Closing Bell: Nifty ends above 16,900, Sensex gains 1,041 pts led by IT, metal

 

ਮੁੰਬਈ: ਸ਼ੇਅਰ ਬਾਜ਼ਾਰ 'ਚ ਅੱਜ ਜ਼ਬਰਦਸਤ ਖਰੀਦਦਾਰੀ ਹੋਈ। ਹਫਤਾਵਾਰੀ ਮਿਆਦ ਖਤਮ ਹੋਣ ਦੇ ਦਿਨ ਸੈਂਸੈਕਸ ਵਿਚ 1,000 ਤੋਂ ਵੱਧ ਉਛਾਲ ਰਿਹਾ। ਅੱਜ ਸੈਂਸੈਕਸ ਅਤੇ ਨਿਫਟੀ ਦੋਵੇਂ ਸੂਚਕਾਂਕ ਵਾਧੇ ਦੇ ਨਾਲ ਬੰਦ ਹੋਏ। ਅੱਜ ਦੇ ਕਾਰੋਬਾਰੀ ਸੈਸ਼ਨ ਦੌਰਾਨ ਬਜਾਜ ਦੇ ਸ਼ੇਅਰਾਂ ਵਿਚ 10 ਫੀਸਦੀ ਤੋਂ ਵੱਧ ਤੇਜ਼ੀ ਰਹੀ। ਵੀਰਵਾਰ ਦੇ ਕਾਰੋਬਾਰ ਤੋਂ ਬਾਅਦ ਸੈਂਸੈਕਸ 1041.47 ਅੰਕ ਯਾਨੀ 1.87 ਫੀਸਦੀ ਵਧ ਕੇ 56,857.79 ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਇਲਾਵਾ ਨਿਫਟੀ ਇੰਡੈਕਸ 287.80 ਅੰਕ ਜਾਂ 1.73 ਫੀਸਦੀ ਦੇ ਵਾਧੇ ਨਾਲ 16,929.60 'ਤੇ ਬੰਦ ਹੋਇਆ।

Nifty

ਸੈਂਸੈਕਸ ਦੇ ਟਾਪ-30 ਸ਼ੇਅਰਾਂ 'ਚੋਂ 5 ਸਟਾਕ ਗਿਰਾਵਟ ਨਾਲ ਬੰਦ ਹੋਏ ਹਨ। ਗਿਰਾਵਟ ਵਾਲੇ ਸਟਾਕਾਂ ਦੀ ਸੂਚੀ 'ਚ ਭਾਰਤੀ ਏਅਰਟੈੱਲ, ਅਲਟਰਾ ਕੈਮੀਕਲ, ਡਾਕਟਰ ਰੈੱਡੀ, ਆਈਟੀਸੀ ਅਤੇ ਸਨ ਫਾਰਮਾ ਦੇ ਸ਼ੇਅਰ ਬਿਕਵਾਲੀ ਨਾਲ ਬੰਦ ਹੋਏ। ਇਸ ਤੋਂ ਇਲਾਵਾ 25 ਕੰਪਨੀਆਂ ਦੇ ਸ਼ੇਅਰਾਂ 'ਚ ਵੀ ਵਾਧਾ ਹੋਇਆ ਹੈ। ਅੱਜ ਦੇ ਕਾਰੋਬਾਰ ਤੋਂ ਬਾਅਦ ਬਜਾਜ ਫਾਈਨਾਂਸ ਅਤੇ ਫਿਨਸਰਵ ਦੇ ਸਟਾਕ 10 ਫੀਸਦੀ ਤੋਂ ਜ਼ਿਆਦਾ ਚੜ੍ਹ ਕੇ ਬੰਦ ਹੋਏ ਹਨ।

Sensex and NIfty

ਇਸ ਦੇ ਨਾਲ ਹੀ ਟਾਟਾ ਸਟੀਲ ਦੇ ਸਟਾਕ 'ਚ ਵੀ ਕਰੀਬ 5 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਕੋਟਕ ਬੈਂਕ, ਇੰਡਸਇੰਡ ਬੈਂਕ, ਇਨਫੋਸਿਸ, ਟੇਕ ਮਹਿੰਦਰਾ, ਨੇਸਲੇ ਇੰਡੀਆ, ਵਿਪਰੋ, ਟੀਸੀਐਸ, ਐਚਸੀਐਲ ਟੈਕ, ਆਈਸੀਆਈਸੀਆਈ ਬੈਂਕ, ਐਚਯੂਐਲ, ਟਾਈਟਨ ਸਮੇਤ ਕਈ ਸਟਾਕ ਤੇਜ਼ੀ ਨਾਲ ਬੰਦ ਹੋਏ ਹਨ। ਸੈਕਟਰਲ ਇੰਡੈਕਸ ਵਿਚ ਸਾਰੇ ਸੈਕਟਰ ਹਰੇ ਨਿਸ਼ਾਨ ਵਿਚ ਬੰਦ ਹਨ। ਨਿਫਟੀ ਬੈਂਕ, ਆਟੋ, ਫਾਈਨੈਂਸ਼ੀਅਲ ਸਰਵਿਸਿਜ਼, ਐੱਫ.ਐੱਮ.ਸੀ.ਜੀ., ਆਈ.ਟੀ., ਮੀਡੀਆ, ਧਾਤੂ, ਫਾਰਮਾ, ਪੀ.ਐੱਸ.ਯੂ. ਬੈਂਕ, ਪ੍ਰਾਈਵੇਟ ਬੈਂਕ, ਰਿਐਲਟੀ, ਹੈਲਥਕੇਅਰ, ਕੰਜ਼ਿਊਮਰ ਡਿਊਰੇਬਲ ਅਤੇ ਆਇਲ ਐਂਡ ਗੈਸ ਸੈਕਟਰਾਂ 'ਚ ਚੰਗੀ ਖਰੀਦਦਾਰੀ ਰਹੀ ਹੈ।