ਢਾਈ ਸਾਲਾਂ ਦਾ ਸੱਭ ਤੋਂ ਵੱਡਾ ਨੁਕਸਾਨ, ਸੈਂਸੈਕਸ 839 ਅੰਕ ਡਿੱਗਾ
ਮੁੰਬਈ, 2 ਫ਼ਰਵਰੀ: ਬਜਟ 'ਚ ਸ਼ੇਅਰਾਂ ਦੇ ਪੂੰਜੀਗਤ ਲਾਭ 'ਤੇ ਟੈਕਸ ਲਾਉਣ ਦੀ ਤਜਵੀਜ਼ ਦਾ ਅੱਜ ਬਾਜ਼ਰ 'ਤੇ ਭਾਰੀ ਅਸਰ ਦਿਸਿਆ। ਨਿਵੇਸ਼ਕਾਂ ਵਲੋਂ ਭਾਰੀ ਵਿਕਰੀ ਨਾਲ ਬੰਬਈ ਸ਼ੇਅਰ ਬਾਜ਼ਾਰ ਦਾ ਸੂਚਕਅੰਕ 840 ਅੰਕ ਟੁੱਟ ਗਿਆ। ਪਿਛਲੇ ਦੋ ਸਾਲ ਤੋਂ ਜ਼ਿਆਦਾ ਸਮੇਂ ਤੋਂ ਬਾਜ਼ਾਰ 'ਚ ਇਕ ਦਿਨ ਦੀ ਇਹ ਸੱਭ ਤੋਂ ਵੱਡੀ ਗਿਰਾਵਟ ਹੈ।ਸ਼ੇਅਰ ਕੀਮਤਾਂ 'ਚ ਆਈ ਗਿਰਾਵਟ ਨਾਲ ਨਿਵੇਸ਼ਕਾਂ ਨੂੰ ਬਾਜ਼ਾਰ ਪੂੰਜੀਕਰਨ ਦੇ ਲਿਹਾਜ਼ ਨਾਲ 4.5 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋ ਗਿਆ।ਬੰਬਈ ਸ਼ੇਅਰ ਬਾਜ਼ਾਰ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਅੱਜ 839.91 ਅੰਕ ਯਾਨਿਕੀ 2.34 ਫ਼ੀ ਸਦੀ ਦੇ ਨੁਕਸਾਨ ਨਾਲ 35,066.75 'ਤੇ ਬੰਦ ਹੋਇਆ। ਘਬਰਾਏ ਨਿਵੇਸ਼ਕਾਂ ਨੇ ਅਪਣੀ ਹੋਰਡਿੰਗ ਦੀ ਵਿਕਰੀ ਕੀਤੀ। 24 ਅਗੱਸਤ, 2015 ਤੋਂ ਬਾਅਦ ਬਾਜ਼ਾਰ 'ਚ ਇਹ ਇਕ ਦਿਨ ਦੀ ਸੱਭ ਤੋਂ ਵੱਡੀ ਗਿਰਾਵਟ ਰਹੀ। ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 27 ਨੁਕਸਾਨ 'ਚ ਰਹੇ।ਦੂਜੇ ਪਾਸੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਵਿਆਪਕ ਆਧਾਰ ਵਾਲਾ ਨਿਫ਼ਟੀ ਵੀ 256.30 ਅੰਕ ਯਾਨੀ ਕਿ 2.33 ਫ਼ੀ ਸਦੀ ਡਿੱਗ ਕੇ 10,800 ਅੰਕ ਤੋਂ ਹੇਠਾਂ ਫਿਸਲਦਾ ਹੋਇਆ 10,760.60 ਅੰਕ 'ਤੇ ਬੰਦ ਹੋਇਆ।ਵਿੱਤ ਮੰਤਰੀ ਅਰੁਣ ਜੇਤਲੀ ਵਲੋਂ ਲੋਕ ਸਭਾ 'ਚ ਪੇਸ਼ 2018-19 ਦੇ ਬਜਟ 'ਚ ਸ਼ੇਅਰਾਂ 'ਤੇ 10 ਫ਼ੀ ਸਦੀ ਲੰਮੇ ਸਮੇਂ ਦੇ ਪੂੰਜੀਗਤ ਲਾਭ ਟੈਕਸ ਲਾ ਦਿਤਾ ਗਿਆ। ਇਸ ਦੇ ਨਾਲ ਹੀ ਇਕੁਇਟੀ ਕੇਂਦਰਿਤ ਮੁਚੂਅਲ ਫ਼ੰਡਾਂ ਦੀ ਵੰਡੀ ਆਮਦਨ 'ਤੇ ਵੀ 10 ਫ਼ੀ ਸਦੀ ਟੈਕਸ ਲਾ ਦਿਤਾ ਗਿਆਇਸ ਦਾ ਬਾਜ਼ਾਰ 'ਤੇ ਬੁਰਾ ਅਸਰ ਪਿਆ ਹੈ। ਵਿੱਤੀ ਘਾਟੇ ਦਾ ਟੀਚਾ ਵਧਣ ਨਾਲ ਵੀ ਨਿਵੇਸ਼ਕਾਂ ਦੀਆਂ ਉਮੀਦਾਂ ਪ੍ਰਭਾਵਤ ਹੋਈ।
ਢਾਈ ਸਾਲਾਂ ਦਾ ਸੱਭ ਤੋਂ ਵੱਡਾ ਨੁਕਸਾਨ, ਸੈਂਸੈਕਸ 839 ਅੰਕ ਡਿੱਗਾਢਾਈ ਸਾਲਾਂ ਦਾ ਸੱਭ ਤੋਂ ਵੱਡਾ ਨੁਕਸਾਨ, ਸੈਂਸੈਕਸ 839 ਅੰਕ ਡਿੱਗਾ