100 ਰੁਪਏ 'ਚ ਸੋਨਾ ਖਰੀਦਣ ਦਾ ਸੁਨਹਿਰੀ ਮੌਕਾ! ਬ੍ਰਾਂਡ ਤਿਉਹਾਰੀ ਸ਼ੀਜਨ 'ਚ ਦੇ ਰਹੇ ਸ਼ਾਨਦਾਰ ਪੇਸ਼ਕਸ਼

Gold

 

ਨਵੀਂ ਦਿੱਲੀ: ਸੋਨਾ ਖਰੀਦਣ ਦਾ ਇਹ ਚੰਗਾ ਸਮਾਂ ਹੈ। ਇੱਕ ਪਾਸੇ ਜਿੱਥੇ ਐਮਸੀਐਕਸ ਉੱਤੇ ਸੋਨਾ ਰਿਕਾਰਡ ਪੱਧਰ 'ਤੇ ਪਹੁੰਚਣ ਤੋਂ ਬਾਅਦ 10,000 ਰੁਪਏ ਸਸਤਾ ਮਿਲ ਰਿਹਾ ਹੈ, ਉੱਥੇ ਦੂਜੇ ਪਾਸੇ ਤਨਿਸ਼ਕ ਵਰਗੇ ਵੱਡੇ ਬ੍ਰਾਂਡ ਸਸਤੇ ਭਾਅ ਸੋਨਾ ਵੇਚ ਰਹੇ ਹਨ।

 

 

ਜੇਕਰ ਤੁਸੀਂ ਵੀ ਸਸਤੇ ਵਿੱਚ ਸੋਨਾ ਖਰੀਦਣਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਲਈ ਇੱਕ ਵਧੀਆ ਮੌਕਾ ਹੈ। ਤਨਿਸ਼ਕ, ਕਲਿਆਣ ਜਿਊਲਰ ਵਰਗੇ ਵੱਡੇ ਬ੍ਰਾਂਡ ਆਨਲਾਈਨ ਗਹਿਣੇ ਵੇਚ ਰਹੇ ਹਨ ਜਿੱਥੇ ਤੁਸੀਂ ਸਿਰਫ 100 ਰੁਪਏ ਵਿੱਚ ਸੋਨਾ ਖਰੀਦ ਸਕਦੇ ਹੋ।

 

 

100 ਰੁਪਏ ਵਿੱਚ ਸੋਨਾ ਖਰੀਦਣ ਦਾ ਮੌਕਾ
ਦਰਅਸਲ, ਕੋਰੋਨਾ ਦੀ ਲਾਗ ਵਧਣ ਤੋਂ ਬਾਅਦ, ਭਾਰਤ ਦੇ ਲਗਭਗ ਸਾਰੇ ਸੁਨਿਆਰਿਆਂ ਨੇ ਸੋਨੇ ਦੀ ਆਨਲਾਈਨ ਵਿਕਰੀ ਸ਼ੁਰੂ ਕਰ ਦਿੱਤੀ ਹੈ। ਤਾਲਾਬੰਦੀ ਤੋਂ ਬਾਅਦ, ਸੁਨਿਆਰਿਆਂ ਨੇ ਆਪਣੀ ਰਵਾਇਤੀ ਪਹੁੰਚ ਬਦਲ ਲਈ ਹੈ ਅਤੇ ਇੱਕ ਵੱਖਰਾ ਕਾਰੋਬਾਰ ਸ਼ੁਰੂ ਕੀਤਾ ਹੈ। ਇਸ ਕ੍ਰਮ ਵਿੱਚ, ਹੁਣ ਤਨਿਸ਼ਕ, ਕਲਿਆਣ ਜਵੈਲਰਜ਼ ਵਰਗੇ ਵੱਡੇ ਬ੍ਰਾਂਡ ਵੀ ਗਹਿਣੇ ਆਨਲਾਈਨ ਵੇਚ ਰਹੇ ਹਨ।

 

 

ਟਾਟਾ ਸਮੂਹ ਦੇ ਤਨਿਸ਼ਕ, ਕਲਿਆਣ ਜਵੈਲਰਜ਼ ਇੰਡੀਆ ਲਿਮਟਿਡ, ਪੀਸੀ ਜਵੈਲਰਜ਼ ਲਿਮਟਿਡ ਅਤੇ ਸੇਨਕੋ ਗੋਲਡ ਐਂਡ ਡਾਇਮੰਡਸ ਵਰਗੇ ਸੁਨਿਆਰੇ ਆਪਣੀਆਂ ਵੈਬਸਾਈਟਾਂ 'ਤੇ ਕਾਰੋਬਾਰ ਕਰ ਰਹੇ ਹਨ। ਇਸ ਤੋਂ ਇਲਾਵਾ, ਵੱਡੀਆਂ ਕੰਪਨੀਆਂ ਹੋਰ ਵੈਬਸਾਈਟਾਂ ਤੋਂ ਟਾਈ-ਅਪਸ ਰਾਹੀਂ 100 ਰੁਪਏ ਤੋਂ ਘੱਟ ਕੀਮਤ ਵਿੱਚ ਸੋਨਾ ਵੇਚ ਰਹੀਆਂ ਹਨ।