ਸ਼ੇਅਰ ਬਾਜ਼ਾਰ: ਸੈਂਸੈਕਸ 861 ਅੰਕ ਡਿੱਗਿਆ, ਨਿਫਟੀ 17350 ਤੋਂ ਹੇਠਾਂ ਬੰਦ, ਨਿਵੇਸ਼ਕਾਂ ਦੇ ਡੁੱਬੇ 2 ਲੱਖ ਕਰੋੜ

ਮੁੰਬਈ - ਸੋਮਵਾਰ (29 ਅਗਸਤ 2022) ਨੂੰ ਗਲੋਬਲ ਮਾਰਕੀਟ ਤੋਂ ਨਕਾਰਾਤਮਕ ਸੰਕੇਤਾਂ ਕਾਰਨ ਭਾਰਤੀ ਸ਼ੇਅਰ ਬਾਜ਼ਾਰ ਭਾਰੀ ਗਿਰਾਵਟ ਨਾਲ ਬੰਦ ਹੋਏ। ਸੈਂਸੈਕਸ 861 ਅੰਕਾਂ ਦੀ ਗਿਰਾਵਟ ਨਾਲ 57,93 'ਤੇ ਬੰਦ ਹੋਇਆ। ਦੂਜੇ ਪਾਸੇ ਨਿਫਟੀ 246 ਅੰਕ ਡਿੱਗ ਕੇ 17313 ਦੇ ਪੱਧਰ 'ਤੇ ਬੰਦ ਹੋਇਆ। ਬਾਜ਼ਾਰ 'ਚ ਭਾਰੀ ਗਿਰਾਵਟ ਕਾਰਨ ਨਿਵੇਸ਼ਕਾਂ ਦੇ 2 ਲੱਖ ਕਰੋੜ ਰੁਪਏ ਤੋਂ ਵੱਧ ਡੁੱਬ ਗਏ। ਅੱਜ ਬਾਜ਼ਾਰ ਦੀ ਸ਼ੁਰੂਆਤ ਵੱਡੀ ਗਿਰਾਵਟ ਨਾਲ ਹੋਈ।  

ਸੈਂਸੈਕਸ 1460 ਅੰਕਾਂ ਦੀ ਗਿਰਾਵਟ ਨਾਲ ਖੁੱਲ੍ਹਿਆ। ਦੂਜੇ ਪਾਸੇ ਨਿਫਟੀ 370 ਅੰਕ ਡਿੱਗ ਕੇ ਖੁੱਲ੍ਹਿਆ। ਗਲੋਬਲ ਬਿਕਵਾਲੀ ਦਾ ਅਸਰ ਭਾਰਤੀ ਬਾਜ਼ਾਰ 'ਚ ਦੇਖਣ ਨੂੰ ਮਿਲਿਆ। ਸੈਕਟਰਲ ਇੰਡੈਕਸ ਵਿਚ ਨਿਫਟੀ ਐਫਐਮਸੀਜੀ ਨੂੰ ਛੱਡ ਕੇ, ਅੱਜ ਸਾਰੇ ਸੈਕਟਰਾਂ ਵਿਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। ਨਿਫਟੀ ਆਈਟੀ ਇੰਡੈਕਸ 'ਚ ਸਭ ਤੋਂ ਜ਼ਿਆਦਾ 3.53 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਬੈਂਕ ਨਿਫਟੀ (1.82%), ਨਿਫਟੀ ਮੈਟਲ (1.53%), ਨਿਫਟੀ ਰਿਐਲਟੀ (1.36%) ਡਿੱਗੇ। 

ਸੈਂਸੈਕਸ ਦੇ 30 'ਚੋਂ 22 ਸ਼ੇਅਰ ਲਾਲ ਨਿਸ਼ਾਨ 'ਤੇ ਰਹੇ। ਅੱਜ ਬੀਐਸਈ 'ਤੇ 3,703 ਸ਼ੇਅਰਾਂ ਦਾ ਕਾਰੋਬਾਰ ਹੋਇਆ। ਇਸ 'ਚੋਂ 1,453 ਸਟਾਕ ਵਧੇ। 2,042 ਸ਼ੇਅਰ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। 208 ਸ਼ੇਅਰਾਂ 'ਚ ਕੋਈ ਬਦਲਾਅ ਨਹੀਂ ਹੋਇਆ। ਦੱਸ ਦਈਏ ਕਿ ਫੇਡ ਦੇ ਚੇਅਰਮੈਨ ਨੇ ਕਿਹਾ ਹੈ ਕਿ ਮਹਿੰਗਾਈ ਨੂੰ ਕੰਟਰੋਲ ਕਰਨ 'ਚ ਸਮਾਂ ਲੱਗੇਗਾ। ਮਹਿੰਗਾਈ ਵਿਰੁੱਧ ਲੜਾਈ ਜਾਰੀ ਰਹੇਗੀ। ਫਾਇਰ ਵਿਆਜ ਦਰਾਂ ਵਿਚ ਵੱਡੇ ਵਾਧੇ ਦੀ ਲੋੜ ਸੰਭਵ ਹੈ। ਫੇਡ ਚੇਅਰਮੈਨ ਦੇ ਬਿਆਨ ਕਾਰਨ ਗਲੋਬਲ ਬਾਜ਼ਾਰ 'ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ।