Chandigarh News: VIP ਨੰਬਰਾਂ ਦੀ ਈ- ਨਿਲਾਮੀ ਨਾਲ 2023 'ਚ 14.26 ਕਰੋੜ ਰੁਪਏ ਦੀ ਹੋਈ ਕਮਾਈ
Chandigarh News: ਪਿਛਲੇ ਪੰਜ ਸਾਲਾਂ ਦਾ ਤੋੜਿਆ ਰਿਕਾਰਡ
E-auction of VIP numbers earns Rs 14.26 crore in 2023 Chandigarh News: ਸੁਣਿਆ ਸੀ ਕਿ ਸੌਂਕ ਦਾ ਕੋਈ ਮੁੱਲ ਨਹੀਂ ਹੁੰਦਾ ਅਤੇ ਸ਼ੌਂਕ ਅੱਗੇ ਮੁੱਲ ਵੀ ਫਿੱਕੇ ਪੈ ਜਾਂਦੇ ਹਨ। ਅਜਿਹਾ ਹਕੀਕਤ ਵਿਚ ਹੋਇਆ ਹੈ, ਜੀ ਹਾਂ ਚੰਡੀਗੜ੍ਹ ਵਿਚ ਵੀਆਈਪੀ ਨੰਬਰਾਂ ਦੀ ਨਿਲਾਮੀ ਨਾਲ 14.26 ਕਰੋੜ ਰੁਪਏ ਪ੍ਰਾਪਤ ਹੋਏ। ਵਾਹਨਾਂ ਲਈ ਫੈਂਸੀ, ਆਕਰਸ਼ਕ ਅਤੇ ਵਿਸ਼ੇਸ਼ ਤੌਰ 'ਤੇ ਚੁਣੇ ਗਏ ਰਜਿਸਟ੍ਰੇਸ਼ਨ ਨੰਬਰਾਂ ਲਈ ਚੰਡੀਗੜ੍ਹ ਨੂੰ ਹਮੇਸ਼ਾ ਖਰੀਦਦਾਰ ਮਿਲਦੇ ਹਨ ਪਰ ਇਹ ਕ੍ਰੇਜ਼ 2023 ਵਿਚ ਇਕ ਹੋਰ ਪੱਧਰ 'ਤੇ ਪਹੁੰਚ ਗਿਆ, ਜਦੋਂ ਯੂਟੀ ਰਜਿਸਟ੍ਰੇਸ਼ਨ ਅਤੇ ਲਾਇਸੈਂਸਿੰਗ ਅਥਾਰਟੀ (ਆਰ.ਐਲ.ਏ.) ਨੇ ਇੱਕ ਨਵੀਂ ਉਚਾਈ ਨੂੰ ਛੂਹਿਆ ਅਤੇ ਈ ਨਿਲਾਮੀ ਨਾਲ 14.26 ਕਰੋੜ ਰੁਪਏ ਦੀ ਕਮਾਈ ਕੀਤੀ।
ਇਹ ਵੀ ਪੜ੍ਹੋ: Jalandhar News: ਲਵ ਮੈਰਿਜ ਕਰਵਾਉਣ ਤੋਂ ਬਾਅਦ ਪਤੀ ਨੂੰ ਦੂਜੀ ਔਰਤ ਨਾਲ ਹੋਇਆ ਪਿਆਰ, ਪਤਨੀ ਦਾ ਕੀਤਾ......
