Haryana News: ਮੱਛਰ ਭਜਾਉਣ ਲਈ ਲਗਾਈ ਅਗਰਬੱਤੀ ਨਾਲ ਘਰ ਵਿਚ ਲੱਗੀ ਅੱਗ, ਜ਼ਿੰਦਾ ਸੜੇ ਭੈਣ-ਭਰਾ
Haryana News: ਮਾਂ ਪਿਓ ਦਾ PGI 'ਚ ਚੱਲ ਰਿਹਾ ਇਲਾਜ
Brother and sister burnt alive due to house fire Haryana News : ਰੋਹਤਕ ਦੇ ਵਾਰਡ 5 ਸਾਂਪਲਾ 'ਚ ਅੱਗ ਲੱਗਣ ਕਾਰਨ ਝੁਲਸੇ ਭਰਾ-ਭੈਣ ਦੀ ਅੱਜ ਇਲਾਜ ਦੌਰਾਨ ਮੌਤ ਹੋ ਗਈ। ਉਨ੍ਹਾਂ ਦਾ ਰੋਹਤਕ ਪੀਜੀਆਈ ਵਿੱਚ ਇਲਾਜ ਚੱਲ ਰਿਹਾ ਸੀ। ਇਸ ਦੌਰਾਨ ਉਸ ਦੇ ਮਾਤਾ-ਪਿਤਾ ਅਜੇ ਵੀ ਹਸਪਤਾਲ 'ਚ ਦਾਖਲ ਹਨ। ਭੈਣ ਅਤੇ ਭਰਾ ਦੀ ਮੌਤ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ।
ਇਹ ਵੀ ਪੜ੍ਹੋ: Haryana News: ਆਸਟਰੇਲੀਆ 'ਚ ਮਾਪਿਆਂ ਦੇ ਇਕਲੌਤੇ ਪੁੱਤ ਦਾ ਕਤਲ
ਅੱਗ ਲੱਗਣ ਦੀ ਘਟਨਾ 30 ਅਪ੍ਰੈਲ ਦੀ ਰਾਤ ਨੂੰ ਵਾਪਰੀ ਸੀ। ਜਦੋਂ ਸਾਰਾ ਪਰਿਵਾਰ ਆਪਣੇ ਘਰ ਦੇ ਚੌਬਾਰੇ (ਛੱਤ 'ਤੇ ਬਣੇ ਕਮਰੇ) ਵਿੱਚ ਸੌਂ ਰਿਹਾ ਸੀ। ਇਸ ਦੌਰਾਨ ਘਰ 'ਚ ਅਚਾਨਕ ਅੱਗ ਲੱਗ ਗਈ, ਜਿਸ 'ਚ ਪਤੀ-ਪਤਨੀ ਅਤੇ ਉਨ੍ਹਾਂ ਦੇ ਦੋ ਬੱਚੇ ਝੁਲਸ ਗਏ।
ਇਹ ਵੀ ਪੜ੍ਹੋ: Chandigarh Administration : ਗਰਾਂਟ ਨਾ ਮਿਲਣ ਕਾਰਨ ਨਗਰ ਨਿਗਮ ਦੀਆਂ ਵਧੀਆਂ ਮੁਸ਼ਕਲਾਂ, ਖਰਚਿਆਂ ਨੂੰ ਪੂਰਾ ਕਰਨ ਲਈ ਨਹੀਂ ਬਜਟ
ਪਰਿਵਾਰ ਵਾਲੇ ਇੱਕੋ ਕਮਰੇ ਵਿੱਚ ਸੌਂਦੇ ਸਨ
ਪੁਲਿਸ ਅਨੁਸਾਰ ਉਮੇਦ ਸਿੰਘ ਵਾਸੀ ਵਾਰਡ 5, ਸਾਂਪਲਾ ਜ਼ਿਲ੍ਹਾ ਰੋਹਤਕ ਨੇ ਦੱਸਿਆ ਕਿ ਉਸ ਦਾ ਲੜਕਾ ਸਤਿਆਵਾਨ (42) ਮਜ਼ਦੂਰੀ ਕਰਦਾ ਹੈ। ਉਹ ਘਰ ਦੇ ਉਪਰਲੇ ਕਮਰੇ ਵਿੱਚ ਰਹਿੰਦਾ ਹੈ। ਬੀਤੀ ਮੰਗਲਵਾਰ ਰਾਤ ਉਹ ਆਪਣੇ ਪਰਿਵਾਰ ਨਾਲ ਉਪਰਲੇ ਕਮਰੇ ਵਿੱਚ ਸੌਂ ਰਿਹਾ ਸੀ। ਸੱਤਿਆਵਾਨ ਦੇ ਨਾਲ ਉਸ ਦੀ ਪਤਨੀ ਸੁਮਨ (39), ਬੇਟਾ ਪ੍ਰਵੀਨ (19) ਅਤੇ ਬੇਟੀ ਪ੍ਰਤਿਭਾ (16) ਵੀ ਕਮਰੇ ਵਿੱਚ ਸੁੱਤੇ ਸਨ।
ਇਹ ਵੀ ਪੜ੍ਹੋ: Punjab News: ਪੰਜਾਬ ਦੇ ਡੀਜੀਪੀ ਗੌਰਵ ਯਾਦਵ ਨੂੰ ਰਾਹਤ, CAT ਨੇ DGP ਦੀ ਨਿਯੁਕਤੀ ਦੇ ਖਿਲਾਫ਼ ਦਾਇਰ ਪਟੀਸ਼ਨ ਕੀਤੀ ਖਾਰਜ
ਉਮੇਦ ਸਿੰਘ ਨੇ ਦੱਸਿਆ ਕਿ ਸਤਿਆਵਾਨ ਮੱਛਰਾਂ ਤੋਂ ਬਚਣ ਲਈ ਉਪਰਲੇ ਕਮਰੇ ਵਿੱਚ ਅਗਰਬੱਤੀ ਬਾਲ ਕੇ ਸੁੱਤਾ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਕਾਰਨ ਅੱਗ ਲੱਗੀ ਹੈ। ਜਿਸ ਨੇ ਪਰਿਵਾਰ ਨੂੰ ਆਪਣੀ ਲਪੇਟ 'ਚ ਲੈ ਲਿਆ।