SYL ਨਹਿਰ ਵਿਚ ਡਿੱਗੀ ਕਾਰ, ਲੜਕੀ ਦੀ ਮੌਤ, ਲੜਕਾ ਲਾਪਤਾ

Car falls into SYL canal

ਹਰਿਆਣਾ ਦੇ ਕੁਰੂਕਸ਼ੇਤਰ ਵਿੱਚ ਇੱਕ ਤੇਜ਼ ਰਫ਼ਤਾਰ ਕਾਰ ਸੰਤੁਲਨ ਗਵਾਉਣ ਤੋਂ ਬਾਅਦ ਐਸਵਾਈਐਲ ਨਹਿਰ ਵਿੱਚ ਡਿੱਗ ਗਈ। ਕਾਰ ਵਿੱਚ ਸਵਾਰ ਇੱਕ ਲੜਕੀ ਦੀ ਡੁੱਬਣ ਨਾਲ ਮੌਤ ਹੋ ਗਈ, ਜਦੋਂ ਕਿ ਗੱਡੀ ਚਲਾ ਰਿਹਾ ਨੌਜਵਾਨ ਤੇਜ਼ ਪਾਣੀ ਦੇ ਵਹਾਅ ਵਿਚ ਵਹਿ ਗਿਆ। ਪੁਲਿਸ ਉਸ ਨੂੰ ਲੱਭਣ ਲਈ ਗੋਤਾਖੋਰਾਂ ਦੀ ਮਦਦ ਨਾਲ ਤਲਾਸ਼ੀ ਮੁਹਿੰਮ ਚਲਾ ਰਹੀ ਹੈ।

ਲੜਕੇ ਦੇ ਪ੍ਰਵਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਲੜਕਾ ਵਰੁਣ ਇਕੱਲਾ ਹੀ ਘਰੋਂ ਨਿਕਲਿਆ ਸੀ। ਉਨ੍ਹਾਂ ਨੂੰ ਨਹੀਂ ਪਤਾ ਕਿ ਕੁੜੀ ਉਨ੍ਹਾਂ ਦੇ ਪੁੱਤਰ ਦੀ ਕਾਰ ਵਿੱਚ ਕਿਥੋਂ ਤੇ ਕਿਵੇਂ ਚੜ੍ਹੀ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਦੋਵੇਂ ਇੱਕੋ ਕਲੋਨੀ ਦੇ ਰਹਿਣ ਵਾਲੇ ਸਨ। ਨੌਜਵਾਨ ਕਾਰ ਦੀ ਖਿੜਕੀ ਟੁੱਟਣ ਕਾਰਨ ਕਾਰਨ ਬਾਹਰ ਨਿਕਲ ਕੇ ਪਾਣੀ ਦੇ ਤੇਜ਼ ਵਹਾਅ ਵਿਚ ਵਹਿ ਗਿਆ, ਜਦੋਂ ਕਿ ਮੁਟਿਆਰ ਅੰਦਰ ਫਸ ਗਈ।

ਪਿਹੋਵਾ ਸ਼ਹਿਰ ਦੀ ਸ਼ਾਸਤਰੀ ਕਲੋਨੀ ਦਾ ਰਹਿਣ ਵਾਲਾ ਵਰੁਣ ਸਿੰਗਲਾ (22) ਆਪਣੀ ਦੋਸਤ ਆਰੂਸ਼ੀ ਨਾਲ ਸਵਿਫਟ ਕਾਰ ਵਿੱਚ ਕੁਰੂਕਸ਼ੇਤਰ ਜਾ ਰਿਹਾ ਸੀ ਕਿ ਰਸਤੇ ਵਿਚ ਕਾਰ ਐਸਵਾਈਐਲ  ਨਹਿਰ ਵਿਚ ਡਿੱਗ ਗਈ।