ਨਵੀਂ ਦਿੱਲੀ, 17 ਫ਼ਰਵਰੀ: ਅਮਰੀਕਾ ਦੀ ਦਿੱਗਜ ਖ਼ੁਦਰਾ ਕੰਪਨੀ ਵਾਲਮਾਰਟ ਭਾਰਤ ਦੀ ਪ੍ਰਮੁੱਖ ਈ-ਕਾਮਰਸ ਕੰਪਨੀ 'ਚ 40 ਫ਼ੀ ਸਦੀ ਤੋਂ ਜ਼ਿਆਦਾ ਹਿੱਸੇਦਾਰੀ ਖ਼ਰੀਦਣ ਲਈ ਗੱਲਬਾਤ ਕਰ ਰਹੀ ਹੈ। ਇਸ ਮਾਮਲੇ 'ਚ ਸਬੰਧਤ ਦੋ ਸੂਤਰਾਂ ਨੇ ਇਹ ਜਾਣਕਾਰੀ ਦਿਤੀ। ਉਨ੍ਹਾਂ ਕਿਹਾ ਕਿ ਜੇਕਰ ਇਹ ਸੌਦਾ ਹੁੰਦਾ ਹੈ ਤਾਂ ਏਸ਼ੀਆ ਦੀ ਤੀਜੀ ਸੱਭ ਤੋਂ ਵੱਡੀ ਅਰਥ ਵਿਵਸਥਾ 'ਚ ਐਮਾਜ਼ਾਨ ਡਾਟ ਕਾਮ ਨੂੰ ਇਹ ਸਿੱਧੇ ਤੌਰ 'ਤੇ ਇਕ ਵੱਡੀ ਚੁਨੌਤੀ ਹੋਵੇਗੀ। ਅਮਰੀਕਾ ਤੋਂ ਬਾਹਰ ਅਪਣੇ ਇਸ ਸੰਭਾਵਤ ਸੱਭ ਤੋਂ ਵੱਡੇ ਸੌਦੇ
ਤਹਿਤ ਅਮਰੀਕੀ ਦਿੱਗਜ ਖ਼ੁਦਰਾ ਕੰਪਨੀ ਫ਼ਲਿਪਕਾਰਟ ਦੇ ਮੌਜੂਦਾ ਅਤੇ ਨਵੇਂ ਸ਼ੇਅਰਾਂ ਦੀ ਖ਼ਰੀਦਦਾਰੀ ਕਰੇਗੀ। ਸੂਤਰਾਂ ਨੇ ਦਸਿਆ ਕਿ ਇਸ ਸੌਦੇ ਲਈ ਜਾਂਚ-ਪਰਖ਼ ਦੀ ਪ੍ਰਕਿਰਿਆ ਅਗਲੇ ਹਫ਼ਤੇ ਦੀ ਸ਼ੁਰੂਆਤ 'ਚ ਸ਼ੁਰੂ ਹੋ ਸਕਦੀ ਹੈ। ਇਹ ਗੱਲਬਾਤ ਨਿੱਜੀ ਹੋਣ ਕਾਰਨ ਦੋਵੇਂ ਕੰਪਨੀਆਂ ਦਰਮਿਆਨ ਗੱਲਬਾਤ ਦੇ ਮੁੱਦੇ ਬਾਰੇ ਜਾਣਕਾਰੀ ਫ਼ਿਲਹਾਲ ਉਪਲਬਧ ਨਹੀਂ ਹੋ ਸਕੀ। (ਏਜੰਸੀ)