ਆਰਐਲਏ ਨੇ ਫੈਂਸੀ ਰਜਿਸਟ੍ਰੇਸ਼ਨ ਨੰਬਰ ਵੇਚ ਕੇ ਇਹ ਵੱਡੀ ਰਕਮ ਹਾਸਲ ਕੀਤੀ। ਧਿਆਨ ਯੋਗ ਹੈ ਕਿ 2020 ਵਿਚ ਸਿਖਰ ਕੋਵਿਡ ਪੀਰੀਅਡ ਨੂੰ ਛੱਡ ਕੇ, ਆਰਐਲਏ ਨੂੰ 2019 ਤੋਂ ਰਜਿਸਟ੍ਰੇਸ਼ਨ ਨੰਬਰਾਂ ਦੀ ਨਿਲਾਮੀ ਦੁਆਰਾ ਪੈਦਾ ਹੋਏ ਮਾਲੀਏ ਵਿੱਚ ਨਿਰੰਤਰ ਵਾਧਾ ਦੇਖਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ: Munawar Faruqui News: ਬਿੱਗ ਬੌਸ 17 ਦੇ ਜੇਤੂ ਮੁਨੱਵਰ ਫਾਰੂਕੀ ਨੂੰ ਪੁਲਿਸ ਨੇ ਅੱਧੀ ਰਾਤ ਨੂੰ ਕੀਤਾ ਗ੍ਰਿਫਤਾਰ
ਰਿਕਾਰਡਾਂ ਦੇ ਅਨੁਸਾਰ, ਆਰਐਲਏ ਨੇ 2019 ਵਿਚ ਆਪਣੇ ਖਜ਼ਾਨੇ ਵਿਚ 4.7 ਕਰੋੜ ਰੁਪਏ ਸ਼ਾਮਲ ਕੀਤੇ ਸਨ, ਜਦੋਂ ਕਿ 2020 ਵਿਚ ਫੈਂਸੀ ਨੰਬਰਾਂ ਦੀ ਵਿਕਰੀ ਤੋਂ ਆਮਦਨ 3.51 ਕਰੋੜ ਰੁਪਏ ਸੀ। 2021 ਵਿੱਚ ਮਾਲੀਆ ਲਗਭਗ ਦੁੱਗਣਾ ਹੋ ਕੇ 7.72 ਕਰੋੜ ਰੁਪਏ ਹੋ ਗਿਆ। ਅਗਲੇ ਸਾਲ, ਅਥਾਰਟੀ ਨੇ 12.83 ਕਰੋੜ ਰੁਪਏ ਇਕੱਠੇ ਕੀਤੇ ਅਤੇ ਫਿਰ 2023 ਵਿਚ 14.26 ਕਰੋੜ ਰੁਪਏ ਪ੍ਰਾਪਤ ਕਰਕੇ ਪਿਛਲੇ ਪੰਜ ਸਾਲਾਂ ਦਾ ਰਿਕਾਰਡ ਤੋੜ ਦਿਤਾ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਇਹ ਸਾਰੇ ਫੈਂਸੀ ਰਜਿਸਟ੍ਰੇਸ਼ਨ ਨੰਬਰ ਯੂਟੀ ਪ੍ਰਸ਼ਾਸਨ ਦੁਆਰਾ ਨਿਰਧਾਰਤ ਨਿਯਮਾਂ ਅਤੇ ਸ਼ਰਤਾਂ ਅਨੁਸਾਰ ਈ-ਨਿਲਾਮੀ ਰਾਹੀਂ ਵੇਚੇ ਜਾ ਰਹੇ ਹਨ ਕਿਉਂਕਿ ਫੈਂਸੀ ਰਜਿਸਟ੍ਰੇਸ਼ਨ ਨੰਬਰਾਂ ਦੀ ਨਿਲਾਮੀ ਯੂਟੀ ਪ੍ਰਸ਼ਾਸਨ ਲਈ ਮਾਲੀਆ ਪੈਦਾ ਕਰਨ ਦੇ ਮੁੱਖ ਸਰੋਤਾਂ ਵਿਚੋਂ ਇੱਕ ਹੈ, ਇਸ ਲਈ ਆਰਐਲਏ ਵੱਧ ਤੋਂ ਵੱਧ ਭਾਗੀਦਾਰੀ ਨੂੰ ਯਕੀਨੀ ਬਣਾਉਣ ਲਈ ਨਿਲਾਮੀ ਬਾਰੇ ਇਸ਼ਤਿਹਾਰ ਦੇ ਕੇ ਵੱਧ ਤੋਂ ਵੱਧ ਆਮਦਨੀ ਪੈਦਾ ਕਰਨ ਲਈ ਸਾਰੇ ਯਤਨ ਅਤੇ ਫੋਕਸ ਕਰਦਾ ਹੈ।
(For more news apart from 'E-auction of VIP numbers earns Rs 14.26 crore in 2023 Chandigarh News' stay tuned to Rozana Spokesman)