਿੱਲੀ ਸਰਾਫਾ ਬਜ਼ਾਰ ਵਿਚ ਸੋਨਾ 90 ਰੁਪਏ ਚੜ੍ਹ ਕੇ 33,300 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਪਹੁੰਚ ਗਿਆ।  ਉਦਯੋਗਿਕ ਇਕਾਈਆਂ ਅਤੇ ਸਿੱਕਾ ਨਿਰਮਾਤਾਵਾਂ ਵਲੋਂ ਮੰਗ ਵਧਣ ਨਾਲ ਚਾਂਦੀ ਦੀ ਕੀਮਤ 100 ਰੁਪਏ ਵਧ ਕੇ 40,050 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ। ਬਜ਼ਾਰ  ਸੂਤਰਾਂ ਨੇ ਕਿਹਾ ਕਿ ਹਾਜਿਰ ਬਜ਼ਾਰ ਵਿਚ ਵਿਆਹ-ਸ਼ਾਦੀ ਲਈ ਗਹਿਣਾ ਵਿਕਰੇਤਾਵਾਂ ਵਲੋਂ ਖ਼ਰੀਦਦਾਰੀ ਵਧਣ ਕਾਰਨ ਕੀਮਤੀ ਧਾਤੂ ਵਿਚ ਤੇਜ਼ੀ ਦਾ ਰੁਖ ਰਿਹਾ।  (ਪੀਟੀਆਈ)