Haryana News: ਕਰਨਾਲ 'ਚ ਦੂਜੀ ਵਾਰ CM ਦੇ ਖਿਲਾਫ ਚੋਣ ਲੜਨਗੇ ਕਾਂਗਰਸ ਦੇ ਤ੍ਰਿਲੋਚਨ ਸਿੰਘ
Haryana News: 2019 ਵਿਚ ਤ੍ਰਿਲੋਚਨ ਸਿੰਘ ਨੂੰ 34 ਹਜ਼ਾਰ 718 ਵੋਟਾਂ ਮਿਲੀਆਂ ਸਨ
Trilochan Singh of Congress will contest the election against the CM for the second time in Karnal: ਹਰਿਆਣਾ ਦੇ ਕਰਨਾਲ ਵਿਧਾਨ ਸਭਾ ਜ਼ਿਮਨੀ ਚੋਣ 'ਚ ਕਾਂਗਰਸ ਨੇ ਸੀਐੱਮ ਨਾਇਬ ਸੈਣੀ ਦੇ ਖਿਲਾਫ ਜ਼ਿਲਾ ਕਨਵੀਨਰ ਤ੍ਰਿਲੋਚਨ ਸਿੰਘ ਨੂੰ ਮੈਦਾਨ 'ਚ ਉਤਾਰਿਆ ਹੈ। ਬੁੱਧਵਾਰ ਨੂੰ ਲੋਕ ਸਭਾ ਉਮੀਦਵਾਰ ਦਿਵਯਾਂਸ਼ੂ ਦਾ ਨਾਮਜ਼ਦਗੀ ਪੱਤਰ ਦਾਖਲ ਕਰਨ ਪਹੁੰਚੇ ਸਾਬਕਾ ਸੀਐੱਮ ਭੁਪਿੰਦਰ ਸਿੰਘ ਹੁੱਡਾ ਨੇ ਤ੍ਰਿਲੋਚਨ ਸਿੰਘ ਨੂੰ ਟਿਕਟ ਸੌਂਪ ਦਿੱਤੀ। ਇਸ ਦੇ ਨਾਲ ਹੀ ਇਹ ਚਰਚਾ ਸ਼ੁਰੂ ਹੋ ਗਈ ਕਿ ਕੀ ਤ੍ਰਿਲੋਚਨ ਸਿੰਘ ਸੂਬੇ ਦੇ ਮੁੱਖ ਮੰਤਰੀ ਨਾਇਬ ਸੈਣੀ ਨੂੰ ਹਰਾ ਸਕਣਗੇ ਜਾਂ ਨਹੀਂ। ਕਾਂਗਰਸੀ ਵਰਕਰਾਂ ਵਿੱਚ ਭਾਰੀ ਉਤਸ਼ਾਹ ਹੈ। ਉਨ੍ਹਾਂ ਦੀ ਆਸ ਪੰਜਾਬੀ ਵੋਟਰਾਂ 'ਤੇ ਟਿਕੀ ਹੋਈ ਹੈ।
ਇਹ ਵੀ ਪੜ੍ਹੋ: Patiala Accident : ਚੜ੍ਹਦੀ ਸਵੇਰ ਵੱਡਾ ਹਾਦਸਾ, PRTC ਬੱਸ ਤੇ ਟਰਾਲੇ ਦੀ ਆਪਸ ਵਿਚ ਹੋਈ ਸਿੱਧੀ ਟੱਕਰ, ਉੱਡੇ ਪਰਖੱਚੇ
2019 ਵਿਚ 34 ਹਜ਼ਾਰ 718 ਵੋਟਾਂ ਮਿਲੀਆਂ ਸਨ
ਤ੍ਰਿਲੋਚਨ ਸਿੰਘ ਕਾਂਗਰਸ ਨੇਤਾ ਹਨ ਜੋ ਦੂਜੀ ਵਾਰ ਮੁੱਖ ਮੰਤਰੀ ਦੇ ਖਿਲਾਫ ਚੋਣ ਲੜ ਰਹੇ ਹਨ। ਇਸ ਸਮੇਂ ਉਹ ਕਾਂਗਰਸ ਵਿੱਚ ਕਰਨਾਲ ਜ਼ਿਲ੍ਹੇ ਦੇ ਕੋਆਰਡੀਨੇਟਰ ਹਨ। 2019 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਤ੍ਰਿਲੋਚਨ ਸਿੰਘ ਨੇ ਮੁੱਖ ਮੰਤਰੀ ਅਤੇ ਭਾਜਪਾ ਉਮੀਦਵਾਰ ਮਨੋਹਰ ਲਾਲ ਵਿਰੁੱਧ ਚੋਣ ਲੜੀ ਸੀ। ਇਸ ਚੋਣ ਵਿੱਚ ਮਨੋਹਰ ਲਾਲ ਨੂੰ 79 ਹਜ਼ਾਰ 906 ਵੋਟਾਂ ਮਿਲੀਆਂ, ਜਦਕਿ ਤ੍ਰਿਲੋਚਨ ਸਿੰਘ 34 ਹਜ਼ਾਰ 718 ਵੋਟਾਂ ਲੈ ਕੇ ਦੂਜੇ ਸਥਾਨ ’ਤੇ ਰਹੇ।
ਇਹ ਵੀ ਪੜ੍ਹੋ: Punjab GST Collection: ਪੰਜਾਬ ਵਿਚ ਜੀਐਸਟੀ ਵਿਚ 21% ਦਾ ਰਿਕਾਰਡ ਵਾਧਾ, 2796 ਕਰੋੜ ਰੁਪਏ ਹੋਇਆ ਇਕੱਠਾ
