Haryana News: ਹਰਿਆਣਾ ਦੇ ਲਾਂਸ ਨਾਇਕ ਦੀ ਗੋਲੀ ਲੱਗਣ ਨਾਲ ਮੌਤ, ਪੰਜਾਬ ਵਿੱਚ ਸੀ ਤਾਇਨਾਤ

Lance Naik from Haryana dies of gunshot wound

Lance Naik dies Haryana News: ਹਰਿਆਣਾ ਦੇ ਚਰਖੀ ਦਾਦਰੀ ਦੇ ਲਾਂਸ ਨਾਇਕ ਦੀ ਪੰਜਾਬ ਵਿੱਚ ਗੋਲੀ ਲੱਗਣ ਨਾਲ ਮੌਤ ਹੋ ਗਈ। ਉਹ ਕਪੂਰਥਲਾ ਵਿੱਚ ਤਾਇਨਾਤ ਸੀ। ਪਰਿਵਾਰਕ ਮੈਂਬਰ ਮ੍ਰਿਤਕ ਦੇਹ ਲੈਣ ਲਈ ਪੰਜਾਬ ਰਵਾਨਾ ਹੋ ਗਏ ਹਨ। 34 ਸਾਲਾ ਲਾਂਸ ਨਾਇਕ ਮਨੋਜ ਪਿੰਡ ਸਮਸਾਪੁਰ ਦਾ ਵਸਨੀਕ ਸੀ।

ਉਹ 10 ਦਿਨ ਪਹਿਲਾਂ ਛੁੱਟੀ ਕੱਟਣ ਤੋਂ ਬਾਅਦ ਡਿਊਟੀ 'ਤੇ ਵਾਪਸ ਆਇਆ ਸੀ। ਉਸ ਨੂੰ ਗੋਲੀ ਕਿਵੇਂ ਲੱਗੀ? ਇਸ ਬਾਰੇ ਫ਼ੌਜ ਵੱਲੋਂ ਅਜੇ ਤੱਕ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਮਨੋਜ ਨੂੰ 2011 ਵਿੱਚ ਗ੍ਰੇਨੇਡੀਅਰ ਵਿੱਚ ਸਿਪਾਹੀ ਵਜੋਂ ਭਰਤੀ ਕੀਤਾ ਗਿਆ ਸੀ।

ਘਰ ਵਿੱਚ ਮਾਂ ਸੰਤੋਸ਼ ਦੇਵੀ, ਪਤਨੀ ਰੇਖਾ ਦੇਵੀ ਅਤੇ 2 ਬੱਚੇ ਹਨ। ਪੁੱਤਰ 6 ਸਾਲ ਦਾ ਹੈ ਅਤੇ ਧੀ 8 ਸਾਲ ਦੀ ਹੈ। ਉਸ ਦੇ ਪਿਤਾ ਜੀ ਦਾ ਦਿਹਾਂਤ ਹੋ ਗਿਆ ਹੈ। ਮਨੋਜ ਦੀ ਇੱਕ ਭੈਣ ਹੈ।