ਸ਼ਰਧਾਮਈ ਮਾਹੌਲ ’ਚ ਸ਼ਿਵ ਮਹਾਂ ਪੁਰਾਣ ਕਥਾ ਦਾ ਸਮਾਪਨ
ਪ੍ਰਬੰਧਾਂ ਅਤੇ ਸਜਾਵਟ ਲਈ ਜਨਤਾ ਤੋਂ ਮਿਲੀ ਭਰਪੂਰ ਪ੍ਰਸ਼ੰਸਾ
ਚੰਡੀਗੜ੍ਹ: ਸ੍ਰੀ ਸਨਾਤਨ ਧਰਮ ਸਭਾ ਸੈਕਟਰ 38 ਸੀ ਚੰਡੀਗੜ੍ਹ ਵਲੋਂ ਸਾਉਣ ਮਹੀਨੇ ਦੇ ਮੌਕੇ ’ਤੇ ਮੰਦਰ ’ਚ ਸ਼ੁਰੂ ਕੀਤਾ 7 ਰੋਜ਼ਾ 'ਸ਼ਿਵ ਮਹਾਪੁਰਾਣ ਕਥਾ' ਸਮਾਗਮ ਦਾ ਸ਼ਰਧਾਮਈ ਮਾਹੌਲ ਸਮਾਪਨ ਹੋ ਗਿਆ।
ਇਸ ਦੌਰਾਨ ਯਮੁਨੋਤਰੀ ਤੋਂ ਪੰਡਿਤ ਸ਼੍ਰੀ ਅਜੈ ਕ੍ਰਿਸ਼ਨ ਜੀ ਮਹਾਰਾਜ ਨੇ ਭਗਵਾਨ ਸ਼ਿਵ ਦੀ ਮਹਾਨਤਾ ਬਾਰੇ ਦੱਸਦਿਆਂ ਕਥਾ ਕੀਤੀ। ਇਸ ਸਮਾਗਮ ਵਿੱਚ ਸ਼ਰਧਾਲੂਆਂ ਦੀ ਵੱਡੀ ਹਾਜ਼ਰੀ ਵੇਖੀ ਗਈ ਜਿਨ੍ਹਾਂ ਨੇ ਦਿਲਚਸਪੀ ਅਤੇ ਸ਼ਰਧਾ ਨਾਲ ਸੁਣਿਆ।
ਮੰਦਰ ਪ੍ਰਬੰਧਨ ਨੇ "ਖੀਰ ਮਾਲਪੁਆ ਭੰਡਾਰਾ" ਦਾ ਆਯੋਜਨ ਕੀਤਾ ਅਤੇ ਪ੍ਰਬੰਧਕ ਕਮੇਟੀ ਦੇ ਮੈਂਬਰਾਂ ਦੁਆਰਾ ਰਸਮੀ ਪੂਜਾ ਕੀਤੀ ਗਈ। ਇਸ ਸਮਾਗਮ ਨੂੰ ਇਸ ਦੇ ਪ੍ਰਬੰਧਾਂ ਅਤੇ ਸਜਾਵਟ ਲਈ ਜਨਤਾ ਤੋਂ ਪ੍ਰਸ਼ੰਸਾ ਮਿਲੀ ਹੈ।
ਜ਼ਿਕਰਯੋਗ ਹੈ ਕਿ ਕਥਾ ਦੀ ਸ਼ੁਰੂਆਤ ਸ੍ਰੀ ਸਨਾਤਨ ਧਰਮ ਸਭਾ ਸੈਕਟਰ 38 ਸੀ ਚੰਡੀਗੜ੍ਹ ਵਲੋਂ ਸਾਉਣ ਮਹੀਨੇ ਦੇ ਮੌਕੇ ’ਤੇ ਵਿਸ਼ਾਲ ਕਲਸ਼ ਯਾਤਰਾ ਨਾਲ ਕੀਤੀ ਗਈ ਸੀ। ਸ੍ਰੀ ਗੋਰਖ ਨਾਥ ਮੰਦਰ ਤੋਂ ਸ਼ੁਰੂ ਹੋਈ ਇਹ ਯਾਤਰਾ ਬੜੀ ਧੂਮਧਾਮ ਨਾਲ ਕੱਢੀ ਗਈ ਅਤੇ ਸ੍ਰੀ ਸਨਾਤਨ ਧਰਮ ਮੰਦਰ ਵਿਖੇ ਸਮਾਪਤ ਹੋਈ। ਯਮੁਨੋਤਰੀ (ਉੱਤਰਕਾਸ਼ੀ) ਦੇ ਪ੍ਰਸਿੱਧ ਵਿਦਵਾਨ ਪੰਡਿਤ ਸ਼੍ਰੀ ਅਜੈ ਕ੍ਰਿਸ਼ਨ ਜੀ ਮਹਾਰਾਜ 23 ਜੁਲਾਈ ਤੋਂ 29 ਜੁਲਾਈ, 2024 ਤਕ ਸ਼ਿਵ ਮਹਾਪੁਰਾਣ ਕਥਾ ਕੀਤੀ।