ਮੁੰਬਈ, 10 ਨਵੰਬਰ: ਦੇਸ਼ ਦੇ ਸੱਭ ਤੋਂ ਵੱਡੇ ਬੈਂਕ ਭਾਰਤੀ ਸਟੇਟ ਬੈਂਕ ਦਾ ਸਤੰਬਰ 'ਚ ਦੂਜੀ ਤਿਮਾਹੀ ਦੌਰਾਨ ਲਾਭ ਪਿਛਲੇ ਸਾਲ ਦੀ ਮਿਆਦ ਦੇ ਮੁਕਾਬਲੇ ਕਈ ਗੁਣਾ ਵਧ ਕੇ 1,840.43 ਕਰੋੜ ਰੁਪਏ ਹੋ ਗਿਆ। ਐਸ.ਬੀ.ਆਈ. ਲਾਈਫ਼ ਇੰਸ਼ੋਰੈਂਸ 'ਚ ਬੈਂਕ ਦੀਆਂ ਕੁਝ ਹਿੱਸੇਦਾਰੀਆਂ ਦੀ ਵਿਕਰੀ ਤੋਂ ਲਾਭ 'ਚ ਵਾਧਾ ਦਰਜ ਕੀਤਾ ਗਿਆ। ਇਕ ਸਾਲ ਪਹਿਲਾਂ ਦੂਜੀ ਤਿਮਾਹੀ 'ਚ ਬੈਂਕ ਦਾ ਸ਼ੁਧ ਲਾਭ 20.70 ਕਰੋੜ ਰੁਪਏ ਰਿਹਾ ਸੀ। ਦੂਸਰੀ ਤਿਮਾਹੀ 'ਚ ਹਾਲਾਂਕਿ, ਏਕਲ ਆਧਾਰ 'ਤੇ ਬੈਂਕ ਦਾ ਮੁਨਾਫ਼ਾ ਫਸੀ ਕਰਜ਼ਾ ਰਾਸ਼ੀ ਵਧਣ ਨਾਲ 37.9 ਫ਼ੀ ਸਦੀ ਘਟ ਕੇ 1,581.55 ਕਰੋੜ ਰੁਪਏ ਰਹਿ ਗਿਆ। ਪਿਛਲੇ ਸਾਲ ਬੈਂਕ ਦਾ ਸ਼ੁਧ ਲਾਭ 2,538.32 ਕਰੋੜ ਰੁਪਏ ਰਿਹਾ ਸੀ।