ਮੁੰਬਈ, 30 ਨਵੰਬਰ: ਸ਼ੇਅਰ ਬਾਜ਼ਾਰ 'ਚ ਅੱਜ ਭਾਰੀ ਉਠਕ-ਬੈਠਕ ਰਹੀ ਅਤੇ ਸੈਂਸੈਕਸ 'ਚ ਇਕ ਦਿਨ ਦੇ ਸੈਸ਼ਨ 'ਚ ਸਾਲ ਦੀ ਸੱਭ ਤੋਂ ਵੱਡੀ ਗਿਰਾਵਟ ਵੇਖੀ ਗਈ। ਵਿੱਤੀ ਘਾਟਾ ਵਧਣ ਦੀਆਂ ਚਿੰਤਾਵਾਂ ਨੂੰ ਇਸ ਪਿੱਛੇ ਅਹਿਮ ਕਾਰਨ ਮੰਨਿਆ ਜਾ ਰਿਹਾ ਹੈ। ਇਸ ਨਾਲ ਬਾਜ਼ਾਰ 'ਚ ਵੱਡੇ ਪੱਧਰ 'ਤੇ ਵਿਕਰੀ ਦਾ ਦੌਰ ਸ਼ੁਰੂ ਹੋ ਗਿਆ।ਬੀ.ਐਸ.ਈ. ਸੈਂਸੈਕਸ 453 ਅੰਕ ਡਿੱਗ ਕੇ 33,149.35 ਅੰਕ 'ਤੇ ਬੰਦ ਹੋਇਆ। ਨਿਫ਼ਟੀ ਅੱਜ 10,300 ਅੰਕ ਦੇ ਪੱਧਰ ਤੋਂ ਹੇਠਾਂ ਬੰਦ ਹੋਇਆ। ਇਸ ਗਿਰਾਵਟ ਨਾਲ ਬੀ.ਐਸ.ਈ. 'ਤੇ ਸੂਚੀਬੱਧ ਕੰਪਨੀਆਂ ਦੇ ਨਿਵੇਸ਼ਕਾਂ ਦੀ ਬਾਜ਼ਾਰ ਪੂੰਜੀਕਰਨ ਰਕਮ 1.06 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਘੱਟ ਗਈ।