ਅਮਰੀਕਾ ਨੂੰ ਪਛਾੜਨ ਲਈ ਤਿਆਰ ਹੈ ਭਾਰਤ ਨਵੀਂ ਦਿੱਲੀ, 25 ਦਸੰਬਰ: 4ਜੀ ਤਕਨੀਕ ਨੇ ਬੀਤੇ ਸਾਲ ਦੇਸ਼ ਦੇ ਮੋਬਾਈਲ, ਟੈਬਲੇਟ ਤੋਂ ਲੈ ਕੇ ਡਾਟਾਬੇਸ ਵਰਗੀਆਂ ਕੰਪਨੀਆਂ ਅਤੇ ਟੈਲੀਫ਼ੋਨੀ ਨਾਲ ਜੁੜੇ ਉਤਪਾਦਾਂ ਦੇ ਬਾਜ਼ਾਰਾਂ ਦੀ ਦਿਸ਼ਾ ਤੇ ਦਸ਼ਾ ਬਦਲ ਦਿਤੀ। ਅੱਜ ਦੇਸ਼ 'ਚ ਵਿਕਣ ਵਾਲੇ ਲਗਭਗ 95 ਫ਼ੀ ਸਦੀ ਸਮਾਰਟ ਫ਼ੋਨ 4ਜੀ ਹਨ ਤਾਂ ਡਾਟਾ ਕਾਰਡ ਜਾਂ ਡੌਂਗਲ ਬਾਜ਼ਾਰ 'ਚ ਇਸ ਦਾ ਹਿੱਸਾ 99 ਫ਼ੀ ਸਦੀ ਹੈ। ਕੰਪਨੀਆਂ ਵੀ ਸਵੀਕਾਰ ਕਰਦੀਆਂ ਹਨ ਕਿ 4ਜੀ ਨੇ ਇਸ ਬਾਜ਼ਾਰ ਦੀ ਚਾਲ ਢਾਲ ਬਦਲ ਕੇ ਰੱਖ ਦਿਤੀ ਹੈ ਅਤੇ ਨਵੇਂ ਸਾਲ 'ਚ ਇਸ ਦਾ ਅਸਰ ਹੋਰ ਵਧੇਗਾ ਅਤੇ ਉ ਦਿਨ ਦੂਰ ਨਹੀਂ ਜਦੋਂ ਭਾਰਤ 4ਜੀ ਸਮਾਰਟ ਫ਼ੋਨ ਦੇ ਲਿਹਾਜ ਨਾਲ ਅਮਰੀਕਾ ਨੂੰ ਪਛਾੜ ਦੇਵੇਗਾ।