ਸਰਕਾਰ ਦੋ ਮਹੀਨੇ ਤੋਂ ਕਹਿ ਰਹੀ ਹੈ ਕਿ ਕੀਮਤਾਂ ਛੇਤੀ ਘਟਣਗੀਆਂ
ਨਵੀਂ ਦਿੱਲੀ, 11 ਜਨਵਰੀ : ਦੇਸ਼ ਵਿਚ ਕੁੱਝ ਹਿੱਸਿਆਂ ਵਿਚ ਪਿਆਜ਼ ਦੀਆਂ ਪ੍ਰਚੂਨ ਕੀਮਤਾਂ 50 ਤੋਂ 60 ਰੁਪਏ ਕਿਲੋ ਹੋ ਗਈਆਂ ਹਨ। ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਮੰਗ ਸਪਲਾਈ ਦੇ ਫ਼ਰਕ ਕਾਰਨ ਹੈ ਅਤੇ ਸਾਉਣੀ ਦਾ ਪਿਆਜ਼ ਆਉਣ ਮਗਰੋਂ ਮਹੀਨੇ ਦੇ ਅੰਤ ਤਕ ਇਸ ਦੀਆਂ ਕੀਮਤਾਂ ਘੱਟ ਹੋ ਜਾਣਗੀਆਂ। ਦਿੱਲੀ, ਚੰਡੀਗੜ੍ਹ, ਮੁੰਬਈ, ਕੋਲਕਾਤਾ ਵਿਚ ਪਿਆਜ਼ 50 ਰੁਪਏ ਕਿਲੋ ਦੇ ਨੇੜੇ-ਤੇੜੇ ਵਿਕ ਰਿਹਾ ਹੈ। ਸਰਕਾਰੀ ਅੰਕੜਿਆਂ ਮੁਤਾਬਕ ਚੇਨਈ ਵਿਚ ਕੀਮਤ 45 ਰੁਪਏ ਹੈ। ਛੋਟੇ ਕਸਬਿਆਂ ਵਿਚ ਪਿਆਜ਼ ਦਾ ਇਹੋ ਮਿਜ਼ਾਜ ਹੈ। ਉਂਜ ਇਹ ਸਿਲਸਿਲਾ ਪਿਛਲੇ ਦੋ ਤਿੰਨ ਮਹੀਨਿਆਂ ਤੋਂ ਲਗਾਤਾਰ ਚੱਲ ਰਿਹਾ ਹੈ। ਸਰਕਾਰ ਵੀ ਲਗਾਤਾਰ ਕਹਿੰਦੀ ਆ ਰਹੀ ਹੈ ਕਿ ਪਿਆਜ਼ ਦੀਆਂ ਕੀਮਤਾਂ ਘੱਟ ਜਾਣਗੀਆਂ ਪਰ ਹਾਲੇ ਤਕ ਨਹੀਂ ਘਟੀਆਂ। ਖੇਤੀ ਸਕੱਤਰ ਐਸ ਕੇ ਪਟਨਾਇਕ ਨੇ ਦਸਿਆ, 'ਇਹ ਥੋੜੇ ਸਮੇਂ ਦਾ ਮਾਮਲਾ ਹੈ। ਵਪਾਰੀ ਲਾਭ ਲੈ ਰਹੇ ਹਨ ਪਰ ਬੁਨਿਆਦ ਮਜ਼ਬੂਤ ਹੈ।' ਉਨ੍ਹਾਂ ਕਿਹਾ ਕਿ ਫ਼ਸਲੀ ਵਰ੍ਹੇ 2017-2018 (ਜੁਲਾਈ ਤੋਂ ਜੂਨ) ਵਿਚ ਪਿਆਜ਼ ਦੀ ਪੈਦਾਵਾਰ ਕੁੱਝ ਘੱਟ ਹੋਣ ਦਾ ਅਨੁਮਾਨ ਹੈ ਪਰ ਪਿਆਜ਼ ਦਾ ਕੁਲ ਉਤਪਾਦਨ ਘਰੇਲੂ ਲੋੜਾਂ ਨੂੰ ਪੂਰਾ ਕਰਨ ਲਈ ਕਾਫ਼ੀ ਹੋਵੇਗਾ।
ਸਰਕਾਰ ਦੋ ਮਹੀਨੇ ਤੋਂ ਕਹਿ ਰਹੀ ਹੈ ਕਿ ਕੀਮਤਾਂ ਛੇਤੀ ਘਟਣਗੀਆਂਸਰਕਾਰ ਦੋ ਮਹੀਨੇ ਤੋਂ ਕਹਿ ਰਹੀ ਹੈ ਕਿ ਕੀਮਤਾਂ ਛੇਤੀ ਘਟਣਗੀਆਂ