Bank Closed: ਅੱਜ ਦੇਸ਼ ਭਰ ਦੇ ਬੈਂਕਾਂ ਵਿਚ ਗਾਹਕਾਂ ਲਈ ਨਹੀਂ ਹੋਵੇਗਾ ਕੰਮਕਾਰ

Bank Closed:  ਅੱਜ ਦੇਸ਼ ਭਰ ਦੇ ਬੈਂਕ ਬੰਦ ਰਹਿਣਗੇ। 30 ਜੂਨ ਨੂੰ ਦੇਸ਼ ਭਰ ਦੇ ਕਈ ਬੈਂਕਾਂ ਵਿਚ ਕੰਮਕਾਜ ਨਹੀਂ ਹੋਵੇਗਾ ਕਿਉਂਕਿ ਇਸ ਦਿਨ ਬੈਂਕ ਹਾਲਾਂ ਦੇ ਅੰਦਰ ਨਿਯਮਤ ਲੈਣ-ਦੇਣ, ਚੈਕ ਕਲੀਅਰੰਸ, ਨਕਦ ਜਮ੍ਹਾਂ ਅਤੇ ਨਕਦ ਕੱਢਣ ਵਰਗੀਆਂ ਸੇਵਾਵਾਂ ਉਪਲਬਧ ਨਹੀਂ ਹੋਣਗੀਆਂ।

ਹਾਲਾਂਕਿ ਬੈਂਕ ਬੰਦ ਹੋਣ ਦਾ ਕਾਰਨ ਤਿਉਹਾਰ ਅਤੇ ਅੰਦਰੂਨੀ ਲੈਣ-ਦੇਣ ਦੀ ਸਮੀਖਿਆ ਸਮਾਪਤੀ ਵੀ ਹੋ ਸਕਦੀ ਹੈ ਪਰ ਜ਼ਿਆਦਾਤਰ ਬੈਂਕ 30 ਜੂਨ ਨੂੰ ਅਪਣੀ ਅਰਧ-ਸਾਲਾਨਾ ਬੰਦੋਬਸਤ ਸਮੀਖਿਆ ਕਰਦੇ ਹਨ, ਜਿਸ ਦੌਰਾਨ ਸਾਰਾ ਦਿਨ ਸਿਰਫ਼ ਅੰਦਰੂਨੀ ਲੇਖਾ-ਜੋਖਾ ਕੰਮ ਹੁੰਦਾ ਹੈ ਅਤੇ ਕਸਟਮਰ ਸੇਵਾਵਾਂ ਬੰਦ ਰਹਿੰਦੀਆਂ ਹਨ।

ਇਸ ਦੌਰਾਨ ਆਨਲਾਈਨ ਬੈਂਕਿੰਗ, ਏਟੀਐਮ, ਮੋਬਾਈਲ ਬੈਂਕਿੰਗ ਅਤੇ ਇੰਟਰਨੈੱਟ ਬੈਂਕਿੰਗ ਸੇਵਾਵਾਂ ਉਮੀਦ ਹੈ ਕਿ ਚਾਲੂ ਰਹਿਣਗੀਆਂ ਪਰ ਜੇਕਰ ਤੁਹਾਨੂੰ ਚੈੱਕ ਜਮ੍ਹਾਂ ਕਰਵਾਉਣਾ, ਨਕਦ ਲੈਣ-ਦੇਣ ਕਰਨਾ ਜਾਂ ਖਾਤੇ ਨਾਲ ਜੁੜਿਆ ਹੋਰ ਕੋਈ ਕੰਮ ਕਰਵਾਉਣਾ ਹੈ ਤਾਂ ਇਹ ਨਹੀਂ ਹੋਵੇਗਾ।