ਇਸ ਵਾਰ ਫਿਰ ਕਾਂਗਰਸ ਨੇ ਤ੍ਰਿਲੋਚਨ ਸਿੰਘ 'ਤੇ ਭਰੋਸਾ ਪ੍ਰਗਟਾਇਆ ਹੈ। ਹਾਲਾਂਕਿ ਕਾਂਗਰਸ ਵੱਲੋਂ ਸਾਬਕਾ ਵਿਧਾਇਕ ਸੁਮਿਤਾ ਸਿੰਘ, ਕਾਂਗਰਸੀ ਆਗੂ ਭੀਮਸੇਨ ਮਹਿਤਾ ਅਤੇ ਕੁਝ ਹੋਰ ਆਗੂਆਂ ਦੇ ਨਾਵਾਂ 'ਤੇ ਵਿਚਾਰ ਕੀਤਾ ਗਿਆ ਸੀ ਪਰ ਬਾਅਦ ਵਿੱਚ ਤ੍ਰਿਲੋਚਨ ਸਿੰਘ ਦੇ ਨਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਸੀ। ਹੁਣ ਉਹ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦੇ ਖਿਲਾਫ ਮੈਦਾਨ ਵਿੱਚ ਆ ਗਏ ਹਨ।
ਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
63 ਹਜ਼ਾਰ ਤੋਂ ਵੱਧ ਪੰਜਾਬੀ ਵੋਟਰ ਹਨ
ਸਿਆਸੀ ਮਾਹਿਰ ਆਰਪੀ ਸੈਣੀ ਅਨੁਸਾਰ ਡੀਏਵੀ ਕਾਲਜ ਦੇ ਪ੍ਰਿੰਸੀਪਲ ਤ੍ਰਿਲੋਚਨ ਸਿੰਘ ਪੰਜਾਬੀ ਚਿਹਰਾ ਹਨ ਅਤੇ ਕਰਨਾਲ ਵਿੱਚ ਕਰੀਬ 63 ਹਜ਼ਾਰ ਪੰਜਾਬੀ ਵੋਟਰ ਹਨ। ਕਾਂਗਰਸ ਨੇ ਪੰਜਾਬੀ ਕਾਰਡ ਖੇਡਿਆ ਹੈ ਜਦਕਿ ਭਾਜਪਾ ਨੇ ਨਾਇਬ ਸੈਣੀ ਰਾਹੀਂ ਓਬੀਸੀ ਵੋਟਰਾਂ ਨੂੰ ਲੁਭਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਅਤੇ ਸੈਣੀ ਰਾਹੀਂ ਓਬੀਸੀ ਵੋਟਰ ਭਾਜਪਾ ਦੇ ਹੱਕ ਵਿੱਚ ਆਉਣਗੇ ਅਤੇ ਸਾਬਕਾ ਸੀਐਮ ਮਨੋਹਰ ਲਾਲ ਨੂੰ ਲੋਕ ਸਭਾ ਉਮੀਦਵਾਰ ਬਣਾ ਕੇ ਪੰਜਾਬੀ ਵੋਟਰ ਇਸ ਦੇ ਹੱਕ ਵਿੱਚ ਭੁਗਤਣਗੇ। ਭਾਜਪਾ ਨੇ ਅਜਿਹਾ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।
ਅਜਿਹੇ 'ਚ ਭਾਜਪਾ ਨੇ ਵੀ ਆਪਣੀ ਭੂਮਿਕਾ ਨਿਭਾਈ ਹੈ ਅਤੇ ਕਾਂਗਰਸ ਨੇ ਵੀ ਆਪਣੀ ਭੂਮਿਕਾ ਨਿਭਾਈ ਹੈ। ਇਸ ਵਿੱਚ ਦਿਲਚਸਪ ਗੱਲ ਇਹ ਹੈ ਕਿ ਕਾਂਗਰਸ ਦੇ ਲੋਕ ਸਭਾ ਅਤੇ ਵਿਧਾਨ ਸਭਾ ਦੋਵੇਂ ਉਮੀਦਵਾਰ ਪੰਜਾਬੀ ਭਾਈਚਾਰੇ ਦੇ ਹਨ। ਅਜਿਹੇ 'ਚ ਕਿਹੜਾ ਉਮੀਦਵਾਰ ਕਿੰਨੀਆਂ ਵੋਟਾਂ ਲੈਣ 'ਚ ਕਾਮਯਾਬ ਹੁੰਦਾ ਹੈ ਅਤੇ ਕਿਸ ਖਾਤੇ 'ਚ ਇਹ 4 ਜੂਨ ਨੂੰ ਪਤਾ ਲੱਗੇਗਾ।
(For more Punjabi news apart from Trilochan Singh of Congress will contest the election against the CM for the second time in Karnal, stay tuned to Rozana Spokesman)