ਨਵੀਂ ਦਿੱਲੀ, 11 ਜਨਵਰੀ: ਅਪਣੀ ਆਯੂਵੈਦਿਕ ਅਤੇ ਹਰਬਲ ਹਾਊਸਹੋਲਡ ਉਤਪਾਦਾਂ ਦੇ ਦਮ 'ਤੇ ਭਾਰਤੀ ਬਾਜ਼ਾਰ 'ਚ ਬਾਬਾ ਰਾਮਦੇਵ ਦੀ ਪਤੰਜਲੀ ਨੇ ਸ਼ਾਨਦਾਰ ਸਫਲਤਾ ਪ੍ਰਾਪਤ ਕੀਤੀ ਹੈ। ਪਤੰਜਲੀ ਦੀ ਸਫ਼ਲਤਾ ਨੂੰ ਦੇਖਦਿਆਂ ਇਕ ਫ਼ਰਾਂਸੀਸੀ ਲਗਜ਼ਰੀ ਗਰੁੱਪ ਐੱਲ.ਵੀ. ਐੱਮ.ਐੱਚ ਨੇ ਪਤੰਜਲੀ ਆਯੂਰਵੈਦ 'ਚ 3250 ਕਰੋੜ ਰੁਪਏ ਦੇ ਨਿਵੇਸ਼ ਦੀ ਪੇਸ਼ਕਸ਼ ਕੀਤੀ ਹੈ। ਐੱਲ ਕੈਟਰਟਨ ਏਸ਼ੀਆ ਦੇ ਮੈਨੇਜਿੰਗ ਪਾਰਟਨਰ ਰਵੀ ਠਕਰਾਨ ਨੇ ਕਿਹਾ ਕਿ ਅਸੀਂ ਜੇਕਰ ਕੋਈ ਮਾਡਲ ਲੱਭ ਸਕੇ ਤਾਂ ਉਨ੍ਹਾਂ ਨਾਲ ਜ਼ਰੂਰ ਵਪਾਸ ਕਰਨਾ ਚਾਹਾਂਗੇ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਮਾਡਲ 'ਚ ਬਹੁਰਾਸ਼ਟਰੀ ਅਤੇ ਵਿਦੇਸ਼ੀ ਨਿਵੇਸ਼ ਦੀ ਗੁੰਜਾਇਸ਼ ਨਹੀਂ ਹੈ, ਅਜਿਹਾ ਮੈਨੂੰ ਲੱਗਦਾ ਹੈ।