EPFO ਕੋਲ ਫ਼ਰਵਰੀ 'ਚ ਨਵੇਂ ਮੈਂਬਰਾਂ ਦਾ ਰਜਿਸਟ੍ਰੇਸ਼ਨ 4 ਮਹੀਨੇ ਦੇ ਹੇਠਲੇ ਪੱਧਰ 'ਤੇ

EPFO data: New members registration hit 4-month low

ਨਵੀਂ ਦਿੱਲੀ, 26 ਅਪ੍ਰੈਲ : ਗ਼ੈਰ-ਖੇਤੀਬਾੜੀ ਖੇਤਰ 'ਚ ਨਵੇਂ ਰੋਜ਼ਗਾਰ ਦੇ ਮੌਕੇ ਫ਼ਰਵਰੀ 'ਚ ਥੋੜ੍ਹੇ ਘੱਟ ਹੋਏ ਹਨ। ਕਰਮਚਾਰੀ ਭਵਿੱਖ ਫ਼ੰਡ ਸੰਗਠਨ (ਈਪੀਐਫ਼ਓ) ਦੇ ਮਹੀਨਾਵਾਰ ਅੰਕੜਿਆਂ ਮੁਤਾਬਕ ਵੱਖਰੀਆਂ ਯੋਜਨਾਵਾਂ ਤਹਿਤ ਨਵੇਂ ਮੈਬਰਾਂ ਦਾ ਰਜਿਸਟ੍ਰੇਸ਼ਨ 4,72,075 ਰਿਹਾ, ਜੋ ਚਾਰ ਮਹੀਨੇ ਦਾ ਹੇਠਲਾ ਪੱਧਰ ਹੈ।

ਈਪੀਐਫ਼ਓ ਦੀਆਂ ਯੋਜਨਾਵਾਂ 'ਚ ਜਨਵਰੀ 2018 'ਚ 6,04,557 ਜਦਕਿ ਦਸੰਬਰ 2017 'ਚ 5,57,633 ਨਵੇਂ ਮੈਂਬਰਾਂ ਦੀ ਰਜਿਸਟ੍ਰੇਸ਼ਨ ਹੋਈ ਸੀ। ਨਵੇਂ ਮੈਂਬਰਾਂ ਦਾ ਰਜਿਸਟ੍ਰੇਸ਼ਨ ਪਿਛਲੇ ਸਾਲ ਨਵੰਬਰ 'ਚ 647,019, ਅਕਤੂਬਰ 'ਚ 3,93,904 ਅਤੇ ਸਤੰਬਰ 'ਚ 4,35,283 ਸੀ। 

ਈਪੀਐਫ਼ਓ ਮੁਤਾਬਕ ਅੰਕੜਿਆਂ 'ਚ ਅਸਥਾਈ ਕਰਮਚਾਰੀ ਵੀ ਸ਼ਾਮਲ ਹੋ ਸਕਦੇ ਹਨ, ਜਿਨ੍ਹਾਂ ਦਾ ਈਪੀਏਓ 'ਚ ਯੋਗਦਾਨ ਹੋ ਸਕਦਾ। ਦਸਣਯੋਗ ਹੈ ਕਿ ਜਿਸ ਸੰਸਥਾ 'ਚ ਵੀ 20 ਜਾਂ ਉਸ ਤੋਂ ਜ਼ਿਆਦਾ ਕਰਮਚਾਰੀ ਹਨ ਅਤੇ ਉਨ੍ਹਾਂ ਦੀ ਮੁੱਢਲੀ ਤਨਖ਼ਾਹ 15,000 ਰੁਪਏ ਤਕ ਹੈ, ਉਨ੍ਹਾਂ ਨੂੰ ਲਾਜ਼ਮੀ ਰੂਪ ਨਾਲ ਈਪੀਐਫ਼ਓ ਦੀ ਸਮਾਜਕ ਸੁਰੱਖਿਆ ਯੋਜਨਾਵਾਂ 'ਚ ਸ਼ਾਮਲ ਕੀਤੇ ਜਾਣ ਦੀ ਲੋੜ ਹੈ।