ਪ੍ਰੋ. ਚੰਦੂਮਾਜਰਾ ਵਲੋਂ ਖੇਤੀ ਸੰਦਾਂ 'ਤੇ ਲੰਗਰ ਦੀਆਂ ਵਸਤਾਂ 'ਤੇ ਜੀ.ਐਸ.ਟੀ ਮੁਆਫ਼ ਕਰਨ ਦੀ ਮੰਗ
ਨਵੀਂ ਦਿੱਲੀ, 28 ਦਸੰਬਰ (ਸੁਖਰਾਜ ਸਿੰਘ): ਸ੍ਰੀ ਆਨੰਦਪੁਰ ਸਾਹਿਬ ਤੋਂ ਸੰਸਦ ਮੈਂਬਰ ਪ੍ਰੋ. ਪ੍ਰੇਮ ਸਿੰਘ ਚੰਦੂਮਾਜਰਾ ਨੇ ਜੀ.ਐਸ.ਟੀ. (ਕੰਪਨਸੇਸ਼ਨ ਟੂ ਸਟੇਟਸ) ਸੋਧ ਬਿਲ 2017 'ਤੇ ਚਰਚਾ 'ਚ ਹਿੱਸਾ ਲੈਂਦਿਆਂ ਅੱਜ ਕਿਹਾ ਕਿ ਦਿਨੋਂ-ਦਿਨ ਘਾਟੇ ਦਾ ਧੰਦਾਂ ਬਣਦੀ ਜਾ ਰਹੀ ਖੇਤੀ ਤੋਂ ਹਤਾਸ਼ ਕਿਰਸਾਨੀ ਦੀ ਬਾਂਹ ਫੜਨ ਲਈ ਕੇਂਦਰ ਸਰਕਾਰ ਖੇਤੀਬਾੜੀ ਲਈ ਵਰਤੇ ਜਾਂਦੇ ਸੰਦਾਂ ਅਤੇ ਧਾਰਮਕ ਸਥਾਨਾਂ ਉਪਰ ਲਗਾਏ ਜਾਂਦੇ ਲੰਗਰ ਲਈ ਵਰਤੀਆਂ ਜਾਂਦੀਆਂ ਵਸਤਾਂ 'ਤੇ ਜੀ.ਐਸ.ਟੀ. ਮੁਕੰਮਲ ਤੌਰ 'ਤੇ ਮੁਆਫ਼ ਕਰੇ, ਕਿਉਂਕਿ ਕਰਜ਼ੇ ਦੇ ਭਾਰ ਹੇਠ ਦਬੀ ਕਿਰਸਾਨੀ ਟੈਕਸਾਂ ਦੇ ਹੋਰ ਬੋਝ ਝੱਲਣ ਦੇ ਸਮਰੱਥ ਨਹੀਂ। ਜਿਥੇ ਕਿਸਾਨ ਖੇਤੀ ਲਾਗਤ ਦੇ ਬਰਾਬਰ ਆਪਣੀ ਫਸਲਾਂ ਦਾ ਭਾਅ ਨਾ ਮਿਲਣ ਕਾਰਨ ਪਹਿਲਾਂ ਹੀ ਕਰਜ਼ੇ ਦੀ ਪੰਡ ਹੇਠ ਦਬ ਰਿਹਾ ਹੈ, ਉਥੇ ਹੀ ਖੇਤੀ ਸੰਦਾਂ 'ਤੇ ਜੀਐਸਟੀ ਉਨ੍ਹਾਂ ਦੀ ਕਰਜ਼ੇ ਦੀ ਪੰਡ ਨੂੰ ਹੋਰ ਭਾਰੀ ਕਰੇਗਾ।
ਪ੍ਰੋ. ਚੰਦੂਮਾਜਰਾ ਵਲੋਂ ਖੇਤੀ ਸੰਦਾਂ 'ਤੇ ਲੰਗਰ ਦੀਆਂ ਵਸਤਾਂ 'ਤੇ ਜੀ.ਐਸ.ਟੀ ਮੁਆਫ਼ ਕਰਨ ਦੀ ਮੰਗਪ੍ਰੋ. ਚੰਦੂਮਾਜਰਾ ਵਲੋਂ ਖੇਤੀ ਸੰਦਾਂ 'ਤੇ ਲੰਗਰ ਦੀਆਂ ਵਸਤਾਂ 'ਤੇ ਜੀ.ਐਸ.ਟੀ ਮੁਆਫ਼ ਕਰਨ ਦੀ ਮੰਗ